Għaliex Host ġewwa Texas fetħet dar għal familja ta' refuġjati

Open Homes issa sar Airbnb.org

Il-programm Open Homes ta' Airbnb issa sar Airbnb.org, għaqda mingħajr skop ta' qligħ 501(c)(3) ġdida fjamanta. Grazzi talli bnejt il-komunità ta' Open Homes magħna. Ninsabu ħerqana li se tingħaqad magħna għal dal-kapitlu l-ġdid.

Il-Hosts ta' Airbnb fetħu djarhom u qasmu ħajjithom mal-vjaġġaturi minn kull rokna tad-dinja u ħafna minnhom għamlu iktar milli mistenni minnhom bħala Hosts. Wara li rat il-ġenerożità u l-merħba sabiħa li l-komunità tagħna tat, Airbnb issieħbet ma' għadd ta' aġenziji li jgħinu lir-refuġjati biex tgħin numru ikbar ta' refuġjati li kellhom iħallu djarhom isibu post fejn joqogħdu.

Il-Hosts tagħna jgħinu biex tinħoloq dinja fejn kulħadd jista' jħossu milqugħ, ikun fejn ikun. Linda, Superhost ġewwa Dallas, hija x-xempju ta' dan kollu. Meta l-familja tagħha rċeviet is-sejħa biex tilqa' familja ta' refuġjati għal ġimgħatejn, aċċettat mingħajr ma ħasbitha darbtejn. "Ħassejt li dan kien il-mod tiegħi kif nagħmel xi ħaġa ta' ġid," tgħidilna.

Meta Mohammed wasal ma' martu u ibnu tarbija, iż-żewġ familji mill-ewwel bnew rabta. Mohammed kien jaħdem bħala amministratur tan-netwerks u traduttur f'bażi tal-Armata Amerikana matul il-Gwerra tal-Iraq—u talli ħadem għall-Amerikani, ħajtu sfat fil-periklu.

Dik li bdiet bħala relazzjoni bejn Host u persuna fil-bżonn inbidlet fi ħbiberija dejjiema li biddlet il-mod kif iż-żewġ familji jħarsu lejn id-dinja.

Meta ż-żjara ta' ġimgaħtejn waslet biex tintemm, Linda u familtha komplew jgħinuhom isibu u jgħammru l-appartament tagħhom. Il-familja ta' Linda għażlet li tilqa' lill-familja ta' Mohammed bla ħlas għal xahar ieħor sakemm isibu post addattat għalihom. Matul dak ix-xahar, ir-raġel ta' Linda għenhom jiksbu kera irħas u l-familja ta' Mohammed setgħet tgħammar l-appartament il-ġdid bl-għajnuna tal-għotjiet tal-komunità tal-Lhud tat-Tempju li tagħmel parti minnu Linda.

Il-ġenerożità ma waqfitx, anki wara li l-familja tiegħu marret toqgħod fid-dar il-ġdida tagħha. Grazzi għall-għajnuna tal-ħafna ħbieb tagħhom, ingħataw biżżejjed flus biex jixtru karozza għall-familja. U mill-ġdid, grazzi għall-ġenerożità tat-Tempju, iben Mohammed ingħata l-opportunità li jmur għall-kindergarten. Organizzaw ukoll brunch biex Mohammed u familtu u dawk kollha li għenuhom jibdew ħajja ġdida jkunu jistgħu jiltaqgħu.

Mohammed jgħid li Linda qisha ommu u li wara mar joqgħod fl-appartament il-ġdid ma' familtu, xorta għadu jiltaqa' ta' sikwit ma' Linda u familtha. Ir-rabta li bnew wasslithom biex minn barranin isiru qishom ta' ġewwa.

Li tibda ħajja ġdida hija biċċa xogħol iebsa ħafna. Mohammed jgħid li qatt ma stenna li dil-komunità żgħira b'esperjenza tal-ħajja differenti tilqgħu u tirrispettah hekk. Linda u l-familja tagħha li Airbnb laqqgħethom magħhom għenuhom iħossuhom milqugħin bil-kbir.

Ingħaqad ma' komunità li dejjem qed tikber li tagħtik l-opportunità toffri l-għajnuna matul żminijiet ta' bżonn.

L-informazzjoni f'dal-artiklu jaf laħqet inbidlet minn meta ġie ppubblikat.