7 pariri fuq kif tilqa' n-nies li ħarbu minn kriżi

Airbnb.org taqsam pariri siewja fuq kif tilqa' n-nies li jafu għaddew minn trawma
Minn Airbnb f'did-data: 25 ta’ Aww 2023
3 minuti biex taqrah
Aġġornat f'did-data: 25 ta’ Aww 2023

Punti ewlenin

  • Bidliet żgħar fl-ispazju tiegħek kapaċi jagħmlu differenza kbira għar-refuġjati li jkunu għaddejjin minn trawma

  • Int u tikkomunika mar-refuġjati, ipprova ifhem is-sitwazzjoni tagħhom

Jekk diġà lqajt in-nies fuq Airbnb, probabbli diġà qattajt ħafna ħin taħseb fuq kif tista' tgħin lill-klijenti jħossuhom milqugħin fl-ispazju tiegħek.

Meta tkun qed tilqa' ż-żjarat ta' emerġenza fuq Airbnb.org, ma tagħmilx ħażin anqas li tqatta' ftit ħin taħseb fuq kif tista' tilqa' lin-nies fil-bżonn li jafu jkunu għaddejjin minn trawma.

In-nies li jħallu djarhom biex isibu s-sigurtà, kultant minn ħin għall-ieħor, jafu jkunu mħassba dwar u qed ifittxu affarijiet oħra minn dawk li jfittxu dawk li jivvjaġġaw għall-gost. Din hija waħda mir-raġunijiet għaliex Airbnb.org tissieħeb mal-għaqdiet mingħajr skop ta' qligħ li jaħdmu biex jgħinu lin-nies li qed jaħarbu mill-ġlied jew minn xi diżastru naturali. Dawn l-għaqdiet kultant ikunu qed joffru s-servizzi l-oħra tagħhom lin-nies fil-bżonn waqt iż-żjara tagħhom.

Airbnb.org għandha tim tal-għajnuna mħarreġ apposta biex, f'każ li jinqalgħu xi problemi serji, jgħin kemm lilek kif ukoll lin-nies li tkun qed tilqa'. It-tim jgħin ukoll lin-nies kollha li tkun qed tilqa', ikunu xi jkunu n-nazzjonalità, ir-razza, l-etniċità jew l-identitajiet l-oħra kollha tagħhom.

Pariri fuq kif tħejji l-ispazju tiegħek

Diffiċli biex wieħed jifhem eżatt il-valur ta' spazju komdu, sigur u privat għal familja li tkun għaddiet minn trawma. Ħafna minnhom, mindu ħallew djarhom, jaf ma kellhomx aċċess għal kċina fejn setgħu jsajru jew salott fejn setgħu jinġabru ftit flimkien.

Dawn huma xi affarijiet li tista' tagħmel biex l-ispazju tiegħek ikun post aħjar fejn tilqa' n-nies:

  • Offri spazju komdu li jilqgħek biex tgħin lin-nies jirrilassaw. Friex u xugamani nodfa, prodotti bażiċi għall-indafa personali u l-prodotti essenzjali għall-kċina jistgħu jgħinu lin-nies iħossuhom id-dar, anke jekk ikunu se jqattgħu biss ftit jiem għandek.
  • Xi nies jafu jkunu mħassba dwar is-sigurtà personali. Jekk tista', ara li l-postijiet għall-parkeġġ ta' quddiem id-dar u d-daħliet ikunu mdawla sew. Ara li s-serraturi, il-blinds u l-purtieri kollha jkunu jaħdmu. Għarrafhom minn qabel jekk hemm ċans li se jisimgħu xi ħsejjes kbar bħal ajruplani għaddejjin fuq id-dar jew trakkijiet taż-żibel li jersqu qrib id-dar kmieni filgħodu.
  • In-nies li jkunu għaddejjin minn trawma u żmien ta' bidla jafu jsibuha bi tqila li jiftakru l-informazzjoni. "Ma tkunx tista' taħseb sew; moħħok ma jkunx qed jaħdem," tgħid persuna li kellha tħalli darha minħabba nar kbir ġewwa California. "Tant ikunu qed iseħħu affarijiet li tinsa kif tagħmel kollox u ma jirnexxielek tagħmel kważi xejn." Il-materjal stampat jaf jgħin lin-nies li tkun qed tilqa'. Tista' tħalli karta bl-indirizz tal-listing u mappa tal-viċinat biex in-nies li tkun qed tilqa' jkunu jistgħu jiċċekkjawha meta jiġu bżonnha.
  • Jekk int u n-nies li tkun qed tilqa' ma titkellmux l-istess lingwa, fittex negozji jew għaqdiet mingħajr skop ta' qligħ tal-post li jafu jkunu kapaċi jaqilbu l-materjal għal xi lingwa li jifhmu n-nies li tkun qed tilqa'. Jekk ikun hemm xi ħaddiem ta' waħda mill-għaqdiet mingħajr skop ta' qligħ imsieħba ma' Airbnb li jkun qed jieħu ħsieb il-każ ta' dawn in-nies fil-bżonn, tista' wkoll tipprova titlob l-għajnuna tiegħu.

Pariri fuq kif titkellem man-nies li tkun qed tilqa'

Għal ħafna Hosts, ir-rabta li jibnu mal-persuni fil-bżonn hija l-isbaħ ħaġa meta jiġu biex jilqgħu n-nies. Dawn huma ftit affarijiet li għandek iżżomm f'moħħok meta tkun qed tikkomunika ma' nies li dal-aħħar jafu jkunu għaddew minn trawma.

  • It-trasparenza u l-konsistenza huma importanti ħafna. Għarraf lin-nies li tkun qed tilqa' minn qabel jekk ikun sejjer xi ħadd biex jagħmel xi xogħol ġewwa d-dar jew madwar id-dar u avżahom minn qabel ukoll jekk tkun se żżurhom fuq il-post.
  • Int u titħaddet man-nies li tkun qed tilqa', l-aħjar tevita li tistaqsihom dwar il-kriżi li għaddew minnha u tistaqsihom biss dwar iż-żjara tagħhom. Mary, li laqgħet għandha ħafna nies li kienu qed jaħarbu mill-Ukrajna qaltilna, "Kont nistaqsihom mistoqsijiet ġenerali bħal 'Minn fejn ġejja?' u 'Kif kien il-vjaġġ tiegħek?'" Jekk ikunu jridu jitkellmu fuq iktar suġġetti, in-nies li jkunu qed joqogħdu għandek jgħidulek huma, żiedet tgħidilna. Meta tagħtihom il-privatezza li jeħtieġu, tkun qed tagħtihom l-ispazju meħtieġ biex jistrieħu u jiġu f'tagħhom.
  • Ipprova ifhem kif in-nies li tkun qed tgħin jixtiequ li ġġib ruħek magħhom mill-mod kif iġibu ruħhom miegħek. Uħud minnhom jafu jkunu jixtiequ jqattgħu l-ħin ma' tal-familja. Oħrajn jistgħu jitolbuk tgħinhom biex jibnu ftit rabtiet fil-komunità.

L-għajnuna tiegħek tagħmel differenza

Grazzi talli qed toffri l-ispazju, l-ħin u l-qalb tajba tiegħek. Jekk tixtieq iktar dettalji fuq kif tħejji għaż-żjarat tal-emerġenza, fiċ-Ċentru tar-Riżorsi tista' ssib l-artikli u l-vidjows fil-gwida ta' Airbnb.org fuq kif tilqa' n-nies.

Punti ewlenin

  • Bidliet żgħar fl-ispazju tiegħek kapaċi jagħmlu differenza kbira għar-refuġjati li jkunu għaddejjin minn trawma

  • Int u tikkomunika mar-refuġjati, ipprova ifhem is-sitwazzjoni tagħhom

Airbnb
25 ta’ Aww 2023
Dan kien ta' għajnuna għalik?