Kif tqiegħed il-prezzijiet li tixtieq titlob fuq Airbnb

Airbnb tagħtik aċċess għall-għodod tal-ospitalità u miljuni ta' klijenti biex tgħinek tkabbar in-negozju tiegħek. Il-prezz li titlob se jkun dejjem f'idejk u meta trid tista' tibdlu.

Bħala professjonist fil-qasam tiegħek, tifhem l-importanza li tagħti servizzi ta' kwalità bi prezz kompetittiv. Dawn xi fatturi li għandek tqis meta tiġi biex tagħżel xi prezzijiet titlob fuq Airbnb.

• Is-servizzi li jixbhu lil tiegħek: Qalleb Airbnb u l-pjattaformi l-oħra għal servizzi li jixbhu lil tiegħek biex tifhem x'qed jitolbu hosts oħra.
• Il-prezzijiet tal-bidu: Nissuġġerulek tibda bi prezz irħas biex tħajjar lill-ewwel klijenti jibbukkjaw miegħek fuq Airbnb. Tista' tibdel il-prezz iktar tard iktar ma tibni l-isem u d-ditta tiegħek b'ratings u reviews tajbin mingħand il-klijenti.
• It-tariffa ta' Airbnb: Żomm it-tariffa tas-servizz li Airbnb titlob lill-hosts għal kull booking f'moħħok. Se nuruk dit-tariffa meta tiġi biex tagħżel xi prezz tixtieq titlob. It-tariffa tħallina nagħtu l-għodod tal-ospitalità, servizz lill-klijenti 24 siegħa kuljum u nilħqu miljuni ta' klijenti għas-Servizzi ta' Airbnb.

Żid prezzijiet bażiċi, standard u premium biex il-klijenti jkollhom iktar għażliet u tkun tista' tikseb id-dħul li tixtieq aħjar.

Il-prezz li titlob għandu jkun addattat għall-format, għall-kumplessità u għall-uniċità ta' kull servizz li tagħti. Ngħidu aħna, fotografu ġewwa l-Istati Uniti tal-Amerka jista' jagħti sessjoni ta' nofs siegħa li tiswa inqas minn $50 USD, sessjoni tar-ritratti personalizzata li tiswa bejn $50 USD u $150 USD u sessjoni għall-familja kollha li tiswa iktar minn $150 USD.

Se nuru l-irħas verżjoni tas-servizz fir-riżultati tat-tiftix lill-klijenti jfittxu s-servizzi fuq Airbnb. Il-verżjoni bażika tal-prezz tista' tgħin tħajjar lill-ewwel klijenti jibbukkjaw u tista' tħajjarhom jibbukkjaw il-verżjonijiet l-oħra tas-servizz tiegħek.

Se nagħtuk l-għażla li titlob il-flus skont l-għadd tal-klijenti jew li titlob prezz wieħed għas-servizz. L-għażla li tagħmel tgħodd għall-verżjonijiet kollha tas-servizz.

• Prezz għal kull klijent: Il-prezz għal kull klijent jiġbor fih it-tariffi kollha u tip. Tista' tagħżel ukoll l-inqas prezz li tixtieq għal kull booking. Żomm f'moħħok li prezz irħas jaf iħajjar iktar klijenti jibbukkjaw u għalhekk iddaħħal iktar flus. Ngħidu aħna, ġewwa l-Istati Uniti tal-Amerka jekk 4 klijenti jibbukkjaw servizz ta' $60 USD kull wieħed, iddaħħal $240 USD filwaqt li jekk 8 klijenti jibbukkjaw servizz ta' $45 USD kull wieħed, iddaħħal $360 USD.
• Prezz fiss: Il-prezz totali tiegħek jiġbor fih it-tariffi kollha u tip għal kull għadd tal-klijenti sal-ikbar għadd tal-klijenti li tqiegħed għas-servizz offrut.

Mod tajjeb kif tibqa' titlob prezz kompetittiv huwa li tagħti skont skont ix-xorta tal-bookings.

• Għal żmien limitat: Raħħas il-prezz li titlob b'bejn 5% u 50% għal 30 jum biex tħajjar lill-ewwel klijenti jibbukkjaw miegħek.
• Għal min jibbukkja kmieni: Raħħas il-prezz b'20% jekk il-klijenti jibbukkjaw iktar minn ġimagħtejn bil-quddiem biex tħajjar lill-klijenti li jibbukkjaw bil-quddiem.
• Għal gruppi kbar: Raħħas il-prezz għall-gruppi biex timla l-postijiet kollha iktar malajr.

L-iskontijiet li tagħti jintużaw kull darba li klijent jibbukkja s-servizz. Meta żżid iktar minn wieħed, il-klijenti se jiksbu l-iktar skont li jraħħsilhom il-prezz. Ma jistgħux jużaw iktar minn skont wieħed għall-istess booking.

Il-hosts, ir-ritratti u d-dettalji tal-listings kollha għandu jkollhom l-istandards u r-rekwżiti li nistennew għas-Servizzi ta' Airbnb.

L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.