L-għodod il-ġodda għall-esperjenza tiegħek

L-app ta' Airbnb l-ġdida għandha dak kollu li teħtieġ biex tieħu ħsieb l-esperjenza tiegħek. L-għodod tal-ospitalità li tajniek jgħinuk tieħu ħsieb il-kalendarju aħjar, tħajjar iktar nies jibbukkjaw il-listing tiegħek, tikkomunika mal-klijenti, tifhem id-dħul li tista' tagħmel u tikseb iktar dettalji dwar ir-ratings u r-reviews.

Se ssib l-għodod miġbura f'dawn il-ħames tabs meta tidħol fil-kont bħala host.

It-tab Illum hija l-ewwel ħaġa li nuruk meta tiftaħ l-app. Hemm nagħtuk ħarsa tad-dettalji tal-bookings biex ngħinuk tqassam il-jum u tagħti ospitalità mill-aqwa.

• Aqleb bejn id-dehra tal-bookings tal-lum u l-bookings mistennija biex b'hekk tkun tista' tifhem lil min qed tilqa' u meta.
• Żid xi noti għalik mal-bookings (bħal tfakkiriet dwar okkażjonijiet speċjali jew talbiet).
• Ikseb il-pariri dwar x'għandek tagħmel għal kull booking bħal, ngħidu aħna, li tagħti d-dettalji importanti biex tgħin lill-klijenti jħejju ruħhom.

Il-Kalendarju l-ġdid għandu dehra komda li tagħtik ħarsa lejn dakinhar. Tista' tiċċekkja u tibdel il-programm tiegħek, siegħa b'siegħa.

• Żid id-disponibbiltà għall-esperjenza tiegħek u agħżel liema attivitajiet tixtieqhom jirrepetu kull tant żmien.
• Issinkronizza l-kalendarji ta' Airbnb u ta' Google biex iżżomm kont ta' kollox minn post wieħed.
• Sib l-għadd ta' klijenti kkonfermati għal kull avveniment li se tmexxi.
• Qiegħed prezzijiet personalizzati għal dati u ħinijiet partikolari biex tħajjar iktar nies jibbukkjaw.

Il-klijenti se jkunu jistgħu jibbukkjaw minnufih kull mument miftuħ fuq il-kalendarju tiegħek u għalhekk importanti ħafna li żżomm id-disponibbiltà aġġornata.

It-tab Listings tgħinek tieħu ħsieb id-dettalji tal-listing tiegħek. Tista' tibdel il-prezzijiet li qed titlob u turi l-esperjenza tiegħek lill-klijenti.

• Żid skontijiet skont iż-żmien, għal min jibbukkja kmieni u għall-gruppi l-kbar biex tħajjar lill-klijenti jibbukkjaw.
• Tella' ritratti ta' kwalità għal-listing biex tgħin lill-klijenti jifhmu x'għandhom jistennew u biex tgħin lil-listing tiegħek jispikka.
• Ibdel il-programm ukoll jekk tibdel il-post fejn se titmexxa l-esperjenza jew l-attivitajiet li se tagħmel mal-klijenti.
• Ibdel is-settings għad-daqsijiet tal-grupp, għall-aħħar ħin għall-bookings u għall-aċċess li tagħti lill-co-hosts għal-listing tiegħek.
• Żid il-faċilitajiet tal-aċċessibbiltà, fosthom l-għajnuniet għal min nieqes mis-smigħ u/jew mid-dawl.

Il-hosts, ir-ritratti u d-dettalji tal-listings kollha għandhom ikollhom l-istandards u r-rekwiżiti li nistennew għall-Esperjenzi ta' Airbnb.

It-tab Messaġġi tgħinek tikkomunika mal-klijenti qabel, waqt u wara l-esperjenza li bbukkjaw. Kull messaġġ li tibgħat jintbagħat fil-konverżazzjoni tal-grupp li tinħoloq awtomatikament għal kull avveniment.

• Aqsam filmat jew ritratt biex tintroduċi ruħek jew wara l-esperjenza biex tibgħat tifkira tal-isbaħ mumenti.
• Ibgħat messaġġ direttament lill-klijent jekk ikun jeħtieġlek tiddiskuti xi talbiet partikolari.
• Wieġeb l-iktar mistoqsijiet komuni bi tweġibiet ta' malajr miktuba minn qabel li tista' tippersonalizzahom jew oħloq il-mudelli tiegħek stess.
• Ħejji t-tweġibiet ta' malajr biex jibagħtu l-iktar dettalji importanti awtomatikament f'sitwazzjonijiet partikolari bħal, ngħidu aħna, malli l-klijenti jibbukkjaw jew jum qabel l-esperjenza.
• Ikkuntattja lit-tim tal-Għajnuna ta' Airbnb jew ibgħat messaġġ lill-host jekk tkun qed tuża l-app bħala klijent.

Minn Menù tista' ssib id-dħul, il-perspettivi u settings oħra. Se nagħtuk pariri personalizzati u iktar riżorsi biex ngħinuk tkabbar in-negozju tal-ospitalità tiegħek.

• Sib id-dħul tiegħek u oħloq rapporti personalizzati mid-dashboard tad-dħul.
• Skopri r-ratings u r-reviews tal-klijenti u uża t-taqsima l-ġdida tal-perspettivi biex tqabbel ir-rating ġenerali tal-listing ma' dak ta' esperjenzi oħra li jixbhu lil tiegħek.
• Ħu ħsieb is-settings tal-kont u sib ir-riżorsi dwar l-ospitalità.

L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.