Kif tħejji l-ispazju u l-klijenti tiegħek biex jilqgħu għan-nirien

Aħna nieħdu s-sigurtà tal-Hosts u tal-klijenti bis-serjetà. It-Trust and Safety Coalition tagħna ssieħbet mal-International Association of Fire Chiefs (IAFC) biex naqsmu dawn ir-riżorsi mill-programm tagħha Ready, Set, Go!

Għalkemm il-programm jiffoka fuq l-Istati Uniti tal-Amerka, il-pariri tiegħu huma siewja f'għadd ta' postijiet madwar id-dinja li jintlaqtu min-nirien. Dawn huma xi wħud mis-suġġerimenti tal-IAFC biex tnaqqas ir-riskji u trawwem l-għarfien tal-klijenti dwar is-sigurtà marbuta man-nirien.

Meta taħseb minn qabel, tkun qed tgħin tħares lilek innifsek, lill-klijenti u lill-propjetà tiegħek. L-IAFC tissuġġerixxi dawn li ġejjin:

• Biex toħloq spazju fejn in-nar jista' jiġi kkontrollat aħjar, neħħi l-ħxejjex u l-pjanti li kibru żżejjed f'raġġ ta' 9 metri (30 pied) mid-dar, mill-garaxx u minn bini ieħor fil-propjetà tiegħek.
• Uża wċuħ ibsin—bħal konkrit, ġebel jew bricks—għall-paviment f'raġġ ta' metru u nofs (5 piedi) madwar id-dar tiegħek.
• Int u tħawwel il-ħxejjex u x-xtieli madwar id-dar, agħżel dawk li jifilħu għan-nar, li z-zkuk tagħhom ma jsirux injam u li ma jitwalux iżżejjed.
• Neħħi l-friegħi li jkunu fil-baxx biex ikun hemm mill-inqas 2 metri (6 piedi) bejn il-ħxejjex, l-arbuxelli u s-siġar itwal.

Irreġistra għat-twissijiet tal-emerġenza taż-żona li fiha tinsab il-propjetà tiegħek biex dejjem ikollok l-iġded avviżi tal-emerġenza. Ħafna aġenziji tal-gvern lokali, reġjonali u nazzjonali jagħtu dax-xorta ta' servizz. Għal iktar dettalji, żur il-websajts tagħhom.

Il-klijenti ġejjin minn postijiet li mhux soltu jintlaqtu min-nirien jafu ma jkunux jafu bir-riskji. Tista' tgħinhom iħejju ruħhom b'dawn il-pariri mingħand IAFC:

• Fir-regoli tad-dar tal-listing żid xi informazzjoni bażika dwar iż-żmien tas-sena meta jiżdied ir-riskju tan-nirien fiż-żona u x'restrizzjonijiet hemm mal-ħruq fil-beraħ.
• Ħalli lista ta' kuntatti tal-emerġenza f'post li tista' tinstab malajr fil-post tiegħek—bħal, ngħidu aħna, mal-friġġ jew fuq tavolina.
• Ħalli mappa taż-żona għall-klijenti u fuqha ikteb l-indirizz tal-propjetà u l-ismijiet tat-toroq fil-qrib u mmarka r-rotot li jistgħu jużaw biex jaħarbu f'każ ta' emerġenza u l-postijiet siguri. Agħti wkoll l-isem tal-viċinat.
• Ħeġġeġ lill-klijenti biex jirreġistraw għat-twissijiet tal-emerġenza tal-post u jżommu ruħhom aġġornati dwar in-nirien, anke jekk ma jkun hemm l-ebda nar qrib il-propjetà tiegħek.
• Għarraf lill-klijenti li m'hemmx għalfejn jistennew l-ordni tal-awtoritajiet biex jitilqu miż-żona. Il-klijenti jafu jkunu jeħtieġu iktar ħin minn ħaddieħor jekk ma jkunux jafu sew iż-żona.

Tista' tikkuntattja lid-dipartiment tat-tifi tan-nar tal-post għal iktar informazzjoni dwar kif tħejji għan-nirien. Jekk il-post tiegħek jinsab ġewwa l-Istati Uniti tal-Amerka, tista' taqra wkoll Ready, Set, Go! biex issir taf iktar dwar in-nirien u toħloq pjan għall-emerġenzi.

Ħafna drabi, sakemm ma taqbilx mod ieħor mal-klijent tiegħek, il-politika ta' kanċellazzjoni tal-listing tiegħek tintuża biex naħdmu l-ħlasijiet lura għall-bookings ikkanċellati. Jekk il-post tal-booking jintlaqat minn xi avveniment serju li minħabba fih il-booking ma jkunx jista', fiżikament jew legalement, jintuża, il-Politika tal-Avvenimenti ta' Tfixkil Serju ta' Airbnb taf tgħodd għall-każ tiegħek.

Meta tgħodd il-Politika tal-Avvenimenti ta' Tfixkil Serju, tista' tikkanċella dak il-booking mingħajr tariffi jew konsegwenzi oħra u dawk id-dati se jibqgħu mblukkati fuq il-kalendarju tal-listing tiegħek. Il-klijenti b'bookings milquta jistgħu wkoll jikkanċellaw u jieħdu flushom kollha lura. Jekk int jew il-klijenti tiegħek tikkanċellaw booking li jaqa' taħt dil-politika, mhu se tikseb l-ebda ħlas għal dak il-booking.