Kif jaħdem AirCover għall-Hosts

AirCover għall-Hosts jagħtik ħarsien kull darba li tilqa' n-nies. Dan jiġbor fih il-verifika tal-identità tal-klijenti, l-iskrinjar tal-bookings, l-Assigurazzjoni għar-Responsabbiltà tal-Hosts sa $1 miljun USD, il-Ħarsien mill-Ħsara għall-Hosts sa $3 miljun USD, il-ħarsien għall-oġġetti ta' valur u l-ħarsien għad-dgħajjes u l-karozzi pparkjati fil-propjetà tiegħek.

Il-komunità tagħna msejsa fuq il-fiduċja. Għalhekk importanti li l-klijenti kollha li jibbukkjaw ikunu għaddew mill-proċess tal-verifika tal-identità tagħna. Meta nivverifika l-identità ta' klijent, nivverifikaw xi informazzjoni personali bħall-isem uffiċjali, l-indirizz, in-numru tal-mowbajl jew dettalji tal-kuntatt oħra.

Kif nivverifikaw l-identità tal-klijent, il-klijent se jikseb il-badge "Identità verifikata". Din tintwera ħdejn ir-ritratt tal-profil tal-klijent bħala marka ħamra Barra minn hekk, jafniċċekkjaw il-kondottatal-klijenti li joqogħdu ġewwa l-Istati Uniti tal-Amerka.

Ikseb iktar dettalji dwar il-verifika tal-identità tal-klijenti.

Il-Politika kontra l-Fastidju lill-Komunità tagħna ma tħallix li l-klijenti jorganizzaw parties bla permess u li jagħtu fastidju. Aħna nużaw teknoloġija tal-għarbiel tal-bookings mibnija minna biex tgħinna nwettqu dik il-politika u nnaqqsu l-probabbiltà ta' parties li jagħtu fastidju.

Is-sistema tqis għadd ta' fatturi biex tifhem jekk booking għandux jiġi mblukkat jew le. Dawn jinkludu x-xorta ta' listing li qed jiġi bbukkjat, it-tul taż-żjara, il-bogħod tal-listing mill-post fejn jinsab il-klijent u jekk il-booking sarx fl-aħħar minuta, fost ħafna sinjali oħra.

Ikseb iktar dettalji dwar it-teknoloġija għall-iskrinjar tal-bookings.

Ħarsien mill-Ħsara għall-Hosts, parti minn AirCover għall-Hosts, jiġbor fih dal-ħarsien f'każ li klijent ma jħallasx għall-ħsara li jkun għamel fil-post tiegħek jew fi ħwejġek sakemm ikun qed joqgħod għandek.

• $3 miljun USD f'ħarsien kontra l-ħsara: Dan jiġbor fih kemm il-post tiegħek kif ukoll dak li hemm fih.
• Ħarsien għall-biċċiet tal-arti u l-oġġetti prezzjużi: Aħna nħarsu l-biċċiet tal-arti fini, il-ġojjelli u l-oġġetti tal-kollezzjoni għax nistgħu nagħtuk kumpens jekk issirilhom xi ħsara.
• Ħarsien għall-karozzi u d-dgħajjes: Noffru ħarsien mill-ħsara għall-karozzi, għad-dgħajjes u għal inġenji tal-ilma oħra li jkollok ipparkjati jew maħżuna fil-propjetà tiegħek.
• Ħarsien kontra l-ħsara li jagħmlu l-pets: Aħna nħallsu għall-ħsara li jistgħu jagħmlu l-pets.
• Tindif fil-fond: Aħna  nagħmlu tajjeb għal servizzi ta' tindif mhux mistennija li jkunu meħtieġa biex tneħħi t-tbajja' u l-irwejjaħ tat-tipjip.
• Ħarsien kontra t-telf tad-dħul: Se nagħmlu tajjeb għat-telf tad-dħul jekk tikkanċella booking ta' Airbnb minħabba xi ħsara li jagħmlulek il-klijenti.

Ikseb iktar dettalji dwar il-programm tal- Ħarsien mill-Ħsara għall-Hosts.

Jekk xi klijent jagħmel il-ħsara fil-post tiegħek jew fi ħwejġek, int(jewco-hostb'permess tal-aċċess sħiħ f'ismek)tistgħu żżuru ċ-Ċentru tar-Riżoluzzjonijiettagħna biex tressqu talba għall-kumpens u mbagħad tifhmu fejn waslet minn meta tibgħatha sakemm tiksbu l-ħlas.

It-talba tiegħek l-ewwel se tintbagħat lill-klijent. Jekk il-klijent ma jweġibx jew ma jħallasx fi żmien 24 siegħa, se jkollok l-opportunità li Airbnb tgħinek issolvi l-problema.

L-Assigurazzjoni għar-Responsabbiltà tal-Hosts, parti minn AirCover għall-Hosts, toffri sa $1M USD ħarsien lill-hosts fil-każ rari li, waqt li jkun qed joqgħod fil-post tiegħek, klijent ikorri jew l-affarijiet tiegħu ssirilhom xi ħsara jew jinsterqu. Dawk li jgħinuk tilqa' n-nies, bħall-co-hosts u l-persuni li jgħinuk tnaddaf, huma mħarsa wkoll.

L-assigurazzjoni għar-responsabbiltà tal-Hosts tħarsek f'każ li tinstab legalment responsabbli għal:

• Korriment ta' klijent (jew ta' nies oħra).
• Ħsara jew serq tal-propjetà ta' klijent (jew nies oħra).
• Ħsara magħmula minn klijent (jew nies oħra) lil żoni komuni, bħal ngħidu aħna l-lobbies jew il-propjetajiet fil-qrib.

Uża l-formola tat-talba tal-assigurazzjoni għar-responsabbiltà biex tressaq talba. Se nibagħtu l-informazzjoni li tagħtina lill-kumpanija tal-assigurazzjoni ta' parti terza fdata tagħna li se tgħaddi t-talba tiegħek lil xi ħadd mir-rappreżentanti tagħha. Ir-rappreżentant se jiddeċiedi dwar it-talba tiegħek skont ir-regoli tal-polza tal-assigurazzjoni.

Ikseb iktar dettalji dwar l-Assigurazzjoni għar-responsabbiltà tal-Hosts.

Bħalma inti mħares bl-Assigurazzjoni għar-Responsabbiltà tal-Hosts permezz ta' AirCover għall-Hosts, l-organizzaturi tas-servizzi huma mħarsa bl-Assigurazzjoni għar-Responsabbiltà tal-Esperjenzi u s-Servizzi ta' Airbnb. Il-hosts tas-servizzi meħtieġa jkollhom ukoll assigurazzjoni tar-responsabbiltà għan-negozju tagħhom huma u jipprovdu servizz.

Meta s-Servizzi ta' Airbnb jingħataw fil-post fejn toqgħod tiegħek, l-Assigurazzjoni għar-Responsabbiltà tal-Esperjenzi u s-Servizzi tgħodd f'każ li l-host tas-servizz ikun responsabbli għall-ħsara tal-propjetà jew l-affarijiet tiegħek.

Ikseb iktar dettalji dwar l-Assigurazzjoni għar-Responsabbiltà tal-Esperjenzi u s-Servizzi.

Il-programmi Ħarsien mill-Ħsara għall-Hosts, Assigurazzjoni għar-Responsabbiltà tal-Hosts, u Assigurazzjoni għar-Responsabbiltà tal-Esperjenzi u s-Servizzi ta' AirCover għall-Hosts, la jħarsu lill-hosts tal-postijiet fejn toqgħod ġewwa l-Ġappun u lanqas lill-hosts tal-Esperjenzi ġewwa l-Ġappun għax dawn huma mħarsa mill-Assigurazzjoni tal-Hosts tal-Ġappun u mill-Assigurazzjoni għall-Ħarsien tal-Esperjenzi tal-Ġappun, u lanqas ma jħarsu lill-hosts li jagħtu l-postijiet fejn toqgħod permezz ta' Airbnb Travel LLC. Il-limiti tal-ħarsien qed jintwerew kollha bil-munita USD.

L-Assigurazzjoni għar-Responsabbiltà tal-Hosts u l-Assigurazzjoni għar-Responsabbiltà tal-Esperjenzi u s-Servizzi huma sottoskritti minn kumpaniji tal-assigurazzjoni li ma jagħmlux parti minn Airbnb.

Jеkk qеd tіlqа' n‐nіеѕ‚ tоrgаnіzzа l‐еѕреrјеnzі јеw tаgħtі ѕ‐ѕеrvіzzі ġеwwа r‐Rеnјu Unіt‚ l‐Аѕѕіgurаzzјоnі għаr‐Rеѕроnѕаbbіltà tаl‐Hоѕtѕ u l‐Аѕѕіgurаzzјоnі għаr‐Rеѕроnѕаbbіltà tаl‐Eѕреrјеnzі u ѕ‐Sеrvіzzі humа ѕоttоѕkrіttі mіnn Ζurісh Іnѕurаnсе Соmpаnу Ltd․ u јіġu оrgаnіzzаtі u јіnħаrġu blа ħlаѕ żејјеd għаll‐hоѕtѕ tаr‐Rеnјu Unіt mіnn Аіrbnb UΚ Ѕеrvісеѕ Lіmіtеd—rаррrеżеntаntа аwtоrіzzаtа tа' Аоn UΚ Lіmіtеd‚ lі hіја аwtоrіzzаtа u rеgоlаtа mіll‐Аwtоrіtà tаl‐Κоndоttа Fіnаnzјаrја․ In-numru tar-reġistru tal-Awtorità tal-Kondotta Finanzjarja (FCA) ta' Aon huwa 310451. Tista' tikkonferma dan-numru billi żżur is-sit tar-Reġistru tas-Servizzi Finanzjarji jew billi tikkuntattja lil FCA fuq +44 0800 111 6768. Il-politiki tar-Responsabbiltà għall-Hosts u tar-Responsabbiltà tal-Esperjenzi u s-Servizzi ta' AirCover għall-Hosts huma regolati mill-Awtorità tal-Kondotta Finanzjarja. Il-bqija tal-prodotti u s-servizzi mhumiex servizzi regolati mibjugħa minn Airbnb UK Services Limited, FPAFF609LC.

Jekk qed tilqa' n-nies, torganizza l-esperjenzi jew tagħti s-servizzi fiż-Żona Ekonomika Ewropea ("ŻEE"), il- polza tal-Assigurazzjoni għar-Responsabbiltà tal-Hosts u l-polza tal-Assigurazzjoni għar-Responsabbiltà tal-Esperjenzi u s-Servizzi huma sottoskritti minn Zurich Insurance Europe AG, fergħa ġewwa Spanja, u jiġu organizzati u konklużi bla ħlas żejjed għall-benefiċċju tal-hosts fiż-ŻEE minn Airbnb Spain Insurance Agency S.L.U. ("ASIASL"), aġenzija tal-assigurazzjoni indipendenti mgħassa mid-Direttorat Ġenerali għall-Assigurazzjoni u l-Fondi tal-Pensjonijiet ("DGSFP") u rreġistrata ġewwa Spanja bin-numru AJ0364 fir-Reġistru tad-Distributuri tal-Assigurazzjoni tad-DGSFP. Tista' tivverifika dan-numru tar-reġistrazzjoni billi żżur ir-Reġistru tad-Distributuri tal-Assigurazzjoni tad-DGSFP, u tista' ssib id-dettalji kollha ta' ASIASL minn hawn.

Il-programm tal-Ħarsien mill-ħsara għall-Hosts la huwa assigurazzjoni u lanqas mhu marbut mal-Assigurazzjoni għar-responsabbiltà tal-Hosts. Għal-listings ġewwa l-istat ta' Washington, l-obbligi kuntrattwali tal-Ħarsien mill-ħsara għall-Hosts ta' Airbnb huma mħarsa minn polza tal-assigurazzjoni mixtrija minn Airbnb. Il-hosts li joqogħdu jew huma bbażati barra l-Awstralja jaqgħu taħt dat-Termini għal Ħarsien mill-Ħsara għall-Hosts. Għall-hosts li joqogħdu jew huma bbażati ġewwa l-Awstralja, Ħarsien mill-Ħsara għall-Hosts jaqa' taħt it-Termini għal Ħarsien mill-Ħsara għall-Hosts għall-Utenti Awstraljani.

L-іnfоrmаzzјоnі f'dаl‐аrtіklu jаf lаħqеt іnbіdlеt mіnn mеtа ġіе ррubblіkаt.