Ħaffef iċ-checkin u ċ-checkout

Iċ-checkin u ċ-checkout huma mumenti importanti li jistgħu jagħmlu d-differenza bejn żjara ta' ħames stilel jew le. Il-klijenti jistennew li jkunu jistgħu jidħlu, li jħossuhom milqugħin u li jkunu jistgħu jħallu l-post mingħajr ħafna taħbit.

Il-klijenti jkunu jixtiequ jkunu jafu kif isibu l-post tiegħek u kif jiftħu l-bieb ta' barra mal-wasla tagħhom. Aħseb kif tista' tħaffef il-proċesst taċ-checkin:

• Uża l-Gwida tal-Wasla għad-dettalji l-importanti. Mill-Editur tal-listings tista' tagħżel jew tibdel il-metodu u l-ħin taċ-checkin, id-direzzjonijiet, l-informazzjoni dwar id-dar, il-password tal-wifi u dettalji oħra—kollox minn post wieħed. Dil-informazzjoni tingħata lill-klijenti wara li jibbukkjaw.

• Uri pass pass kif klijent jista' jidħol fil-listing. Tista' ttella' r-ritratti jew anki filmat biex tgħin lill-klijenti jidħlu fil-post. Tista', ngħidu aħna, iżżid ritratt ta' fejn jinsab il-firroll fix-xatba jew ta' kif tiftaħ il-lock box.

• Agħti ħarsa minn qabel lejn il-gwida tiegħek. Agħfas fuq il-buttuna Uri biex tara kif il-gwida se tintwera eżatt lill-klijenti. Itlob lil xi ħadd minn sħabek biex jipprova jimxi mal-istruzzjonijiet u agħmel il-bidliet meħtieġa biex tħaffef il-proċess taċ-checkin.

• Tejjeb l-ispazju tiegħek. Nissuġġerulek iżżid id-dwal, twaħħal xi sinjali jew tuża serratura ta' xorta oħra—bħal serratura intelliġenti jew keypad—biex il-proċess taċ-checkin ikun eħfef kemm għalik kif ukoll għall-klijenti tiegħek.

Il-klijenti jistgħu jibagħtulek messaġġi bil-mistoqsijiet tagħhom dwar il-proċess taċ-checkin. Wieġeb mill-iktar fis, l-iktar fl-aħħar 24 siegħa qabel il-ħin li jkunu mistennija jaslu.

Servizz ta' ospitalità mill-aqwa jingħaraf minn kif tilqa' l-klijenti u tifhem x'jeħtieġu. Id-dettalji ż-żgħar jistgħu jħallu impressjoni kbira fuq il-klijenti.

• Ħejji messaġġ ta' merħba. Dakinhar taċ-checkin għarraf lill-klijenti li jistgħu jikkuntattjawk jekk ikunu jeħtieġu xi ħaġa.

• Ilqa' n-nies b'mod inklussiv. Żomm dejjem f'moħħok li l-klijenti jafu ma jaħsbuhiex bħalek jew ikollhom drawwiet oħra.

• Addatta għall-klijenti. Għandek turihom li jimpurtak minnhom u taddatta għalihom filwaqt li tħares il-privatezza tagħhom.

Rie, membru tal-Bord Konsultattiv tal-Hosts u Superhost ġewwa Yomitan, il-Ġappun, tħobb tħalli messaġġ ta' merħba b'informazzjoni siewja dwar il-post. "Jekk il-klijent ikun ġenitur li qalli li ġej mal-familja, nissuġġerilhom ħanut tajjeb fejn jistgħu jixtru l-ħrieqi," tgħidilna. "Jekk ikunu qed jivvjaġġaw mal-kelb, nissuġġerilhom post fejn jistgħu jixtru ikel ta' kwalità għall-pets."

Qis il-proċess taċ-checkout bħala l-aħħar esperjenza li se tagħti lill-klijenti fl-ispazju tiegħek. Għandhom jiftakru ż-żjara mill-isbaħ li kellhom fil-post tiegħek.

Uża l-Gwida tal-wasla biex tagħti istruzzjonijiet ħfief u ċari. Qis jekk il-biċċiet tax-xogħol taċ-checkout, bħal li titlob lill-klijenti joħorġu ż-żibel jew li jiġbru x-xugamani, jistgħux jitqiesu parti minn esperjenza ta' ħames stilel għall-klijenti. Jekk tieħu ħsieb dawn il-biċċiet tax-xogħol int, tista' tikseb reviews aqwa.

Ibgħat messaġġ fejn tirringrazzja lill-klijenti wara kull żjara. Stedinhom jerġgħu jibbukkjaw miegħek u urihom li lest/a tisma' l-kummenti u l-ħsibijiet tagħhom. Staqsihom x'jixtiequ jsibu meta jerġgħu jibbukkjaw.

L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.