Ħejji ruħek għal meta l-klijenti jkunu jeħtieġu l-għajnuna tiegħek

Tweġibiet ċari fil-ħin huma parti importanti mill-ospitalità ta' ħames stilel. Il-klijenti jgħidulna li għalihom importanti ħafna li jingħataw istruzzjonijiet siewja u jiksbu t-tweġibiet malajr. "Livell ta' komunikazzjoni tajjeb jgħin biex il-klijenti tiegħek iħossuhom milqugħin. Wara kollox mhux hekk ifisser li tilqa' n-nies?" tistaqsi Sadie, Superhost ġewwa Santa Fe, New Mexico.

Agħmel l-almu tiegħek biex tagħti l-informazzjoni li jeħtieġu l-klijenti, meta jkunu jeħtiġuha.

Huma u jivvjaġġaw, in-nies ikollhom ħafna xorti fuq xiex jaħsbu. Nissuġġerulek tagħtihom informazzjoni siewja meta jkunu jeħtiġuha u mhux ħafna dettalji żejda li jispiċċaw iħawduhom iktar.

• Uża l-messaġġi awtomatiċi. Dawn il-messaġġi jgħinuk taqsam xi dettalji meta, wisq probabbli, il-klijenti jkunu l-iktar jeħtiġuhom. Ngħidu aħna, ħafna Hosts jagħtu d-direzzjonijiet għal kif tasal fil-post tagħhom f'messaġġ ta' merħba li jibagħtu jum qabel iċ-checkin.

• Iktar informazzjoni dwar id-dar dettaljata. Agħti istruzzjonijiet ċari ta' fejn tista' ssib l-iktar ħwejjeġ importanti u istruzzjonijiet pass pass ta' kif tħaddem it-tagħmir u l-appliances.

• Ħalli informazzjoni siewja f'għadd ta' mkejjen. Tista' tħalli l-istruzzjonijiet, ngħidu aħna, ħdejn it-tisħin u l-BBQ ta' barra, minbarra fl-informazzjoni dwar id-dar. Il-klijenti għandhom ikunu jistgħu jsibu d-dettalji li jeħtieġu mingħajr ma jaħlu l-ħin ifittxuhom.

Il-klijenti jistennewk li tweġibhom malajr, l-iktar dakinhar taċ-checkin jew jekk tinqala' xi problema. Jekk il-mistoqsija waqt żjara ma tkunx urġenti, tista' anki twieġeb fi żmien 12-il siegħa. Għandek twieġeb fi żmien siegħa għal problemi urġenti, bħal ċavetta nieqsa u allura l-klijenti ma jkunux jistgħu jidħlu fil-post.

• Uża n-notifiki. Uża l-app ta' Airbnb biex issir taf minnufih jekk il-klijenti jibagħtulek messaġġ. Waqt li tkun qed tilqa' lil xi ħadd agħżel li tirċievi n-notifiki push mill-għażliet tal-app u tat-tagħmir tiegħek, żomm it-tagħmir fil-qrib bil-ħsejjes mixgħulin u kull tant żmien iċċekkja jekk daħlulekx xi messaġġi.

• Sib lil xi ħadd li jista' jgħinek. Ħejji ruħek għal dawk id-drabi li jaf ma tkunx tista' tgħin lill-klijenti. Qabbad Co-Host jew lil xi ħadd ieħor biex jgħinek u aqsam id-dettalji ta' dil-persuna mal-klijenti.

• Uża t-tweġibiet ta' malajr. Bit-tweġibiet ta' malajr se tkun tista' twieġeb xi mistoqsijiet iktar malajr għax tkun ktibt it-tweġibiet minn qabel. Tista', ngħidu aħna, tħejji tweġiba ta' malajr bl-iktar ristoranti fil-qrib li jogħġbuk biex tibgħatha lill-klijenti meta jitolbuk xi suġġerimenti.

Ipprova qis kull sitwazzjoni mil-lenti tal-klijent, l-iktar meta xi ħaġa ma tmurx kif kellha tmur.

• Żomm il-kalma. Kulħadd ikollu ftit tat-tensjoni meta xi ħaġa ma tmurx kif kellha tmur. Ħu ftit nifsijiet fil-fond u pprova ifhem kif tista' ssewwi l-problema li tkun qed tħabbat wiċċek magħha.
• Ikkomunika. Għarraf lill-klijenti li t-talba tagħhom waslitlek u li qed taħdem fuqha. Għidilhom meta taħseb li se jkollok soluzzjoni u għarrafhom b'dak li jkun qed iseħħ.
• Ipprova ifhem lill-klijenti. Qiegħed lilek innifsek f'posthom. Anki intopp żgħir jaf jidher kbir ħafna meta tkun bogħod minn darek.

L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.