Іl‐mеѕѕаġġ bit-tagħrif іl‐ġdіd ѕе јgħіn lіll‐аqwа роѕtіјіеt fејn tоqgħоd јіѕріkkаw
Il-klijenti jafdaw lill-Hosts kull darba li jibbukkjaw. Għandhom ikunu moħħhom mistrieħ li qabel jibbukkjaw ikunu jafu x'se jsibu.
Mod kif il-klijenti jistgħu jsibu post fejn toqgħod tal-ġenn huwa bil-Favoriti tal-Klijenti—l-iktar postijiet fejn toqgħod fuq Airbnb imfaħħra mill-klijenti.
Minn Mejju 'l quddiem se nibdew nuru tagħrif ġdid fin-naħa ta' fuq tal-listings li jispikkaw biex nagħmluha eħfef għall-klijenti jibbukkjaw il-post fejn toqgħod addattat għall-ħtiġijiet tagħhom.
X'tagħrif se jingħata?
It-tagħrif il-ġdid se juri kif il-listings eliġibbli jħabbtuha ma' listings oħra fejn jidħlu r-ratings, ir-reviews u l-affidabbiltà. Biex ikunu eliġibbli, il-listings għandhom ikunu kisbu mill-inqas ħames reviews fl-aħħar sentejn.
It-tagħrif dwar jekk listing hux fost l-aqwa 10% tal-listings eliġibbli jintwera bħala:
- Trofew tad-deheb
- Badge "Favorit tal-klijenti" lewn id-deheb
- Tikketta li turi jekk il-listing hux fost l-aqwa 1%, 5% jew 10% tal-listings
It-tagħrif dwar jekk listing hux fost l-aqwa 10% jintwera fuq il-paġna tal-listing u qabel ir-reviews.
Lill-klijenti se ngħarrfuhom ukoll meta listing ikun fost l-agħar 10% tal-listings eliġibbli. L-informazzjoni dwar l-agħar 10% se tintwera qabel ir-reviews.
It-tagħrif jinbidel ta' sikwit skont għadd ta' fatturi fosthom:
- Ir-rating ġenerali bl-istilel u l-kummenti u l-ħsibijiet li jiktbulna l-klijenti fir-reviews
- Ir-ratings tal-kategoriji sekondarji—iċ-checkin, l-indafa, il-preċiżjoni, il-komunikazzjoni tal-Host, il-post u l-valur
- Ir-rata ta' kanċellazzjonijiet tal-Host
- Ir-rapporti dwar problemi bil-kwalità li jaslu għand l-Għajnuna tal-Komunità ta' Airbnb
Se nkomplu ngħarrfuk kull darba li klijent jagħtik rating jew jiktiblek review dwar il-listing tiegħek jew jekk jirrapporta problema marbuta mal-kwalità. Xorta se tkun tista' tirrapporta review li temmen li tikser il-Politika tar-Reviews tagħna.
Ikseb xi pariri fuq kif tilqa' n-nies b'servizz ta' 5 stilel
L-informazzjoni f'dal-artiklu jaf laħqet inbidlet minn meta ġie ppubblikat.