Ikkomunika awtomatikament grazzi għal dal-aġġornamenti tal-inbox tiegħek

Bdilna l-inbox tal-Hosts ta' taħt fuq biex niffrankawlek ħafna ħin prezzjuż. Issa l-inbox taħdem 10 darbiet iktar malajr u għandha faċilitajiet aġġornati bħall-messaġġi skedati, tweġibiet ta' malajr personalizzati u fittex u ffiltra—kull faċilità maħsuba biex tgħinek tħaffef il-komunikazzjoni tiegħek mal-klijenti.

Ara kif qed ngħinuk tikkomunika aħjar mal-klijenti tiegħek:

Meta twieġeb lill-klijenti fil-pront tkun qed tgħin biex tinħoloq esperjenza tal-klijenti mill-aqwa.

Tista' tuża l-faċilità tal-messaġġi skedati biex tibgħat messaġġi awtomatiċi lill-klijenti tiegħek f'mumenti importanti bħal wara li jibbukkjaw, fil-ħin taċ-checkin u qabel iċ-checkout.

Żidna wkoll shortcodes personalizzati biex iddaħħal awtomatikament xi dettalji bħal isem il-klijent u d-data taċ-checkin. Dan kollu jfisser li issa tista' tibgħat messaġġi awtomatiċi minn "Grazzi tal-booking!" sa "Grazzi tal-booking, Anna!" mingħajr ebda sforz żejjed.

Uża l-messaġġi awtomatiċi

Mistoqsijiet mingħand il-klijenti tax-xorta "Tista' tgħidli kif nasal fil-post tiegħek?" u "X'inhi l-password tal-wifi?" huma messaġġi komuni ħafna.

Dan wassalna biex noħolqu t-tweġibiet ta' malajr li jagħmluhielek eħfef twieġeb malajr għall-iktar mistoqsijiet komuni. Kemm tagħżel il-messaġġi li tkun ħejjejt qabel u tagħfas ibgħat. L-istess bħall-messaġġi skedati, it-tweġibiet ta' malajr issa jistgħu jużaw shortcodes li jgħinuk tippersonalizza kull messaġġ li tibgħat.

"It-tweġibiet ta' malajr jagħtuni l-opportunità li nikteb tweġiba maħsuba—tweġiba ċara, li ġiet iċċekkjata sew u skont il-każ, li tkun adattata għall-ħtiġijiet tal-klijenti tagħna," tgħid Sally, Host ġewwa Snoqualmie, Washington.

Oħloq it-tweġibiet ta' malajr

L-inbox hija eħfef biex tużaha grazzi għall-faċilitajiet tat-tiftix u tal-filtri li jagħmluhielek eħfef li ssib dak li teħtieġ, meta teħtieġu.

Fittex

Issa tista' tfittex fl-inbox tiegħek aħjar billi tuża isem il-klijent, il-kodiċi tal-konferma jew il-kliem ewlieni. Biex tfittex bil-kliem ewlieni, kemm tikteb xi ħaġa fil-kaxxa tat-tiftix—l-inbox tiegħek se tipprova tifhem x'qed tipprova tikteb u int u tikteb se tibda tara r-riżultati. (Żomm xi ħaġa f'moħħok: il-kliem ewlieni tiegħek irid jiġi miktub mingħajr żbalji inkella l-inbox mhux se tkun tista' ssib il-messaġġi li qed tfittex.)

Organizza

Biex ngħinuk tiffoka dawk il-konverżazzjonijiet u problemi li l-iktar jeħtieġu attenzjoni, tista' wkoll torganizza l-messaġġi tiegħek billi timmarka l-messaġġi bħala mhux moqrija, timmarkahom bi stilla jekk ikunu importanti jew tarkivjahom.

Iffiltra

Wara li l-messaġġi tiegħek ikunu ġew immarkati bħala mhux moqrija jew bi stilla, se tkun tista' tiffiltrahom aħjar biex issib il-messaġġ li teħtieġ. Fuq in-naħa tal-lemin tal-kaxxa tat-tiftix se jkollok ikona ta' filtru li se tgħinek tiffiltra l-messaġġi skont it-tip u/jew fejn wasal il-vjaġġ. Il-filtru tal-istilel se jgħinek tiffoka fuq il-messaġġi li mmarkajt bħala importanti filwaqt li l-filtru tal-messaġġi mhux moqrija se jurik biss il-messaġġi li għadek ma qrajtx jew li mmarkajt bħala mhux moqrija.

Tista' tiffiltra wkoll skont il-listing (jekk għandek iktar minn listing wieħed) u skont fejn ikun wasal il-vjaġġ, pereżempju:

• Mistoqsijiet u talbiet
• Review meħtieġa
• Checkin u checkout
• Qabel, waqt u wara l-vjaġġ

Meta tkun tista' tuża l-filtri u tfittex fl-inbox se tkunlek eħfef kemm li ssib u twieġeb għall-messaġġi kif ukoll li tikkomunika mal-klijenti.