Għodod ġodda għas-servizz tiegħek

Issa s-servizz tiegħek jista' jinstab minn miljuni ta' nies fuq Airbnb. L-għodod speċjali li tajniek jgħinuk tieħu ħsieb il-kalendarju aħjar, tħajjar iktar nies jibbukkjaw il-listing tiegħek, tibgħat il-messaġġi lill-klijenti, tifhem id-dħul li tista' tagħmel u tikseb iktar dettalji dwar ir-ratings u r-reviews.

Se ssib l-għodod miġbura f'dawn il-ħames tabs meta tidħol fil-kont bħala host.

It-tab Illum hija l-ewwel ħaġa li nuruk meta tiftaħ l-app. Hemm nagħtuk ħarsa tad-dettalji tal-bookings biex ngħinuk tqassam il-jum u tagħti ospitalità mill-aqwa.

• Aqleb bejn id-dehra tal-bookings li qed tilqa' bħalissa u l-bookings mistennija u ffiltra skont il-verżjoni tas-servizz.
• Żid xi noti għalik mal-bookings (bħal tfakkiriet dwar okkażjonijiet speċjali jew talbiet).
• Ikseb il-pariri dwar x'għandek tagħmel għal kull booking, bħal li taqra r-reviews u tirringrazzja lill-klijenti.

Il-Kalendarju jagħmilhielek eħfef li tiċċekkja u tibdel siegħa b'siegħa l-programm tal-jum.

• Żid id-disponibbiltà għall-verżjonijiet tas-servizz tiegħek u mblokka l-ħinijiet meta ma tistax taċċetta klijenti.
• Sib kull booking konfermat kif ukoll il-ħinijiet meta għad m'għandekx klijenti.
• Issinkronizza l-kalendarji ta' Airbnb u ta' Google biex iżżomm kont ta' kollox minn post wieħed.

Il-klijenti se jkunu jistgħu jibbukkjaw is-servizzi minnufih kull ħin miftuħ fuq il-kalendarju tiegħek u għalhekk importanti ħafna li żżomm id-disponibbiltà aġġornata.

It-tab Listings tgħinek tieħu ħsieb id-dettalji tal-listing tiegħek. Tista' tqiegħed il-prezzijiet tas-servizzi u turi s-servizz tiegħek lill-klijenti.

• Oħloq għadd ta' verżjonijiet tas-servizz offrut—verżjoni bi prezz bażiku, standard u premium—biex il-klijenti jkollhom iktar għażla u tkun tista' tikseb id-dħul li tixtieq.
• Żid skontijiet skont iż-żmien, għal min jibbukkja kmieni u għall-gruppi l-kbar biex tħajjar lill-klijenti jibbukkjaw.
• Tella' ritratti ta' kwalità għal-listing biex tgħin lill-klijenti jifhmu x'servizz se tkun qed tagħti u tħajjarhom jibbukkjawh.
• Immarka x'ħinijiet se tkun qed taħdem biex il-klijenti jifhmu eżatt meta se jkunu jistgħu jibbukkjaw is-servizz tiegħek.

Il-hosts, ir-ritratti u d-dettalji tal-listings kollha għandhom ikollhom l-istandards u r-rekwiżiti li nistennew għas-Servizzi ta' Airbnb.

It-tab Messaġġi tgħinek tikkomunika mal-klijenti qabel, waqt u wara s-servizz li bbukkjaw. Il-messaġġi li tibgħat jintbagħtu lill-klijent li bbukkja u lill-klijenti l-oħra kollha li stieden jingħaqdu mal-booking.

• Sir af minn qabel x'qed jistennew il-klijenti u x'inhuma l-preferenzi tagħhom biex tkun tista' taddatta s-servizz tiegħek għalihom.
• Oħloq offerta personalizzata u itlob prezz addattat għas-servizz li talbek il-klijent.
• Aqsam il-filmati jew ir-ritratti biex tintroduċi ruħek u tgħin lill-klijenti jifhmu aħjar is-servizz li se tkun qed tagħtihom.
• Wieġeb l-iktar mistoqsijiet komuni bi tweġibiet ta' malajr miktuba minn qabel li tista' tippersonalizzahom jew oħloq il-mudelli tiegħek stess.
• Ħejji t-tweġibiet ta' malajr biex jibagħtu l-iktar dettalji importanti awtomatikament f'sitwazzjonijiet partikolari bħal, ngħidu aħna, malli l-klijenti jibbukkjaw jew jum qabel is-servizz.
• Ikkuntattja lit-tim tal-Għajnuna ta' Airbnb jew ibgħat messaġġ lill-host jekk tkun qed tuża l-app bħala klijent.

Minn Menù tista' ssib id-dħul, il-perspettivi u settings oħra. Se nagħtuk pariri personalizzati u iktar riżorsi biex ngħinuk tkabbar in-negozju tal-ospitalità tiegħek.

• Sib id-dħul tiegħek u oħloq rapporti personalizzati mid-dashboard tad-dħul.
• Skopri r-reviews u r-ratings dettaljati kollha tal-klijenti mit-taqsima tal-perspettivi.
• Ħu ħsieb is-settings tal-kont u sib ir-riżorsi dwar l-ospitalità.

L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.