Mur 'il quddiem biex taċċessa r-riżultati suġġeriti
    Dal-kontenut mhux disponibbli bil-lingwa magħżula minnek, għalhekk għamilnieh disponibbli bl-eqreb lingwa disponibbli għalissa.

    Kif toħloq listing mill-aqwa

    Tejjeb il-listing tiegħek b'ritratti ta' kwalità, prezz kompetittiv u aktar.
    Minn Airbnb f'did-data: 18 ta’ Nov, 2020
    Qari ta' 5 minuti
    Aġġornat f'did-data: 1 ta’ Lul, 2021

    Punti ewlenin

    • Ikteb deskrizzjoni ddettaljata u preċiża tal-listing

      • Ara li s-settings tal-kalendarju u tal-bookings tiegħek ikunu aġġornati

        • Aġġorna l-listing tiegħek
        • Skopri iktar grazzi għall-gwida kompluta tagħna dwar kif toħloq listing tajjeb

        Il-listing tiegħek huwa kruċjali—wara kollox, huwa l-ewwel opportunità tiegħek biex tiġbed l-attenzjoni tal-klijenti potenzjali permezz ta' ritratti sbieħ, kumditajiet popolari u deskrizzjoni dettaljata tal-ispazju tiegħek. Huwa importanti wkoll li tissettja l-kalendarju u l-prezzijiet tiegħek bir-reqqa, li jgħinek tiżgura li tirċievi l-bookings li trid biss, meta tridhom, u bil-prezz it-tajjeb.

        Aġġorna s-settings ta' meta u kif jibbukkjaw il-klijenti

        Bħala Host għandek tista' tiddeċiedi meta u kif jibbukkjaw il-klijenti. Dawn huma ftit affarijiet li għandek tqis:

        • Is-settings tal-kalendarju: Agħżel l-inqas u l-itwal tul għal żjara li klijent jista' jibbukkja, evita talbiet għal dakinhar stess u aktar—grazzi għas-settings tal-kalendarju tiegħek. Tinsiex iżżomm il-kalendarju tiegħek aġġornat billi timblokka d-dati ta' meta se tkun qed tivvjaġġa jew ta' meta ma tkunx tista' tilqa' n-nies.
        • Talbiet għal booking: Din il-faċilità tħallik tirrevedi talba għal booking qabel taċċettaha. Ara li twieġeb lill-klijent fi żmien 24 siegħa.
        • Booking Immedjat: Il-klijenti ħafna drabi jfittxu listings li joffruBooking Immedjat.

        Tejjeb il-listing tiegħek billi żżid dettalji importanti

        Dal-pariri jistgħu jgħinu biex il-listings tiegħek jispikkaw fir-riżultati tat-tiftix mal-klijenti li jkunu qed ifittxuhom.

        • Ikteb deskrizzjoni dettaljata. Ara li l-isem u d-deskrizzjoni tal-listing tiegħek juru dak kollu li l-klijenti għandhom ikunu jafu dwar l-ispazju tiegħek, bħal kemm hemm punti ta' interess qrib tiegħu. Pereżempju, Host li għandu spazju komdu ħdejn il-baħar jikteb, "Għaddi minn oażi privata biex tasal sal-bajja."
        • Tella' l-kumditajiet tiegħek. Skont stħarriġ ta' Airbnb*, fost l-iktarkumditajiet popolari nsibu l-wifi, is-self checkin, spazju għal ħidma fuq laptop, parkeġġ bla ħlas u spazju addattat għall-pets, għalhekk ara li ttella' kull kumdità li toffri.
        • Impenja ruħek għall-indafa. Biex niżguraw is-sigurtà tal-komunità tagħna matul il-pandemija tal-COVID-19, qed neħtieġu li l-Hosts kollha li joffru akkomodazzjonijiet** jimpenjaw ruħhom li jimxu mal-proċess ta' ħames passi tal-protokoll għat-tindif imtejjeb ta' Airbnb.
        • Ir-regoli tad-dar: Ir-regoli tad-dar juru x'għandhom jistennew il-klijenti u jfehmuhom minn qabel l-istil ta' kif tilqa' n-nies. Uża r-regoli tad-dar tiegħek biex taqsam l-informazzjoni importanti—bħal li ma taċċettax tipjip —ma' dawk li jafu jkunu l-klijenti tiegħek.

        Uża ritratti mill-aqwa biex tħajjar lill-klijenti jibbukkjaw miegħek

        Ritratti ta' kwalità jgħinu biex juru l-karattru u l-istil tiegħek, għalhekk nissuġġerulek taġġorna r-ritratti tiegħek ta' spiss u turi ċerti dettalji uniċi.

        • Oqgħod attent ħafna għall-ewwel ritratt li tqiegħed. Flimkien mal-isem tal-listing tiegħek, dan se jkunl-ewwel ħaġa li jaraw il-klijenti fir-riżultati tat-tiftix. "Meta nfittex fuq Airbnb, dejjem immur dritt għar-ritratti. Mela ffoka fuq dak li jagħmel il-post tiegħek differenti minn ta' ħaddieħor," tgħid il-Host Candida.
        • Inkludi ritratti tal-listing kollu. Jekk iżżid madwar tliet ritratti ta' kull kamra minn irkejjen differenti tkun qed tagħti lill-klijenti dawra virtwali madwar l-ispazju tiegħek.
        • Ikteb captions li jispegaw x'qed jintwera fir-ritratt. Ara li l-captions tiegħek jispjegaw lill-klijenti tiegħek l-iktar dettalji importanti. Pereżempju, tinsiex issemmi l-mejda tal-biljard jew il-banju fond.
        • Enfasizza l-faċilitajiet tal-aċċessibbiltà. Ħafna klijenti jfittxu l-faċilitajiet ta' aċċessibbiltà, għalhekk importanti li żżidhom mad-dettalji u u turihom fir-ritratti tal-listing tiegħek.

        Agħti titwila lejn it-taħriġ tal-fotografija tagħna għal aktar pariri dwar kif tieħu ritratti tal-listing mill-aqwa

        Żomm il-prezz tiegħek kompetittiv

        Il-prezz li titlob għall-ispazju tiegħek huwa f'idejk biss. Xi affarijiet li għandek iżżomm f'moħħok:

        • Il-klijenti spiss jagħtu prijorità lill-prezz meta jkunu qed ifittxu spazju għalhekk importanti li tiżgura li l-ispazju tiegħek ikollu prezz b'valur tajjeb għall-post u l-kumditajiet li toffri. "Fittex onlajn u ara listings, lukandi u kirjiet għal żmien qasir oħra fil-qrib. X'hemm disponibbli? Kemm iżommu flus?" jissuġġerixxi s-Superhost Nick. Aqra iktar
        • Meta tagħżel ir-rata ta' kull lejl tiegħek, ma tagħmilx ħażin li tqis it-tariffi l-oħra—bħat-tariffi tat-tindif**, it-tariffi għal meta jingħaqdu iktar klijenti, it-tariffi tas-servizzi u t-taxxi lokali—u x'impatt se jkollhom fuq il-prezz aħħari li se jħallsu l-klijenti tiegħek.
        • Bħala Host ġdid, nissuġġerulek tibda b'rata ta' kull lejl aktar baxxa mill-medja sakemm tikseb ftit reviews pożittivi.
        • Il-faċilità tal-Prezzijiet Intelliġenti tgħinek toffri prezz kompetittiv billi tirranġa r-rata tiegħek awtomatikament skont id-domanda għal listings bħal tiegħek.

        Ikseb iktar dettalji dwar it-tariffi tas-servizzi

        Iċ-checklist tiegħek għal listing tajjeb

        Lest/a biex tieħu kemm tista' mil-listing tiegħek? Din hija checklist qasira biex ngħinuk tibda:

        • Is-settings tal-kalendarju tiegħek huma aġġornati?
        • Ippruvajt tuża l-Booking Immedjat?
        • Id-deskrizzjoni u l-isem il-listing tiegħek huma ċari u attraenti?
        • Żidt il-kumditajiet kollha li toffri?
        • Għandek varjetà ta' ritratti ta' kwalità għolja u captions?
        • Qed toffri prezz ta' kull lejl kompetittiv?

        Ladarba tkun bdejt tilqa' n-nies u tirċievi l-kummenti mill-klijenti, tkun idea tajba li taġġorna l-listing tiegħek ta' spiss, filwaqt li tiżgura li t-taqsira u r-ritratti tiegħek jenfasizzaw verament għaliex il-post tieħek huwa uniku.

        *Imwettaq mit-Tim ta' Riċerka ta' Airbnb f'Mejju 2020, l-istħarriġ sar fuq 2,660 klijent ta' Airbnb mill-Istati Uniti, ir-Renju Unit, il-Kanada u l-Awstralja

        **Ħlief il-Hosts li joffru l-akkomodazzjoni ġewwa ċ-Ċina kontinentali. Sir af iktar

        L-informazzjoni li tinsab f'dal-artiklu jaf laħqet inbidlet minn meta ġie ppubblikat.

        Punti ewlenin

        • Ikteb deskrizzjoni ddettaljata u preċiża tal-listing

          • Ara li s-settings tal-kalendarju u tal-bookings tiegħek ikunu aġġornati

            • Aġġorna l-listing tiegħek
            • Skopri iktar grazzi għall-gwida kompluta tagħna dwar kif toħloq listing tajjeb
            Airbnb
            18 ta’ Nov, 2020
            Dan kien ta' għajnuna għalik?