Mur 'il quddiem biex taċċessa r-riżultati suġġeriti

    Kif tifhem il-Booking Immedjat

    Il-Booking Immedjat jista' jħaffef il-proċess tal-booking u jgħin lil-listing tiegħek jispikka.
    Minn Airbnb f'did-data: 14 ta’ Diċ, 2020
    Qari ta' 3 minuti
    Aġġornat f'did-data: 14 ta’ Mej, 2021

    Punti ewlenin

    • Żomm il-kalendarju tiegħek aġġornat meta tuża l-Booking Immedjat

    • Agħżel il-kriterji tiegħek għall-Booking Immedjat—pereżempju dawk il-klijenti biss li għandhom reviews pożittivi

    • Ixgħel il-Booking Immedjat

    • Skopri iktar grazzi għall-gwida kompluta tagħna dwar kif toħloq listing tajjeb

    Informazzjoni bażika dwar il-Booking Immedjat

    Il-Booking Immedjat huwa għodda b'saħħitha li tippermetti lill-klijenti jibbukkjaw id-dar tiegħek immedjatament għad-dati disponibbli u fl-istess ħin tnaqqaslek il-piż tal-ħtieġa li tirrevedi u taċċetta kull talba għall-booking individwalment. Ħafna Hosts jirrappurtaw li aktar ma jagħmlu l-proċess tal-booking faċli għall-klijenti aktar idaħħlu flus u li japprezzaw il-konvenjenza li tirriżulta minn dan. Il-klijenti spiss ifittxu listings li joffru Booking Immedjat.

    Biex il-Booking Immedjat jintuża kif suppost, importanti ħafna li żżomm il-kalendarju tiegħek aġġornat. Inkella, tista' tikseb bookings mhux mistennija jew tispiċċa tikkanċella booking minħabba żball fl-ippjanar, lijista' jirriżulta f'tariffa għall-kanċellazzjoni. Biex niżguraw li l-kalendarju ta' Airbnb tiegħek huwa dejjem aġġornat, hija idea tajba li tissinkronizzah mal-kalendarju li normalment tuża (iCal, Google, eċċ.).

    Għodod biex isserraħ moħħok

    Għall-bidu xi Hosts jafu ma jħossuhomx komdi jużaw il-Booking Immedjat għax jibżgħu li mhux se jkollhom biżżejjed informazzjoni dwar il-klijenti li jixtiequ jibbukkjaw magħhom. Biex il-klijenti jkunu jistgħu jużaw il-Booking Immedjat, iridu jkollhom il-ħtiġijiet tal-klijenti kollha li titlob u għandhom jaqblu mar-regoli tad-dar tiegħek. Tista' tagħżel li l-Booking Immedjat ikun disponibbli biss għall-klijenti li kisbu reviews pożittivi mingħand Hosts oħra, għal dawk li għandhom Karti tal-Identità jew għal kategoriji ta' klijenti oħra.

    Tista' toħloq messaġġ ta' merħba personalizzat li fih tistaqsi l-mistoqsijiet importanti li l-klijenti li jużaw il-Booking Immedjat għandhom jirċievu matul il-proċess tal-booking:

    • Min se jkun qed jivvjaġġa miegħek?
    • X'inhu l-għan tal-vjaġġ tiegħek?
    • Hemm xi dettalji oħra dwar il-vjaġġ tiegħek li tixtieq taqsam?

    Għal Kristine, Host minn San Francisco, ir-ratings pożittivi li kienu kisbu l-klijenti kienu importanti ħafna. "Wara li fhimt li Airbnb tista' tieħu ħsieb tikkonferma awtomatikament dak kollu li kont qed infittex fi klijent," qaltilna, "il-Booking Immedjat beda jagħmel iktar sens għax minbarra ż-żieda fin-nies li bdew iżuru u jibbukkjaw il-listing tiegħi, il-klijenti li bbukkjaw kienu tal-istess kwalità li kelli meta kont qed nirrevedi t-talbiet waħda waħda jien stess."

    Għaliex xorta tista' tirċievi talbiet għall-booking

    Anke bil-Booking Immedjat mixgħul, f'ċerti każijiet tista' tirċievi talbiet għall-bookings mill-klijenti. Dan jista' jiġri f'każ li tkun ilek daqsxejn ma taġġorna l-kalendarju tiegħek jew għax tkun ikkanċellajt xi booking fl-aħħar żminijiet. Il-klijenti li ma jilħqux il-kriterji tiegħek biex jibbukkjaw immedjatament jistgħu jibagħtulek huma wkoll xi talbiet għall-booking. Għal kull talba li tirċievi jeħtieġlek twieġeb fi żmien 24 siegħa billi taċċetta jew tirrifjuta l-booking jew inkella billi tibgħat messaġġ lura lill-klijenti li jixtiequ jibbukkjaw il-post tiegħek.

    Għaliex xi Hosts ma jużawx Booking Immedjat

    Minkejja l-benefiċċji tal-Booking Immedjat, xi Hosts isibu li l-ħtieġa ta' talbiet għall-bookings hija aħjar għalihom:

    • Huma joffru biss żjarat itwal. Annie, Host ġewwa Sonoma, California, tuża talbiet għall-bookings minħabba li toffri biss żjarat ta' 30 jum jew aktar biex tikkonforma mar-regolamenti tal-ospitalità fiż-żona tagħha. "Nixtieq nuża l-Booking Immedjat, imma hemm ħafna aktar loġistika x'tieħu ħsieb meta tkun qed tilqa' lil xi ħadd għandek għal żmien daqshekk twil," tgħid. "Iktar qisu għandek kerrej."
    • Għandhom ħtiġijiet personali uniċi. Nichola, Host ġewwa Guelph, il-Kanada, għandha sensittività ambjentali li teħtieġha żżomm l-ispazju tagħha mingħajr fwejjaħ, għalhekk tuża t-talbiet għall-bookings biex tiżgura li l-klijenti jkunu lesti li jaqblu mar-regoli tad-dar speċifiċi ħafna tagħha. "Il-prodotti bil-fwejjaħ iqabbduni emigranji għalhekk irrid niżgura li l-klijenti tiegħi jkunu nies li jifhmu l-allerġiji għall-fwejjaħ," tgħid.
    • L-ispazju tagħhom għandu karatteristiċi jew sfidi speċjali. Eżempji jistgħu jinkludu kamra privata f'dar li jkun fiha annimali domestiċi jew tfal, jew spazju estremament rustiku li jista' jinvolvi diffikultà għal ċerti klijenti. It-talbiet għall-bookings jistgħu jkunu għażla tajba biex tiżgura li l-klijenti jkunu konxji tal-aspetti uniċi kollha tad-dar tiegħek qabel iż-żjara tagħhom.

    L-affidabbiltà hija essenzjali biex tuża l-Booking Immedjat

    Tkun xi tkun id-deċiżjoni li tieħu, ftakar li Airbnb għandha politiki stretti dwar il-Hosts li jikkanċellaw il-bookings minħabba li l-affidabbiltà hija parti kruċjali mill-fatt li tkun Host mill-aqwa. Madankollu, jekk tuża l-Booking Immedjat u wara li jsir il-booking ma tħossokx komdu/a (pereżempju, minħabba li l-klijenti prospettivi tiegħek qed jistaqsuk jekk jistgħux jiksru r-regoli tad-dar tiegħek), tista' tikkanċella booking mingħajr penali billi tuża l-għodda ta' kanċellazzjoni onlajn sa tliet darbiet kull sena kalendarja.

    Żomm f'moħħok li qatt ma tista' tikkanċella għal xi raġuni li tmur kontra l-politika ta' nondiskriminazzjoni ta' Airbnb. U jekk tikkanċella booking, dan ifisser li l-Booking Immedjat jaf mhux tajjeb għalik bħalissa, għalhekk Airbnb tista' tibgħat talbiet għall-booking minflok għall-ftit bookings li ġejjin tiegħek.
    L-informazzjoni li tinsab f'dal-artiklu jaf laħqet inbidlet minn meta ġie ppubblikat.

    Punti ewlenin

    • Żomm il-kalendarju tiegħek aġġornat meta tuża l-Booking Immedjat

    • Agħżel il-kriterji tiegħek għall-Booking Immedjat—pereżempju dawk il-klijenti biss li għandhom reviews pożittivi

    • Ixgħel il-Booking Immedjat

    • Skopri iktar grazzi għall-gwida kompluta tagħna dwar kif toħloq listing tajjeb
    Airbnb
    14 ta’ Diċ, 2020
    Dan kien ta' għajnuna għalik?