Kif tħejji l-listing ta' Kmamar tiegħek
Il-listing ta' Kmamar tiegħek huwa l-post fejn turi lill-klijenti l-esperjenza li se jkollhom meta jibbukkjaw miegħek. Tista' tagħti iktar dettalji dwar liema spazji huma privati, liema maqsuma mal-oħrajn u kif tħobb tqatta' l-ħin mal-klijenti tiegħek.
X'għandek issemmi fil-listing tiegħek
Dawn is-settings marbuta mal-listings u l-bookings iħalluk iżżid jew tibdel id-dettalji li jgħinu lill-klijenti jifhmu jekk hux se jħossuhom komdi u siguri jaqsmu l-ispazju tiegħek:
Id-deskrizzjoni tal-listing. Uża dit-taqsima biex tispjega għaliex id-dar tiegħek hija speċjali. Agħżel kull kumdità li toffri u agħti d-dettalji dwar l-ispazji li jistgħu jużaw il-klijenti, f'liema parti tal-propjetà hemm il-pets u ikteb xi ħaġa dwar il-viċinat.
Ir-ritratti u l-captions. Uri sew kull żona li jistgħu jużaw il-klijenti fosthom id-daħliet u l-ispazji għall-parkeġġ. Enfasizza kull ħaġa li tgħin lill-klijenti jifhmu jekk il-Kamra li qed toffri tgħoddx għalihom.
Il-kmamar u l-ispazji. Għarraf lill-klijenti jekk il-kamra tal-banju hix privata jew maqsuma mal-oħrajn, jekk hemmx serratura mal-bieb tal-kamra tas-sodda u jekk hux se jkun hemm nies oħra fil-propjetà waqt iż-żjara tagħhom.
Ir-regoli tad-dar. Spjega sew x'inhuma l-iktar affarijiet importanti għalik—bħal pereżempju jekk hemmx xi sigħat li matulhom ma jistax isir storbju jew jekk il-klijenti jistgħux iġibu l-pets magħhom—biex tevita n-nuqqasijiet ta' ftehim. Il-klijenti mistennija jimxu mar-regoli tiegħek u jekk jaqilgħu l-problemi jistgħu jitneħħew mill-pjattaforma ta' Airbnb.
Hemm modi prattiċi oħra kif tista' tgħin biex il-klijenti kollha jħossuhom milqugħa. Fil-profil tiegħu, Daniel, membru tal-Bord Konsultattiv tal-Hosts ġewwa Spanja jikteb: "Il-bibien ta' dari miftuħa għal kulħadd."
X'għandek tqiegħed fil-Kamra li toffri
Oħloq spazju komdu mingħajr imbarazz biex il-klijenti jkollhom post fejn jaħżnu ħwejjiġhom. Aħseb f' dak kollu li teħtieġ meta tivvjaġġa u ara tistax tħallihom għall-klijenti.
Il-Hosts ta' Kmamar jgħidu li dawn l-affarijiet żgħar jistgħu jgħinu biex kulħadd ikun iktar komdu u biex int tikseb reviews mill-aqwa. Fosthom:
Post għall-ħażna tal-ikel. Ħalli ftit post fil-cupboards u fil-friġġ u ħalli sinjal li huwa post għall-klijenti. Tista' wkoll tħalli friġġ u cupboard tal-ikel żgħar qrib jew fil-kamra tal-klijent.
Tavolina għax-xarbiet. Ma tagħmilx ħażin tħalli ftit ilma, kafè u te u ftit kikkri u kitla tal-elettriku f'Kamra—il-klijenti jsibuha komda, iktar u iktar dawk il-klijenti li jkunux jixtiequ jinqatgħu għal rashom.
Sound proofing. Ear plugs, papoċċ u fann jew magna tal-ħsejjes rilassanti jistgħu jnaqqsu l-istorbju żejjed.
Serraturi. Il-klijenti jistennew li jkunu jistgħu jsakkru l-bieb tal-kamra tas-sodda tagħhom. Jekk il-Kamra li toffri m'għandhiex serratura, nissuġġerulek twaħħal waħda.
"Serratura mal-bieb tal-kamra tas-sodda tagħmilha eħfef biex kulħadd jorqod b'moħħu mistrieħ u biex iż-żjara toffri esperjenza sabiħa," tgħid Dandara, membru tal-Bord Konsultattiv tal-Hosts li tilqa' n-nies f'Kamra ġewwa Maceió, il-Brażil.
Itlob lill-klijenti jiktbulek review u uża l-kummenti u l-ħsibijiet tagħhom biex tifhem x'bidliet għandek tagħmel. Tinsiex tibdel il-listing tiegħek wara li tagħmel xi bidla.
L-informazzjoni f'dal-artiklu jaf laħqet inbidlet minn meta ġie ppubblikat.