Kif iġġib ruħek mal-klijenti ta' Kmamar tiegħek

Xi klijenti jibbukkjaw il-Kmamar fuq Airbnb għax ikunu jixtiequ jiltaqgħu ma' nies ġodda filwaqt li oħrajn ikunu jixtiequ jinqatgħu għalihom. Kemm tixtieq tqatta' ħin mal-klijenti? Tista' tgħarraf lill-klijenti mis-settings tal-listing tiegħek.

Agħżel waħda minn dawn l-erba' preferenzi ta' kif tixtieq tqatta' l-ħin mal-klijenti tiegħek mis-settings tal-listing:

• Nieħu gost nissoċjalizza u nqatta' l-ħin mal-klijenti.

• Nieħu gost nilqa' l-klijenti wiċċ imb wiċċ imma mbagħad ma nħobbx intellifhom.

• Mhux se niltaqa' mal-klijenti wiċċ imb wiċċ u nippreferi nikkomunika magħhom bl-app.

• L-ebda preferenza. Naddatta għal dak li jixtiequ l-klijenti.

Tista' wkoll tuża d-deskrizzjoni tal-listing tiegħek biex tiċċara xi dettalji bħal pereżempju matul liema sigħat tal-jum tista' tgħin lill-klijenti matul iż-żjara tagħhom.

Richard, Host ta' kamra fil-qalba ta' Toronto, jieħu gost jilqa' n-nies għandu. "Għalija li tilqa' n-nies huwa iktar milli toffrilhom biss saqaf fuq rashom," jgħidilna. "Jien infittex li nitħaddet magħhom—li niftaħ moħħi u nisma' x'għandhom xi jgħidu."

Richard jilqa' l-klijenti fuq l-għatba ta' daru biex jagħmlilhom iċ-checkin u mbagħad idawwarhom dawra mal-post tiegħu. "Naħseb ħafna nies qed ifittxu li jibnu rabta mal-oħrajn," jgħidilna. "Meta jibbukkaw miegħi, il-klijenti jistgħu jużaw kollox—mill-gallarija sal-BBQ—biex b'hekk iħossuhom li dari hija darhom ukoll."

Richard iħobb ukoll idawwar lill-klijenti mal-belt tiegħu. "Nipprova nifhem x'jogħġobhom," jgħidilna. "Imbagħad ngħidilhom, 'Ara, ħa ngħidilkom b'xi affarijiet li wisq probabbli mhux se tisimgħu dwarhom jekk tibbukkjaw xi ġita tal-belt maħsuba għat-turist komuni.' Għalija ħajja mingħajr vjaġġi mhi ħajja xejn."

Ruth, Host ġewwa Perth, l-Awstralja, tħobb tilqa' lill-klijenti. Tibda billi turihom il-Kamra tagħha li hija appartament bi tliet kmamar tas-sodda, żewġ kmamar tal-banju privati u salott.

Wara d-dawra qasira mad-dar, Ruth tħalli lill-klijenti waħidhom fl-ispazju. Terġa' tmur lura fil-parti tad-dar fejn ikunu huma biss biex taħsel il-ħwejjeġ.

"Nemmen li l-ewwel laqgħa turik x'jistennew mingħandek," tgħid Ruth. "Xi wħud ma jkunux iriduk ittellifhom filwaqt li oħrajn jieħdu gost iqattgħu l-ħin miegħek u din xi ħaġa sabiħa ħafna. Ma kontx qed nistennieha."

Deandra, membru tal-Bord Konsultattiv tal-Hosts ġewwa Maceió, il-Brażil, tagħżel li tħalli lil klijenti jagħżlu kemm jixtiequ jqattgħu ħin magħha. Hija tgħidilna li tipprova tifhem dan skont kemm jitkellmu magħha hi u ddawwarhom mad-dar.

Deandra dejjem ittemm id-dawra mad-dar tagħha fil-gallarija u minn hemm turi lill-klijenti l-postijiet li tħobb iżżur u twieġeb il-mistoqsijiet li jista' jkollhom. Hi rrealizzat li l-klijenti jieħdu l-ħin biex jibnu rabta u wħud minnhom saru "qishom ta' ġewwa", tgħidilna.

Deandra sabet li ħafna drabi hi u l-klijenti tagħha jsibu l-ħin jitkellmu waqt il-kolazzjon. Kulħadd iġib xi ħaġa bħal pereżempju ftit frott jew kejkijiet. "U hemm aħna—kollox jieħu l-ħajja," tgħidilna.

L-informazzjoni f'dal-artiklu jaf laħqet inbidlet minn meta ġie ppubblikat.