Ħu kemm tista' mill-Passaport tal-Hosts tiegħek

Il-klijenti qalulna li qabel jibbukkjaw Kamra, ikunu jridu jkunu jafu ma' min se jkunu qed jaqsmu l-ispazju. Il-Passaport tal-Hosts huwa għodda biex tgħid xi ħaġa dwarek ħalli l-klijenti jkunu jafu x'għandhom jistennew.

Il-Passaport tal-Hosts jikseb dettalji importanti mill-profil tiegħek u jurihom lill-klijenti fir-riżultati tat-tiftix meta jfittxu l-Kmamar. Il-klijenti jistgħu jagħfsu fuq ir-ritratt tiegħek biex jaqraw dak kollu li tkun qsamt dwarek innifsek jew jistgħu jiftħu direttament il-paġna tal-listing tiegħek fejn isibu l-istess informazzjoni fit-taqsima "Dan il-Host tiegħek".

Ismek, is-snin li ilek tilqa' n-nies, ir-rating bl-istilel u n-numru ta' reviews li ksibt mingħand il-klijenti se jintwerew fin-naħa ta' fuq tal-Passaport tal-Hosts tiegħek. Warajhom se jintwerew id-dettalji dwarek li tagħżel li taqsam bħal pereżempju x-xogħol tiegħek, il-passatempi tiegħek, l-ilsna li titkellem, xi ħaġa interessanti dwarek, isem il-pet u dak li jagħmel il-post tiegħek speċjali.

Editja l-profil tiegħek biex iżżid id-dettalji mal-Passaport tal-Hosts tiegħek. Ipprova dawn il-pariri fuq kif tieħu ritratt li jolqot l-għajn.

Il-Passaport tal-Hosts tiegħek huwa mod mill-aqwa biex tibda tibni rabta mal-klijenti. Il-klijenti jħossuhom li bdew isiru jafuk aħjar jekk isibu li tħobbu xi wħud mill-istess affarijiet, li taħdmu fl-istess industrija jew li tisimgħu l-istess xorta ta' mużika.

"Għalkemm il-Host m'għandux għalfejn ikun l-aqwa ħabib tiegħi, xorta nixtieq li jkun xi ħadd li nħossni komda naqsam il-post miegħu," tgħid Stacey, klijenta li tgħix ġewwa l-Belt ta' Oklahoma. "Il-Passaport tal-Hosts jurik il-persuna wara l-profil u jgħinek tibda ż-żjara fuq sieq tajba."

Meta tagħti lill-klijenti iktar dettalji tkun qed tgħinhom jifhmu jekk il-post tiegħek jgħoddx għall-vjaġġ tagħhom u tkun qed tiffranka lit-tnejn li intom ħafna ħin u enerġija. "Il-Passaport tal-Hosts inaqqas l-għadd ta' messaġġi mibgħuta u jħaffef il-proċess tal-booking għax inkun nista' nsib it-tweġibiet għall-mistoqsijiet tiegħi iktar malajr," tgħid Stacey.

Għal Chris, Superhost ġewwa Macon, Georgia, il-Passaport tal-Hosts huwa għodda siewja biex il-klijenti jsiru jafuk aħjar. "Jien xi ftit mistħi u din il-faċilità tgħinni biex il-klijenti jsiru jafu iktar min jien," jgħidilna. "Nipprova nislet tbissima mill-klijenti huma u jaqraw il-profil tiegħi u noqgħod attent li ma nweġġa' lil ħadd bih."

Fil-Passaport tal-Host tiegħu Chris isemmi li huwa atleta rtirat u li huwa Ambaxxatur Superhost. Isemmi wkoll li huwa:

• Jaħli wisq ħin jilgħab il-golf

• Għandu kelba li jisimha Princess

• Twieled fis-snin 80

• Kien jilgħab il-futbol amerikan għal żewġ universitajiet storikament Suwed

• Iħalli għadd ta' għażliet għall-kafè għall-klijenti tiegħu

Meta tagħżel li taqsam iktar dettalji mal-klijenti tiegħek qabel jibbukkjaw il-Kamra tiegħek tkun qed tgħin biex il-klijenti li jibbukkjaw il-post tiegħek ikunu dawn li għandhom l-istess drawwiet u interessi bħalek.

Stacey tgħidilna, "Jekk naqra li l-Host 'jaħli wisq ħin' ikanta l-karaoke, naf li mhux se jkun l-istess xorta ta' Host bħal dak li 'jaħli wisq ħin' id-dar jara Netflix".

Imla l-Passaport tal-Hosts billi tiftaħ il-profil ta' Airbnb tiegħek u tagħżel "Ibdel" jew billi tagħfas il-buttuna t'hawn taħt.

L-informazzjoni f'dal-artiklu jaf laħqet inbidlet minn meta ġie ppubblikat.