Kif titlobna nħassru r-reviews miktuba bi tpattija

Itlob it-tneħħija tar-reviews miktuba bi tpattija, inkitbu meta nkitbu.
Minn Airbnb f'did-data: 16 ta’ Nov 2022
2 minuti biex taqrah
Aġġornat f'did-data: 11 ta’ Diċ 2023

Nota tal-editur: Dan l-artiklu ġie ppubblikat bħala parti mill-Aġġornament ta' Airbnb: Xitwa 2022. L-informazzjoni jaf laħqet inbidlet minn meta dal-artiklu ġie ppubblikat. Sir af iktar dwar l-aħħar verżjoni tas-servizz tagħna.

Nafu li ħafna drabi Hosts bħalek ikunu mħassba dwar ir-reviews miktuba bi tpattija. Dawn huma reviews preġudikati li l-klijenti jistgħu jiktbulek wara li tirrapporta li kisru xi waħda mir-regoli tad-dar tiegħek, għamlulek il-ħsara fil-propjetà jew kisru serjament xi politika oħra.

Is-sistema tagħna tħallik titlob it-tneħħija tar-reviews li temmen li nkitbulek bi tpattija.

Ħarsien kontra reviews li jinkitbu bi tpattija

Għandek tkun tista' tħossok komdu/a li tilqa' n-nies mingħajr ma tinkwieta li xi ħadd jiktiblek review bi tpattija. Tista' titlobna nneħħu r-reviews miktuba bi tpattija—inkitbu meta nkitbu—minn klijenti li jiksru b'mod serju xi politika tagħna billi, fosthom:

  • Jagħmlu ħsara lill-propjetà tiegħek

  • Ma joħorġux mill-post

  • Jiksru r-regoli tad-dar standard tiegħek

  • Jorganizzaw party jew avveniment fil-post tiegħek bla permess

Il-fatt li titlobna nħassru review mhux bilfors se jwassal biex titneħħa. Meta titlobna nħassru review, aħna se nitolbuk il-provi bħal pereżempju xi ritratti jew kopja tal-konverżazzjonijiet mal-klijenti.

Il-provi li tibagħtilna jeħtieġu juru li seħħ ksur serju ta' politika. Għandhom juru ċar li l-fatt li rrappurtajt ksur ta' politika lil Airbnb u/jew lill-klijent wassal biex tinkitiblek review bi tpattija.

Ma tagħmilx ħażin li żżomm il-messaġġi kollha li tibgħat u tirċievi mingħand il-klijent fl-inbox ta' Airbnb biex it-tim tas-servizz tal-klijenti tagħna jkun jista' jiċċekkja l-provi iktar malajr. Żomm f'moħħok li l-Hosts u l-klijenti ewlenin biss jistgħu jitolbu li r-reviews jitneħħew.

Ikseb iktar dettalji dwar il-politika tar-reviews tagħna

Kif taħdem il-politika

Ejja ngħidu li klijent jikser ir-regoli tad-dar tiegħek billi jpejjep ġewwa. Int tgħarraf lill-klijent li sibt il-biċċiet tas-sigaretti fis-salott u tressaq talba għall-kumpens għat-tindif fil-fond. Il-klijent ma jaċċettax li jħallas u jħallilek review ħażina. Tista' titlobna nħassru dir-review u aħna se niċċekkjaw jekk hix review li tista' titneħħa.

Il-Hosts qalulna li l-politika l-ġdida tagħna għenithom jilqgħu n-nies b'moħħhom mistrieħ.
Leanne, waħda mill-Hosts, qaltilna li review li nkitbitilha bi tpattija fuq il-listing tagħha "ġiet iċċekkjata u tneħħiet f'qasir żmien wara li ressaqt it-talba tiegħi. Ħassejt li Airbnb kienet hemm għalija."

Daniel, Host ieħor, qalilna wkoll li "kellu review li ħass li ma kinitx ġusta". "Nista' ngħid li [t-tim tal-għajnuna ta' Airbnb] għeni bil-kbir bil-problema li kelli."

Airbnb
16 ta’ Nov 2022
Dan kien ta' għajnuna għalik?