Ħejji bil-quddiem għall-emerġenzi marbuta mat-temp

Meta tħejji ruħek għat-temp estrem tkun qed tħares lilek innifsek, lill-klijenti u lill-propjetà tiegħek.

Americares, għaqda li taħdem fil-qasam tal-għajnuna u l-iżvilupp, qassmet dal-pariri fuq kif tieħu ħsieb il-klijenti u tnaqqas il-ħsara lill-propjetà meta jkun hemm uragani, trambi tal-arja u mewġiet tas-sħana.

Il-klijenti jistgħu ma jkunux jafu kif inhi l-klima tal-post u x'għandhom jagħmlu f'każ ta' emerġenza. Dan huwa kif, skont Americares, tista' tgħinhom.

Ikteb jew stampa l-informazzjoni importanti u ħalliha f'post fejn tidher.

• Kuntatti tal-emerġenza: Agħti n-numru tat-telefown għall-pulizija, għas-servizzi tat-tifi tan-nar u għas-servizzi tal-ambulanza flimkien man-numri tal-emerġenza nazzjonali (bħal, 112, 911 jew 999).
• Indirizz tal-propjetà: Agħti l-indirizz sħiħ tal-post tiegħek, l-iktar toroq ewlenin jew il-punti tal-interess fil-qrib u isem il-viċinat, id-distrett jew iż-żona.
• Post kenni kontra l-maltemp: Semmi fejn jistgħu jistkennu waqt tromba tar-riħ jew uragan bħal, ngħidu aħna, kantina jew kamra fuq ġewwa bla twieqi u mingħajr skylights.
• Mappa taż-żona: Agħtihom il-mogħdijiet li jistgħu jaqbdu biex jaħarbu, fejn jinsabu l-postijiet kennija tal-komunità u fejn jinsabu l-postijiet fejn wieħed jista' jmur biex jiffriska. Semmi wkoll f'liema postijiet tista' ddaħħal il-pets miegħek.

Qis it-temp taż-żminijiet differenti tas-sena int u tikteb id-deskrizzjoni tal-listing u l-messaġġi tiegħek u int u tagħżel politika ta' kanċellazzjoni.

• Regoli tad-dar: Agħti ftit dettalji bażiċi dwar it-temp taż-żminijiet differenti tas-sena. Ngħidu aħna, "Bejn Ġunju u Novembru hemm ċans ikbar ta' uragan". Jekk jogħġbok qis xi jkunu qed jgħidu r-rapporti tat-temp u l-istruzzjonijiet mogħtija mill-awtoritajiet tal-post".
• Tweġibiet ta' malajr u messaġġi skedati: Uża l-għodod tat-tab Messaġġi biex terfa' xi pariri li mbagħad, meta jkun hemm temp estrem imbassar, tista' taqsamhom mal-klijenti. Tista', ngħidu aħna, toħloq tweġiba ta' malajr fejn tissuġġerixxi l-postijiet fejn dak li jkun jista' jmur biex jiffriska meta jkun hemm mewġa ta' sħana.
• Politika ta' kanċellazzjoni: It-temp estrem huwa ta' theddida ikbar għall-postijiet mingħajr tagħmir tal-arja kkundizzjonata u postijiet fejn toqgħod uniċi bħal kampers, tined u tree houses. Nissuġġerulek tagħżel politika ta' kanċellazzjoni flessibbli biex il-klijenti jkunu jistgħu jaddattaw il-pjanijiet tal-vjaġġ tagħhom skont it-tbassir tat-temp.

Ħafna drabi, sakemm ma taqbilx mod ieħor mal-klijent tiegħek, il-politika ta' kanċellazzjoni tal-listing tiegħek tintuża biex naħdmu l-ħlasijiet lura għall-bookings ikkanċellati. Jekk il-post tal-booking jintlaqat minn xi avveniment serju li minħabba fih il-booking ma jkunx jista', fiżikament jew legalement, jintuża, il-Politika tal-Avvenimenti ta' Tfixkil Serju ta' Airbnb taf tgħodd għall-każ tiegħek.

Meta tgħodd il-Politika tal-Avvenimenti ta' Tfixkil Serju, tista' tikkanċella dak il-booking mingħajr tariffi jew konsegwenzi oħra u dawk id-dati se jibqgħu mblukkati fuq il-kalendarju tal-listing tiegħek. Il-klijenti b'bookings milquta jistgħu wkoll jikkanċellaw u jieħdu flushom kollha lura. Jekk int jew il-klijenti tiegħek tikkanċellaw booking li jaqa' taħt dil-politika, mhu se tikseb l-ebda ħlas għal dak il-booking.

Americares tissuġġerilek tgħarraf lill-klijenti dwar it-twissijiet marbuta mat-temp. Tista' tfakkarhom x'hemm disponibbli għalihom fil-post u taqsam xi pariri fuq kif jistgħu jħarsu ruħhom waqt iż-żjara.

It-titjib fil-post biex tilqagħlu għat-temp jista' jgħinek tnaqqas il-ħsara li ssir lill-propjetà jekk ikun hemm uragan jew tromba tal-arja u jista' jagħmel il-post tiegħek iktar komdu waqt mewġa tas-sħana. Americares tissuġġerixxi dawn li ġejjin biex tieħu ħsieb u tħares il-post tiegħek.

L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.