Sitt mod kif tħejji ruħek għall-iktar żmien kwiet tas-sena

Ħejjejt ruħek għall-iktar żmien kwiet tas-sena taż-żona tiegħek? Dawn sitt modi kif tista' tuża l-għodod tal-ospitalità ta' Airbnb biex jgħinuk tieħu ħsieb il-bookings meta l-għadd ta' klijenti li jkunu qed jivvjaġġaw jonqos. Qis il-vantaġġi ta' kull mod biex tifhem liema minnhom jgħodd l-iktar għan-negozju tal-ospitalità tiegħek.

Meta tnaqqas l-inqas għadd ta' ljieli meħtieġa għal booking, taf tħajjar lill-klijenti li qed ifittxu żjarat iqsar u timla d-dati battala fil-kalendarju tal-listing matul ż-żmien tas-sena meta n-nies ma tantx ikunu qed jivvjaġġaw.

Għandek l-għażla li tippersonalizza l-inqas għadd ta' ljieli għal booking bil-jiem tal-ġimgħa. Jekk, ngħidu aħna, id-domanda mill-klijenti tkun ikbar matul tmiem il-ġimgħa, tista' tagħżel li tilqa' żjarat ta' lejl wieħed biss f'nofs il-ġimgħa imma mhux meta l-klijenti jibbukkjaw il-Ġimgħa jew is-Sibt filgħaxija.

Kif tnaqqas l-inqas għadd ta' ljieli meħtieġ għal booking:

• Iftaħ it-tab Disponibbiltà tal-kalendarju tal-listing tiegħek.
• Agħfas fuq L-inqas għadd ta' ljiel minn Tul tal-vjaġġ.
• Ibdel l-inqas għadd ta' ljieli għall-għadd ta' ljieli li jgħodd għalik.

"Jekk ikolli tmint iljieli battala fil-kalendarju tal-listing, il-probabbiltà li nikseb booking ta' sebat iljieli ma tantx hi kbira," tgħid Felicity, membru tal-Bord Konsultattiv tal-Hosts u Superhost ġewwa New South Wales, l-Awstralja. "Jekk innaqqas l-inqas għadd ta' ljieli meħtieġa għal booking għal dawk id-dati, hemm ċans ikbar li nħajjar iktar klijenti jibbukkjaw."

Nissuġġerulek tħalli lill-klijenti jibbukkjaw eqreb lejn id-data taċ-checkin biex tkun tista' tħajjar ftit iktar klijenti jibbukkjaw meta x-xogħol ikun kwiet. Tista' tagħżel li tħalli lill-klijenti jibbukkjaw għal dakinhar stess, skont kemm teħtieġ żmien biex tħejji l-post mill-booking sal-wasla tal-klijent.

Biex tibdel kemm il-klijenti jistgħu jibbukkjaw bil-quddiem:

• Iftaħ it-tab Disponibbiltà tal-kalendarju tal-listing tiegħek.
• Iftaħ Avviż bil-quddiem.
• Agħżel l-għadd ta' jiem addattat għalik.

Tista' wkoll tagħżel li tilqa' talbiet b'avviż bil-quddiem iqsar minn dak li tistenna s-soltu. Se nitolbuk tiċċekkja u taċċetta dat-talbiet.

"Hija opportunità tajba biex il-listing tiegħek jispikka meta mqabbel ma' listings oħra li ma jagħtux dil-għażla," tgħid Karen, Superhost ġewwa Nelson, British Columbia. "Nagħti wkoll l-għażla ta' self checkin u nuża l-messaġġi awtomatiċi biex naqsam id-direzzjonijiet. B'hekk inkun nista' nilqa' lill-klijenti li jibbukkjaw eqreb tad-data taċ-checkin."

Meta traħħas il-prezz ta' kull lejl tal-listing tiegħek eqreb lejn id-data taċ-checkin, tista' tħajjar lill-klijenti li jibbukkjaw fl-aħħar minuta biex jagħżlu l-post tiegħek. Nissuġġerulek tagħti skont għall-bookings li jsiru bejn jum u 28 jum qabel iċ-checkin biex jgħinek timla l-kalendarju tal-listing u żżid id-dħul tiegħek.

Għal skontijiet ta' mill-inqas 10% fuq il-prezz medjan tal-aħħar 60 jum, il-klijenti se jintwerew messaġġ speċjali fuq il-paġna tal-listing u fir-riżultati tat-tiftix Il-prezz imraħħas tal-listing tiegħek se jintwera ħdejn il-prezz oriġinali. Il-prezz oriġinali se jintwera maqtugħ.

Kif iżżid skont tal-aħħar minuta:

• Iftaħ it-tab Prezzijiet tal-kalendarju tal-listing tiegħek.
• Iftaħ Skontijiet tal-aħħar minuta mit-taqsima Iktar skontijiet.
• Daħħal l-għadd ta' jiem qabel il-wasla, bejn jum u 28 jum.
• Daħħal il-perċentwali tal-iskont li tixtieq tagħti.

"L-iktar li komdu nraħħas huwa 15%," jgħid Jimmy, Superhost ġewwa Palm Springs, California. "Hemm prezz li ma nraħħasx iktar minnu. Għal booking għat-tmiem il-ġimgħa li ġej, lest inraħħas sa dak il-prezz biex nikseb il-booking."

L-iskontijiet għal żjarat itwal jistgħu jgħinu lil-listing tiegħek jintwera f'post aħjar fir-riżultati tat-tiftix, jimlew id-dati battala fil-kalendarju u jnaqqsu l-ħtieġa li tħejji l-post għal klijenti ġodda. Nissuġġerulek tagħti skont ta' ġimgħa għal min jibbukkja mill-inqas 7 iljieli wara xulxin u skont ta' xahar għal min jibbukkja mill-inqas 28 lejl wara xulxin.

Għal skontijiet ta' ġimgħa u ta' xahar ta' mill-inqas 10%, il-klijenti jintwerew messaġġ speċjali dwar il-listing tiegħek fuq il-paġna tal-listing tiegħek u fir-riżultati tat-tiftix. Għal kull skont skont it-tul taż-żjara, fir-rendikont tal-prezz nuru wkoll il-prezz oriġinali ħdejn il-prezz li se jħallas il-klijent.

Kif iżżid skont ta' kull ġimgħa jew ta' kull xahar:

• Ara li l-inqas u l-itwal tul għal booking ikunu skont ir-regoli u r-regolamenti tal-post fejn jinsab il-listing.
• Jekk tista' tilqa' n-nies għal bookings ta' ġimgħa jew ta' xahar, iftaħ it-tab Prezzijiet mill-kalendarju tal-listing tiegħek.
• Minn skontijiet ta' ġimgħa jew ta' xahar, ikteb il-perċentwali ta' skont li tixtieq tagħti u agħfas fuq Issejvja.

"Meta tagħti skont ta' ġimgħa jew ta' xahar, iktar nies se jiftħu l-listing tiegħek," jgħid Omar, Superhost ġewwa l-Belt tal-Messiku. "Innutajt li għadd dejjem ikbar ta' vjaġġaturi, l-iktar in-nomadi diġitali, qed jibbukkjaw żjarat itwal."

Offerta matul l-iktar żmien kwiet tas-sena tgħinek tispikka fir-riżultati tat-tiftix u tikseb iktar bookings. Meta tagħti skont ta' mill-inqas 15%, il-klijenti se jintwerew messaġġ speċjali dwarha fuq il-paġna tal-listing tiegħek u fir-riżultati tat-tiftix.

Kif iżżid offerta personalizzata:

• Iftaħ it-tab Prezzijiet tal-kalendarju tal-listing tiegħek.
• Agħżel id-dati mill-kalendarju.
• Agħżel il-perċentwali tal-iskont li tixtieq tagħti.

Mhux dejjem se tkun tista' żżid offerta personalizzata mal-listing tiegħek. Biex tkun tista' żżid offerta personalizzata, il-listing tiegħek jeħtieġlu jkun kiseb mill-inqas tliet bookings (wieħed ikun fl-aħħar sena) u d-dati li għażilt għandhom ikunu ilhom miftuħa mill-inqas 28 jum.

"Grazzi għall-offerti nista' nagħżel il-prezz li nixtieq għax-xhur li ġejjin u jekk ħadd ma jibbukkja, nista' nagħti skont," jgħid Daniel, membru tal-Bord Konsultattiv tal-Hosts ġewwa Tenerife, il-Gżejjer Kanarji. "Dawn l-offerti huma waħda mill-għodod favoriti tiegħi għax iħalluni naddatta l-prezz tal-listing tiegħi skont id-domanda."

Meta tqabbel il-prezzijiet ta' listings li jixbhu lil-listing tiegħek fil-qrib, tista' tifhem x'inhu prezz kompetittiv u tħajjar iktar klijenti jagħżlu l-listing tiegħek matul l-iktar żmien kwiet tas-sena. Jekk il-prezz li titlob huwa ogħla minn ta' listings li jixbhu lil tiegħek fil-qrib, nissuġġerulek traħħsu biex tħajjar iktar klijenti jagħżluh u tgħin lil-listing tiegħek jintwera f'post aħjar fir-riżultati tat-tiftix.

Jekk il-prezzijiet tal-listing tiegħek ma jinbidlux minn lejl għall-ieħor, nissuġġerulek iżżid prezzijiet apposta għal matul il-ġimgħa u għal tmiem il-ġimgħa. Meta l-prezzijiet ikunu jiddependu mil-lejl innifsu, tista' żżid iktar bookings.

Kif tqabbel il-listings li jixtiebhu:

• Iftaħ it-tab Prezzijiet tal-kalendarju tal-listing tiegħek.
• Agħżel il-firxa tad-dati, sa 31 jum.
• Agħfas fuq Sib il-listings li jixtiebhu.

Se nuruk il-medja tal-prezzijiet li qed jintalbu għal-listings li jixbhu lil tiegħek fuq mappa taż-żona qrib il-listing. Il-buttuni fuq il-mappa jħalluk tifhem liema listings huma bbukkjati jew mhux ibbukkjati. Biex nifhmu liema listings jixbhu lil tiegħek inqisu fatturi bħall-post fejn jinsabu, id-daqs, il-faċilitajiet, il-kumditajiet, ir-ratings, ir-reviews u listings oħra li l-klijenti żaru huma u jqisu għandhomx jibbukkjaw jew le l-listing tiegħek.

"Inżomm għajnejja fuq il-listings li jixbhu lil tiegħi biex niżgura li nkun qed nitlob prezz kompetittiv," tgħid Katie Kay, membru tal-Bord Konsultattiv tal-Hosts u Superhost ġewwa Lake Arrowhead, California. "Importanti li tkun flessibbli matul l-iktar żmien kwiet tas-sena jekk tixtieq tikseb il-bookings għal-listing tiegħek."

Il-prezzijiet li titlob u s-settings l-oħra tal-listing tiegħek dejjem se jkunu f'idek. Ir-riżultati li tikseb jafu jvarjaw.

Ħallasna lill-hosts għas-sehem tagħhom fl-istħarriġ.

L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.