Kif taħdem l-assigurazzjoni tal-vjaġġi għall-klijenti ta' Airbnb
L-emerġenzi u l-problemi mhux mistennija huma affarijiet li jistgħu jseħħu u għalhekk Airbnb tagħti l-assigurazzjoni tal-vjaġġi u s-servizzi tal-għajnuna.
Huma u jibbukkjaw vjaġġ, il-klijenti li joqogħdu ġewwa r-Renju Unit u 8 pajjiżi tal-UE jistgħu jixtru polza tal-assigurazzjoni biex iħarsu l-bookings tagħhom minn xi riskji. Meta l-klijenti li jkunu xtraw polza jikkanċellaw għal xi raġuni mħarsa mill-polza, il-klijenti se jkunu jistgħu jressqu talba lill-assigurazzjoni biex jiksbu d-differenza fin-nefqa tal-booking li ma tkunx tħallset lura minn Airbnb.
Dil-ħaġa tista' tnaqqas is-sitwazzjonijiet fejn klijent jitlob lill-host iħallsu lura iktar flus minn dak li jkollu l-jedd għalih skont il-politika ta' kanċellazzjoni.
Kif il-klijenti jixtru l-assigurazzjoni
L-assigurazzjoni tal-vjaġġi tista' tinxtara mill-klijenti li joqogħdu ġewwa r-Renju Unit, l-Irlanda, l-Awstrija, Franza, il-Ġermanja, l-Italja, in-Netherlands, il-Portugall jew Spanja.
Il-klijenti minn dawn il-pajjiż u pajjiżi eliġibbli oħra se jkollhom l-għażla li jixtru l-assigurazzjoni fuq Airbnb qabel jikkonfermaw u jħallsu għal booking. Il-prezz tal-polza tal-assigurazzjoni huwa perċentwali tan-nefqa għall-booking tagħhom. Qabel jixtru l-polza, il-klijenti se jkunu jistgħu jaqraw id-dettalji tal-polza u r-regoli u l-kundizzjonijiet tagħha.
Il-klijenti li jixtru l-assigurazzjoni se jirċievu email ta' konferma bid-dettalji tal-polza tagħhom u l-informazzjoni ta' kif għandhom jagħmlu biex iressqu talba. Skont il-post fejn ikunu joqogħdu l-klijenti, il-poloz se jinħarġu jew mill-fergħa tar-Renju Unit jew mill-fergħa Irlandiża ta' Europ Assistance. Europ Assistance hija sussidjarja tal-Grupp Generali, waħda mill-ikbar kumpaniji tal-assigurazzjoni li għandha fergħat f'ħafna pajjiżi.
Xi tħares l-assigurazzjoni
L-assigurazzjoni tal-vjaġġ tgħin iżżid il-ħarsien għall-klijenti, fosthom billi tagħmel tajjeb għal 100% tan-nefqiet marbuta mal-booking li ma jitħallsux lura jekk il-vjaġġ ma jseħħx minħabba ċerti avvenimenti bħal temp qalil ħafna jew mard serju.
Ngħidu aħna, jekk il-host iħallas lura 50% tal-booking ta' klijent skont il-politika ta' kanċellazzjoni tal-listing, meta klijent jikkanċella għal raġuni mħarsa mill-polza, l-assigurazzjoni tal-vjaġġ tista' tħallas lura sal-50% li jkun fadal. Il-kumpanija tal-assigurazzjoni mhix se tipprova tikseb il-flus mingħand il-host biex tagħmel tajjeb għat-talba tal-klijent.
Il-ħarsien u r-regoli tal-polza jiddependu minn fejn joqgħod il-klijent. Tista' żżur iċ-Ċentru tal-Għajnuna għal iktar dettalji.
L-assigurazzjoni tal-vjaġġi mhix l-istess bħal AirCover għall-klijenti, ħarsien li nagħtu għal kull booking. AirCover iħares lill-klijenti minn problemi mhux mistennija bħal meta l-listings ma jkunux ġenwini jew meta ma jkunux jistgħu jagħmlu ċ-checkin fil-listing.
Għal dawk li joqogħdu ġewwa r-Renju Unit: L-assigurazzjoni tal-vjaġġi hija sottoskritta mill-fergħa tar-Renju Unit ta' Europ Assistance S.A. Il-ħidma ta' Europ Assistance S.A. hija mgħassa mill-Awtorità superviżorja Franciża (ACPR) li l-indirizz tagħha huwa 4 place de Budapest, CS92459 - 75436 Pariġi Cedex 09, Franza. Il-fergħa tar-Renju Unit ta' Europ Assistance hija awtorizzata mill-Prudential Regulation Authority. Regolata mill-Awtorità tal-Kondotta Finanzjarja u f'xi każijiet mill-Prudential Regulation Authority. L-informazzjoni dwar il-livell ta' regolament mill-Prudential Regulation Authority jingħataw jekk jintalbu. In-numru tar-reġistru tal-FCA tal-fergħa tar-Renju Unit ta' Europ Assistance S.A. huwa 203084. L-assigurazzjoni tal-vjaġġi qed tinbiegħ minn Airbnb UK Services Limited. Airbnb UK Services Limited hija rappreżentanta awtorizzata ta' Aon UK Limited, kumpanija awtorizzata u regolata mill-Awtorità tal-Kondotta Finanzjarja. In-numru tar-reġistru FCA ta' Aon UK Limited huwa 310451. Tista' tikkonferma dan-numru billi żżur is-sit tar-Reġistru tas-Servizzi Finanzjarji jew billi ċċempel fuq +44 0800 111 6768. L-Assigurazzjoni tal-Vjaġġi hija regolata mill-Awtorità tal-Kondotta Finanzjarja filwaqt li l-bqija tal-prodotti u s-servizzi li toffri Airbnb UK Services Limited mhumiex regolati. Skont ir-regoli u l-kundizzjonijiet kollha. FPAIR20243LC
Għal dawk li joqogħdu fil-pajjiżi tal-UE: L-assigurazzjoni tal-vjaġġi hija sottoskritta minn Europ Assistance S.A. (EASA) permezz tal-fergħa Irlandiża tagħha u mill-fergħa Irlandiża ta' Europ Assistance S.A. (EAIB) li l-indirizz uffiċjali tagħha huwa Ground Floor, Block B, Riverside IV, SJRQ, Dublin 2, l-Irlanda, DO2 RR77 u li rreġistrata mal-Uffiċċju tar-Reġistrazzjoni tal-Kumpaniji Irlandiż bin-numru 907089. EASA awtorizzata mill-Awtorità superviżorja Franċiża. L'Autorité de Contrôle Prudentiel et de Résolution, 4 place de Budapest, CS92459 – 75436 Pariġi Cedex 09, Franza u EAIB hija regolata mir-regoli għall-imġiba tan-negozji tal-Bank Ċentrali Irlandiż. L-assigurazzjoni tal-vjaġġi tinbiegħ minn Airbnb Spain Insurance Agency, S.L.U (ASIASL), aġenzija tal-assigurazzjoni li tista' taħdem ma' iktar minn kumpanija waħda, irreġistrata ġewwa Spanja bin-numru AJ0364 fir-Reġistru Amministrattiv tal-Bejjiegħa tal-Assigurazzjoni tad-Direttorat Ġenerali għall-Assigurazzjoni u l-Fondi tal-Pensjonijiet. L-indirizz uffiċjali ta' ASIASL huwa Calle Casanova, número 2-4, P.9, 08011, Barċellona, Spanja. L-informazzjoni dwar il-benefiċċji u s-servizzi tal-polza tal-assigurazzjoni hija waħda ġenerali u kull polza li tinħareġ jaf ikollha xi kundizzjonijiet u esklużjonijiet oħra.
L-іnfоrmаzzјоnі f'dаl‐аrtіklu tаf lаħqеt іnbіdlеt mіnn mеtа ġіе ррubblіkаt.