Mur 'il quddiem biex taċċessa r-riżultati suġġeriti

    Il-proċess għat-tindif imtejjeb f'5 passi ta' Airbnb

    Il-proċess tat-tindif f'5 passi huwa ġabra ta' regoli tat-tindif li l-Hosts kollha, flimkien mal-liġijiet u l-linji gwida tal-post fejn jinsab il-listing, huma meħtieġa jimxu magħhom bejn iż-żjarat tal-klijenti.

    L-ewwel pass: Ħejji

    Tħejjija xierqa tista' tgħin lilek u lit-tim tiegħek tnaddfu aħjar u b'mod iktar sigur. Ara li:

    • Meta tkun tista', iftaħ l-ispazju tiegħek biex tgħaddi l-arja kemm qabel kif ukoll waqt li qed tnaddaf
    • Uża diżinfettanti approvati għal kontra l-COVID-19 mill-aġenziji regolatorji tal-post fejn jinsab il-listing tiegħek
    • Dejjem aqra sew l-istruzzjonijiet u t-twissijiet li ssib fuq il-prodotti tat-tindif tiegħek
    • Aħsel jew iddiżinfetta jdejk

    It-tieni pass: Naddaf

    Li tnaddaf ifisser li tneħħi t-trab u l-ħmieġ minn fuq l-uċuħ u l-bankijiet. Ara li:

    • Qabel tissanitizza tiknes, tgħaddi bil-vacuum cleaner, tfarfar u/jew taħsel l-art
    • Taħsel il-platti u l-ħwejjeġ bl-ogħla temperatura possibbli
    • Timsaħ l-uċuħ ibsin bis-sapun u l-ilma

    It-tielet pass: Issanitizza

    Li tissanitizza huwa meta tuża l-kimiċi biex tnaqqas l-ammont ta' batterji fuq uċuħ bħall-pumijiet tal-bibien u r-remotes tas-settijiet tat-TV. Ara li:

    • Sprejja diżinfettant approvat fuq l-iktar uċuħ li jintmessu f'kull kamra
    • Tixxuttax id-diżinfettant qabel jgħaddi l-ħin miktub fuq it-tikketta tal-prodott
    • Ħalli l-wiċċ jinxef waħdu

    Ir-raba' pass: Iċċekkja

    Biex taċċessa ċ-checklists għat-tip ta' post tiegħek, żur Perspettivi > Tindif. Ara li:

    • Agħti titwila lejn ir-regoli msemmija fiċ-checklist għal kull kamra biex tiżgura li bejn żjara u oħra ż-żoni kollha jiġu mnaddfa u ssanitizzati
    • Aqsam dal-modi ta' kif għandhom isiru l-affarijiet mat-tim tal-hosting u ma' dawk li jnaddfulek il-post tiegħek

    Il-ħames pass: Lesti mill-ġdid

    Biex tevita li l-affarijiet jiġu kontaminati minn xulxin, importanti li tlesti t-tindif u s-sanitizzazzjoni ta' kamra qabel terġa' tqiegħed l-affarijiet għall-klijent li jmiss. Ara li:

    • Aħsel idejk qabel tqiegħed il-prodotti u l-lożor li se jintużaw mill-klijenti
    • Armi jew aħsel b'mod sigur il-prodotti tat-tindif u l-ilbies protettiv
    • Terġax tidħol f'kamra wara li tkun ġiet sanitizzata
    • Bejn żjara u oħra, naddaf l-apparat li tuża

    Dan il-proċess huwa bbażat fuq il-gwida għat-tindif ta' Airbnb, gwida li ħloqniha bl-għajnuna ta' esperti fl-oqsma tas-sanitizzazzjoni u l-mediċina.

    Mill-kont tiegħek tista' tiftaħ Perspettivi > Tindif biex tniżżel il-gwida għat-tindif kollha u ssib iktar materjal, taħriġ u checklists għat-tindif personalizzati.

    Jeħtieġlek timpenja ruħek għall-proċess tad-tindif għal listings kollha

    Il-Hosts li ma jaqblux mar-regola tas-sigurtà għall-COVID-19, inkluż il-proċess għat-tindif imtejjeb f'5 passi, jafu ma jkunux jistgħu jaċċettaw bookings ġodda.

    Dawn ir-regoli jitolbu kemm li l-Host jilbes maskra u jżomm it-tbegħid soċjali meta l-liġijiet jew il-linji gwida tal-post fejn jinsab il-listing jitolbu hekk, kif ukoll li jimxi mal-proċess għat-tindif imtejjeb f'5 passi. Il-Hosts li jibqgħu jiksru jew li jiksru bil-kbir l-istandards tat-tindif jistgħu jiġu mwissija, sospiżi u, f'ċerti każijiet, imneħħija mill-pjattaforma ta' Airbnb.

    Kif taqsam l-impenn tiegħek għat-tindif imtejjeb mal-klijenti

    Wara li int jew membru tat-tim tal-hosting tiegħek timpenjaw ruħkom għall-proċess tat-tindif, l-impenn għat-tindif imtejjeb tiegħek se jintwera lill-klijenti fuq il-listing tiegħek.

    Ingħatajt l-għajnuna li kellek bżonn?

    Artikli relatati