Il-proċess għat-tindif imtejjeb f'5 passi ta' Airbnb

Il-proċess tat-tindif f'5 passi huwa ġabra ta' regoli tat-tindif li l-Hosts kollha, flimkien mal-liġijiet u l-linji gwida tal-post fejn jinsab il-listing, huma meħtieġa jimxu magħhom bejn iż-żjarat tal-klijenti.

Fil-gwida għat-tindif ta' Airbnb għandek issib id-dettalji dwar l-aħjar mod ta' kif tnaddaf, inkluż checklists għat-tindif dettaljati.

Tista' ssib il-gwida għat-tindif kif ukoll pariri, vidjows u iktar materjal billi żżur Perspettivi > Tindif mill-kont tiegħek bħala Host minn brawżer.

L-ewwel pass: Ħejji

Tħejjija xierqa tista' tgħin lilek u lit-tim tiegħek tnaddfu aħjar u b'mod iktar sigur. Ara li:

• Meta tkun tista', tiftaħ l-ispazju tiegħek biex tgħaddi l-arja kemm qabel kif ukoll waqt li qed tnaddaf
• Tuża diżinfettanti approvati għal kontra l-COVID-19 mill-aġenziji regolatorji tal-post fejn jinsab il-listing tiegħek
• Dejjem taqra sew l-istruzzjonijiet u t-twissijiet li ssib fuq il-prodotti tat-tindif tiegħek
• Taħsel jew tiddiżinfetta jdejk

It-tieni pass: Naddaf

It-tindif jiġifieri tneħħi t-trab u l-ħmieġ minn fuq l-uċuħ u l-bankijiet. Ara li:

• Qabel tissanitizza tiknes, tgħaddi bil-vacuum cleaner, tfarfar u/jew taħsel l-art
• Taħsel il-platti u l-ħwejjeġ bl-ogħla temperatura possibbli
• Timsaħ l-uċuħ ibsin bis-sapun u l-ilma

It-tielet pass: Issanitizza

Li tissanitizza huwa meta tuża l-kimiċi biex tnaqqas il-batterji fuq uċuħ bħall-pumijiet tal-bibien u r-remotes tas-settijiet tat-TV. Ara li:

• Tisprejja diżinfettant approvat fuq l-iktar uċuħ li jintmessu f'kull kamra
• Ma tixxuttax id-diżinfettant qabel jgħaddi l-ħin miktub fuq it-tikketta tal-prodott
• Tħalli l-wiċċ jinxef waħdu

Ir-raba' pass: Iċċekkja

Wara li tlesti s-sanitizzazzjoni, nissuġġerixxu li tiċċekkja sew biex tara li ma qbiżt xejn. Ara li:

• Tagħti titwila lejn ir-regoli msemmija fiċ-checklist għal kull kamra tal-gwida tiegħek biex tiżgura li ma qbiżt xejn
• Taqsam dal-modi ta' kif għandhom isiru l-affarijiet mat-tim tal-hosting u ma' dawk li jnaddfulek il-post tiegħek

Il-ħames pass: Lesti mill-ġdid

Biex tevita li l-affarijiet jiġu kontaminati minn xulxin, importanti li tlesti t-tindif u s-sanitizzazzjoni ta' kamra qabel terġa' tqiegħed l-affarijiet għall-klijent li jmiss:

• Taħsel idejk qabel tqiegħed il-prodotti u l-lożor li se jintużaw mill-klijenti
• Tarmi jew aħsel b'mod sigur il-prodotti tat-tindif u l-ilbies protettiv
• Ma terġax tidħol f'kamra wara li tkun ġiet sanitizzata
• Bejn żjara u oħra, tnaddaf l-apparat li tuża

Meħtieġa għall-Hosts kollha

Il-Hosts li ma jaqblux mar-regoli tas-sigurtà għall-COVID-19 tagħna, inkluż il-proċess għat-tindif imtejjeb f'5 passi, mhux se jitħallew jilqgħu n-nies.

Dawn ir-regoli jitolbu li l-Host jilbes maskra u jżomm it-tbegħid soċjali meta l-liġijiet jew il-linji gwida tal-post fejn jinsab il-listing jitolbu hekk.

Il-Hosts li jibqgħu jiksru jew li jiksbu bil-kbir l-istandards tat-tindif jistgħu jiġu mwissija, sospiżi u, f'ċerti każijiet, imneħħija mill-pjattaforma ta' Airbnb.