Mur 'il quddiem biex taċċessa r-riżultati suġġeriti
    Dal-kontenut mhux disponibbli bil-lingwa magħżula minnek, għalhekk għamilnieh disponibbli bl-eqreb lingwa disponibbli għalissa.

    Kif taqbad ma' Airbnb bis-softwer tal-immaniġġjar tal-propjetà

    Sir af kif tista' tuża s-softwer li qed tuża bħalissa biex tilqa' n-nies fuq Airbnb.
    Minn Airbnb f'did-data: 22 ta’ Ott 2018
    Qari ta' 2 minuti
    Aġġornat f'did-data: 14 ta’ Set 2021

    Airbnb għandha ħafna tipi ta' Hosts differenti, inkluż negozji tal-ospitalità li jaqsmu l-propjetajiet li jmexxu b'mod professjonali. Ħafna minnhom jużaw is-softwer tagħhom stess biex jieħdu ħsieb il-listings tagħhom. Biex ngħinu lil dal-Hosts jużaw il-pjattaforma tagħna u jilħqu udjenza ta' vjaġġaturi minn madwar id-dinja, ħloqna sħubiji ma' wħud mill-ikbar operaturi tas-softwer.

    Il-fatt li jistgħu jaqbdu mal-pjattaforma tagħna bis-softwer li diġà jkunu qed jużaw jgħin lill-Hosts u lit-timijiet ikomplu jużaw l-istess proċessi ta' ħidma filwaqt li jgawdu mill-faċilitajiet uniċi li toffri l-pjattaforma tagħna. Il-Hosts għandhom l-għażla li jew jieħdu ħsieb il-kontenut tal-listings tagħhom mill-operatur tas-softwer li jużaw jew direttament minn fuq Airbnb, grazzi għall-faċilità tas-sinkronizzazzjoni limitata li noffru. Grazzi għall-fatt li jistgħu jillimitaw x'jiġi sinkronizzat, il-Hosts jistgħu jippersonalizzaw il-kontenut tagħhom fuq Airbnb. Aqra l-artiklu taċ-Ċentru tal-Għajnuna tagħna minn hawn biex issir taf iktar dwar dil-faċilità.

    Biex jieħdu kemm jistgħu mill-pubblikazzjoni fuq Airbnb, aħna nħeġġu lill-Hosts li jaqbdu mal-pjattaforma tagħna bis-softwer tagħhom biex jimlew id-dettalji kollha tal-listing. Dil-ħaġa tgħin biex tiġbed minnufih l-attenzjoni tal-klijenti u hija wieħed mill-iktar pariri li nissuġġerixxu.

    Minbarra li jkunu jistgħu joħolqu deskrizzjonijiet dettaljati, il-Hosts li għandhom iktar minn listing wieħed jingħataw paġna tal-kummerċjalizzazzjoni professjonali li jistgħu jużaw biex jirriklamaw minn post wieħed il-propjetajiet tagħhom mill-klijenti. Il-Hosts jistgħu wkoll itellgħu r-ritratti tal-profil u ritratt tal-qoxra u jiktbu deskrizzjoni qasira dwar in-negozju tagħhom.

    Naħdmu ma' grupp dinji ta' operaturi li jibnu softwer għall-immaniġġjar tal-propjetà u channel managers. Għandna wkoll grupp ta' msieħba tas-softwer preferuti li huma kompatibbli mal-faċilitajiet kollha li toffri Airbnb u li jilħqu jew saħansitra jaqbżu r-rekwiżiti tekniċi meħtieġa għall-ħidma tas-sistema. Ara l-lista sħiħa minn hawn.

    Lest/a biex tibda?

    Jekk int Host li diġà tuża xi softwer u lest/a biex tibda tuża Airbnb, ikkuntattja lill-operatur tas-softwer tiegħek biex taqbad.

    Tixtieq issir taf iktar dwar kif taqbad ma' Airbnb permezz tas-softwer tiegħek? Żur iċ-Ċentru tal-Għajnuna.

    L-informazzjoni li tinsab f'dal-artiklu jaf laħqet inbidlet minn meta ġie ppubblikat.

    Airbnb
    22 ta’ Ott 2018
    Dan kien ta' għajnuna għalik?