Oħloq il-profil tiegħek

Wara li tapplika u nikkonfermaw l-eliġibbiltà tiegħek se tkun tista' timla profil fuq il-pjattaforma tas-servizzi tal-Co-Hosts b'esperjenza. Hekk kif il-profil tiegħek jiġi ppubblikat, il-Hosts fil-qrib li jkunu qed ifittxu għall-għajnuna se jkunu jistgħu jikkuntattjawk direttament.

Il-profil huwa l-aħjar għodda ta' tiswiq li għandek. Dawn il-ħames pariri jistgħu jgħinuk toħloq profil mill-aqwa:

1. Tella' r-ritratt tiegħek. Importanti tibda b'ritratt tajjeb ħafna.

2. <<Agħżel b'liema isem tixtieq tidher. Nissuġġerulek tikteb ismek mingħajr il-kunjom.

3. <<Ikteb xi ħaġa dwarek. Introduċi ruħek u ikteb xi ħaġa dwar kif tilqa' n-nies. Ikteb dwar is-servizzi li toffri, il-ħiliet li għandek u għaliex tgħin lill-Hosts jilqgħu n-nies.

4. Agħżel it-tariffa għas-servizz tiegħek. It-tariffa tagħżilha int imbagħad jeħtieġlek taqbel dwarha ma' kull Host.

5. Agħżel iż-żona fejn tixtieq tagħti s-servizz tiegħek. Żid il-postijiet fejn tista' tagħti s-servizzi tiegħek bħala Co-Host.

"Il-kwalità tas-servizz importanti ħafna għalija u għalhekk nagħżel li ma naħdimx f'postijiet iktar minn kwarta bogħod mid-dar," tgħid Katie Kay, membru tal-Bord Konsultattiv tal-Hosts ġewwa Lake Arrowhead, California. "Inżur kull listing ħafna drabi f'ġimgħa u għalhekk importanti li ma jkunux bogħod wisq."

Ħafna drabi l-aqwa ritratti tal-profil huma dawk li:

• Fihom tidher int biss, f'nofs il-gwarniċ

• Ittieħdu għat-tul u għandhom biżżejjed spazju x'tista' tqasqas

• Meħuda fuq sfond sempliċi b'dawl naturali (jew tista' teħodhom fid-dell jekk fuq barra)

• Huma ta' kwalità tajba (iktar minn 800 pixel)

• Mhux stessu (itlob lil xi ħadd jeħodlok ritratt jew uża timer)

Biex ma tikkumplikahx wisq, evita dwal iteptep, dwar fuq wara, logos jew ritratti bi stampa wiesgħa ħafna.

Dan kif il-Hosts fiż-żona tiegħek se jkunu jistgħu jsibuk:

1. Mill-paġna ewlenija tal-portal tal-Co-Hosts b'esperjenza, il-Hosts jistgħu jagħfsu jew jikklikkjaw fuq il-buttuna "Sib Co-Host fil-qrib" u jiktbu l-indirizz tal-listing tagħhom hemm.

2. Jekk toqgħod qrib dak l-indirizz, il-Hosts jistgħu jintwerew il-profil tiegħek li jiġbor fih ismek, ir-ritratt tiegħek, id-dettalji dwarek u t-tariffa li titlob.

3. Il-Hosts jistgħu jibagħtu messaġġ lil Co-Host jew għadd ta' Co-Hosts u jitolbuhom l-għajnuna.

Airbnb tuża wkoll kampanji diġitali u emails personalizzati biex tgħarraf lill-Hosts li hemm Co-Hosts b'esperjenza li jistgħu jgħinuhom.

L-informazzjoni f'dal-artiklu jaf laħqet inbidlet minn meta ġie ppubblikat.