Sir af iktar Hosts
Iktar ma jkunu jafu bik in-nies tal-post, iktar hemm ċans li ssib Hosts li jeħtieġu l-għajnuna tiegħek. Taħlita ta' tiswiq bl-internet u wiċċ imb wiċċ li jgħin lill-Hosts isiru jafu iktar dwar is-servizzi li toffri biex tgħinhom jilqgħu n-nies u meta għandek ħin li tgħinhom.
Kif issib il-Hosts li jixtiequ l-għajnuna
Għalkemm il-Hosts se jkunu jistgħu jsibuk fuq il-paġna ewlenija tal-portal tal-Co-Hosts b'esperjenza, ma tagħmilx ħażin li tiltaqa' direttament mal-Hosts fil-komunità tiegħek. Uħud mill-iktar Co-Hosts li marru tajjeb ħolqu paġni għas-servizzi li joffru fuq LinkedIn, Instagram jew Facebook.
Nissuġġerulek tfittex avvenimenti fejn tista' tibni l-kuntatti għax jaf tiltaqa' ma' Hosts li qed ifittxu Co-Hosts fiż-żona tiegħek.
Jimmy, Co-Host b'esperjenza ġewwa Palm Springs, California, jgħid li sab il-Hosts li jaħdem magħhom għax "mexxejt il-kelma man-nies taż-żona fejn noqgħod". Jaf issib Host mingħajr ma tkun qed tistenniha: Jimmy dal-aħħar sab żewġ propjetajiet grazzi għan-naddaf tal-pixxina tiegħu.
Dominic, Co-Host b'esperjenza ġewwa Cornwall, l-Ingilterra, qalilna li ġralu l-istess. "Kollox mexa b'mod naturali," jgħidilna. "U mexa b'mod li stajt inlaħħaq ma' kollox."
Wara li tibda taħdem mal-Hosts, tista' tibda taħseb x'tista' tagħmel biex is-servizzi tiegħek ikunu uniċi. Tista' tipprova toħloq ħwejjeġ bħal:
Newsletter u blogg biex iżżomm il-Hosts aġġornati
Materjal ta' merħba għall-klijenti
Servizzi personalizzati għall-Hosts jew għall-klijenti
Ġabra ta' roħsijiet għall-istabbilimenti tal-post
Kif tintroduċilna nies ġodda
Jekk tiltaqa' ma' Host li għadu ma nkitibx mal-pjattaforma tas-servizzi tal-Co-Hosts b'esperjenza, nissuġġerulek tistiednu jissieħeb miegħek fuq il-pjattaforma billi tibgħatlu link ta' introduzzjoni mid-dashboard tal-pjattaforma tal-Co-Hosts b'esperjenza. Għalkemm m'għandek l-ebda obbligu li żżid Host ġdid mat-tab tat-talbiet tiegħek, dil-ħaġa tista' tgħinek torganizza xogħlok aħjar.
L-informazzjoni f'dal-artiklu jaf laħqet inbidlet minn meta ġie ppubblikat.