Ħarsa ġenerali lejn ir-rapporti tat-taxxa tad-dħul ġewwa l-Istati Uniti tal-Amerka għall-hosts

Airbnb hija meħtieġa bil-liġi tiġbor id-dettalji tat-taxxa biex tifhem jekk id-dħul tiegħek għandux jiġi rrappurtat lill-awtoritajiet tat-taxxa federali u/jew statali tal-Istati Uniti tal-Amerka.

Jekk ikollok trid tiddikjara xi taxxa, se nużaw dil-informazzjoni tat-taxxa biex inħejju d-dokumenti bl-informazzjoni dwarek għas-sena għall-Istati Uniti tal-Amerka (Formola 1099/Formola 1042-S) biex tkun tista' tibgħathom lill-IRS u/jew lill-awtoritajiet tal-istat tiegħek. Jekk insibu li m'għandekx għalfejn tiddikjara d-dħul tiegħek mal-awtoritajiet tat-taxxa tal-Istati Uniti u/jew ta' xi wieħed mill-istati, din l-informazzjoni mhux se tintbagħat lill-awtoritajiet tat-taxxa. 

Jekk Airbnb titolbok xi informazzjoni dwar il-kontribwent tat-taxxa, wieġeb minnufih u agħti l-informazzjoni dwar il-kontribwent tat-taxxa li tgħodd għalik. Jekk ma tagħtix l-informazzjoni mitluba, jaf inżommulek xi taxxi, inwaqqfulek il-ħlasijiet jew ma nħallukx taċċetta bookings ġodda.

Aqra wkoll Taxxi u Ħlasijiet.

Min huwa meħtieġ jipprovdi informazzjoni dwar il-kontribwent tat-taxxa tal-Istati Uniti?

Bħala host jeħtieġlek tagħti d-dettalji tat-taxxa lil Airbnb jekk inti:

1. Ċittadin jew resident tal-Istati Uniti tal-Amerka li għandu listing ġewwa jew barra mill-Istati Uniti tal-Amerka 

Bħal:

• Ċittadin jew resident taxxabbli tal-Istati Uniti tal-Amerka b'listings ġewwa Boston, MA
• Ċittadin jew resident taxxabbli tal-Istati Uniti tal-Amerka b'listings ġewwa Pariġi, Franza

2. Host b'listing attiv ġewwa l-Istati Uniti tal-Amerka jew b'metodu tal-ħlas ġewwa l-Istati Uniti tal-Amerka fil-kont tiegħek 

Bħal:

• Resident fiskali mhux tal-Istati Uniti tal-Amerka b'listings ġewwa San Francisco, California
• Persuna li tħallas it-taxxa barra mill-Istati Uniti tal-Amerka b'listing ġewwa Pariġi, Franza u b'metodu tal-ħlas ġewwa l-Istati Uniti tal-Amerka
• Persuna li tħallas it-taxxa barra mill-Istati Uniti tal-Amerka, għandha listings ġewwa Pariġi, Franza u tatna numru tat-telefown jew dokument tal-identità maħruġ mill-gvern tal-Istati Uniti tal-Amerka

3. Host li m'għandux listing attiv ġewwa l-Istati Uniti tal-Amerka imma li jista' jkollu xi sinjali li jorbħu lejn l-Istati Uniti tal-Amerka

Eżempji:

• Numru tat-telefown tal-Istati Uniti tal-Amerka
• Karta tal-identità maħruġa mill-gvern
• Metodu ta' ħlas ġewwa l-Istati Uniti tal-Amerka
• L-indirizz IP ġewwa l-Istati Uniti tal-Amerka

Jekk tissodisfa xi wieħed minn dawn il-kriterji, se tirċievi messaġġi bl-email u notifiki fil-prodotti biex tipprovdi d-dettalji tat-taxxa tiegħek ġewwa l-Istati Uniti tal-Amerka.

Kif nista' nagħti l-informazzjoni dwar il-kontribwent tat-taxxa?

• Agħżel Taxxi mill-paġna tas-settings tal-Kont tiegħek
• Iftaħ it-taqsima Kontribwenti tat-taxxa u agħżel Żid id-dettalji tat-taxxa l-ġodda
• Agħżel il-pajjiż u l-formola li tixtieq tuża

Ladarba tiffranka d-dettalji tal-kontribwent tat-taxxa tiegħek, dan se jintwera fit-taqsima Taxpayers tal-Kont tiegħek. Jekk jeħtieġlek tagħti numru tal-identità tal-kontribwent tat-taxxa tal-Istati Uniti tal-Amerka, aħna se nibagħtuh għall-validazzjoni kontra r-rekords tal-IRS biex niżguraw il-preċiżjoni tar-rappurtar. Se navżawk jekk tkun teħtieġ iktar azzjoni.

Żomm f'moħħok: Il-pjattaforma tagħna jaf iddum sa 48 siegħa biex tipproċessa l-formola tat-taxxa tiegħek u sakemm tagħmel hekk, xorta nistgħu nkomplu nitolbuk iżżid id-dettalji tal-kontribwent tat-taxxa tiegħek.

X' inhi l-formola t-tajba li għandek tuża?

• Iċ-ċittadini jew ir-residenti tat-taxxa kollha tal-Istati Uniti tal-Amerka jew negozji kollha mwaqqfa jew irreġistrati ġewwa l-Istati Uniti tal-Amerka: Formola W-9. (Istruzzjonijiet għall-Formola W-9)
  • Residenti tat-taxxa tal-Istati Uniti: Detenturi tal-karta l-ħadra jew individwi preżenti fl-Istati Uniti għal ċertu perjodu ta' żmien (ara t-Test tal-Preżenza Sostanzjali tal-IRS)
  • L-individwi mwielda ġewwa Puerto Rico, il-Gżejjer Verġni tal-Istati Uniti (USVI) u Guam huma ġeneralment Ċittadini tal-Istati Uniti
• Residenti barra l-Istati Uniti tal-Amerka li jirċievu ħlasijiet minn listings ġewwa l-Istati Uniti tal-Amerka fuq Airbnb u li jiddikjaraw id-dħul tagħhom fit-taxxa ġewwa l-Istati Uniti tal-Amerka: Formola W-8ECI. Biex timla dil-formola teħtieġ Numru tal-Identifikazzjoni tal-Kontribwent tat-Taxxa tal-Istati Uniti tal-Amerka. (Kif tlesti l-Istruzzjonijiet W-8ECI)
• Mhux residenti tal-Istati Uniti tal-Amerka, qed tirċievi l-ħlasijiet mingħand listings tal-Istati Uniti tal-Amerka fuq Airbnb u ma tippreżentax dikjarazzjoni tat-taxxa tal-Istati Uniti tal-Amerka, jekk jogħġbok imla Formola W-8BEN/-E. Dan iwassal biex iż-żamma tat-taxxa tal-Istati Uniti tiġi applikata għal ħlasijiet mil-listings tiegħek ġewwa l-Istati Uniti tal-Amerka. (Kif tlesti l-Istruzzjonijiet W-8BEN)
• Ir-residenti mhux tal-Istati Uniti tal-Amerka li ma jirċevux ħlasijiet minn listings tal-Istati Uniti tal-Amerka fuq Airbnb għandhom jimlew Formola W-8BEN/-E. (Kif timla l-Istruzzjonijiet W-8BEN)

Żomm f'moħħok: ċittadini ta' Puerto Rico, Guam, il-Commonwealth tal-Gżejjer Mariana ta' Fuq, il-Gżejjer Verġni Amerikani jew Samoa Amerikana li mhumiex ċittadini jew residenti tal-Istati Uniti tal-Amerka, li ġeneralment jitqiesu mill-IRS bħala persuni barranin mhux residenti, ġeneralment meħtieġa jibagħtu formola W-8BEN jekk qed jilqgħu biss klijenti f'listings barra l-Istati Uniti tal-Amerka.

Jekk m'intix ċert/a liema formola tat-taxxa għandek tuża, nissuġġerulek li titlob parir ta' professjonist tat-taxxa. Airbnb ma tistax tagħtik pariri dwar it-taxxi.

Fejn tintwera l-informazzjoni li nagħti?

Jekk inti soġġett għal rappurtar ta' informazzjoni dwar it-taxxa, l-informazzjoni li tagħtina se tintwera fuq il-Formola 1099-K tas-sena kalendarja tiegħek (għall-Formola W-9) jew il-Formola 1042-S (għall-Formoli W-8ECI u W-8BEN/-E), li se tinħareġ f' Jannar ta' wara s-sena kalendarja. Sir af iktar dwar il-Formola 1099-K.

X'ammonti huma rrappurtati?

Sid il-listing se jirċievi dokumenti tat-taxxa li jirrappurtaw l-ammont gross tal-booking kollu (qabel ma jnaqqas it-tariffi ta' Airbnb, u jekk applikabbli, kwalunkwe taxxa u ħlasijiet għall-Co-hosts).

X'jiġri jekk ma nagħti l-ebda informazzjoni dwar il-kontribwent tat-taxxa tal-Istati Uniti tal-Amerka?

Jekk ma bgħattx l-informazzjoni dwar il-kontribwent tat-taxxa tiegħek, il-ħlasijiet li jmiss jistgħu jiġu sospiżi u l-kalendarju tiegħek jista' jiġi mblukkat. Dan ifisser li mhux se tkun tista' taċċetta bookings ġodda sakemm tibgħat l-informazzjoni.

Jekk tirċievi ħlasijiet mingħand Airbnb mingħajr ma jkollok l-informazzjoni tat-taxxa fil-fajl, it-taxxi li għandna nżommulek se jitnaqqsu u jitħallsu direttament lill-IRS u/jew lill-awtoritajiet tat-taxxa tal-istat. Wara li jintbagħtu dat-taxxi, jaf ma nkunux nistgħu nagħtuk flusek lura għas-somom miżmuma. Biss jaf tkun tista' titlob għall-ħlas lura direttament mingħand l-IRS jew mingħand l-awtorità tat-taxxa tal-istat tiegħek.