Mur 'il quddiem biex taċċessa r-riżultati suġġeriti
    Dal-kontenut mhux disponibbli bil-lingwa magħżula minnek, għalhekk għamilnieh disponibbli bl-eqreb lingwa disponibbli għalissa.

    Kif tibdel l-ispazju tiegħek fi spazju popolari fuq il-midja soċjali

    Sir af kif il-midja soċjali tista' tgħinek tikseb aktar bookings.
    Minn Airbnb f'did-data: 22 ta’ Mej 2019
    Qari ta' 8 minuti
    Aġġornat f'did-data: 14 ta’ Mej 2021

    Punti ewlenin

    • Agħżel isem memorabbli u intelliġenti biex timmarka l-ispazju tiegħek

    • Ippubblika ritratti sbieħ u ta' kwalità għolja biex tispira lin-nies u tbigħ il-listing tiegħek

    • Oħloq sħubijiet ma' influencers lokali billi toffrilhom żjarat bi prezz irħas talli jagħtuk kontenut

    • Attira iktar segwaċi billi ssir ambaxxatur onlajn fiż-żona tiegħek

    • Skopri iktar fil-gwida kompluta tagħna dwar kif ittejjeb il-livell tan-negozju tal-ospitalità tiegħek

    Meta tinnaviga fix-xena tal-midja soċjali tista' tħossok qisek mitluf ġewwa bosk. Minn fejn se tibda? Kif toħloq kontenut tajjeb? U kif se jwassal għal iktar bookings? Tom Feldman ta' Tye Haus ġewwa Skykomish, Washington, jaqsam il-mod (pjuttost umam) ta' għandu jirnexxielek tikseb iktar segwaċi u kif id-dar tiegħek issir waħda li ma tistax ma żżurhiex.

    "L-istorja tal-ospitalità tagħna bdiet lura fl-2012 meta xtrajna l-ewwel A-frame tagħna, Tye Haus. Irranġajniha, tellajniha fuq Airbnb u ftaħna kont fuq Instagram b'ritratti tad-dar tagħna flimkien ma' xeni ċinematiċi taż-żona tal-madwar—il-mixjiet fit-tul tagħna, l-attrazzjonijiet lokali, u dak li għoġobna fuq il-post. Ftit wara dan, fotografu popolari Alex Strohl kkuntattjana u talabna biex nikkollaboraw. Aħna lqajnieh għal xahrejn għal tip ta' irtir kreattiv talli jaqsam ir-ritratti tiegħu fuq il-feed tagħna. Il-popolarità tagħna bdiet tiżdied meta bdejna ntellgħu r-ritratti ta' Alex. Kienet l-ewwel ħaġa minn ħafna kollaborazzjonijiet u kompetizzjonijiet li segwew.

    "Jien u l-familja tiegħi issa qed immexxu tliet kabini A-frame, u qed inkomplu nilqgħu influencers minn madwar id-dinja kollha. Talli jaqsmu l-kontenut imħallas tagħhom fuq il-feed tagħna, aħna nagħtuhom post fejn jesploraw, jagħmlu avventuri u jirrilassaw. Dan sar wieħed mit-tekniki ewlenin tal-kummerċjalizzazzjoni tagħna. Minn rata ta' okkupanza ta' 30% tlajna għal kważi 100%, u nimlew il-ġranet ta' matul il-ġimgħa kif ukoll ix-xhur barra mill-istaġun. Aħna bnejna wkoll numru ta' segwaċi onlajn ta' kważi 115K. Dawn huma l-pariri tagħna dwar kif tpoġġi d-dar tiegħek fuq il-mappa tal-midja soċjali."

    1. Semmi l-ispazju tiegħek

    "L-ewwel pass biex tikkummerċjalizza d-dar tiegħek kapaċi jidher żgħir, iżda huwa wieħed importanti—u dan huwa li tagħti isem lill-ispazju tiegħek. Trid issib isem li huwa differenti, memorabbli u intelliġenti. Imbagħad tista' tagħti marka lid-dar tiegħek u tirreġistra l-isem tal-utent tiegħek fuq Instagram.

    "Hawn għandek ftit mistoqsijiet biex jgħinuk issib isem:

    • X'tip ta' dar għandek? Din il-propjetà hija chalet jew tinsab faċċata tal-baħar? Hija dar Tudor jew loft?
    • Għandek tema? Id-dekor tiegħek għandu stil partikolari? Għandha tema ta' pirati (li teżisti!)?
    • Hemm konnessjoni mal-post, il-belt jew ir-raħal tiegħek? Dan jista' jiġi inkorporat f'ismek?
    • Hemm sinifikat storiku? Jista' jkun li l-isem perfett għadu jrid jiġi skopert mill-passat.

    "Agħmel ftit riċerka onlajn u skopri x'qed jagħmlu listings oħra, kif ukoll liema ismijiet huma disponibbli fuq il-midja soċjali. Aħna semmejna l-ewwel kabina tagħna wara waħda mix-xmajjar fil-qrib, ix-Xmara Tye. L-ortografija tat-tieni nofs, Haus, kienet ispirata minn belt fil-qrib b'tema Bavarjana msejħa Leavenworth. Flimkien, saret Tye Haus".

    2. Ibda b'ritratti sbieħ

    "Wara li tkun ħloqt l-isem tiegħek u dawk tal-midja soċjali tiegħek, għandek tibda billi ttella' ritratti sbieħ. Tibdiex, nirrepeti, tibdiex, b'ritratti ta' kwalità ħażina. L-istampi fuq il-feed tiegħek huma l-ewwel ħaġa li se jaraw in-nies—l-iskop tiegħek huwa li tispirahom! Huma dawn ir-ritratti li se jbigħulek il-listing tiegħek. Ir-ritratti tiegħek għandhom ikunu:

    • Konsistenti: Żomm dehra uniformi u estetika li taspirak.
    • Ta' kwalità għolja: Ippubblika stampi u vidjows ċari, vivaċi, ta' kalibru għoli—evita li ttella' ritratti mżellġin jew mimlijin tikek.
    • Preċiż: Il-kontenut għandu jirrifletti sew il-propjetà tiegħek.

    "Ipprova enfasizza dak li jagħmel id-dar tiegħek differenti mill-oħrajn. Huwa d-dekor, il-karattru jew iż-żona fejn jinsab? Sib dak li verament jagħmel il-propjetà tiegħek interessanti. Ftakar li m'intix biss qed tirreklama l-ispazju tiegħek, qed taqsam ukoll l-esperjenza li jista' jkollhom in-nies jekk iżuruh: il-post fejn jinsab, il-veduti u l-attivitajiet fiż-żona tiegħek. Jekk ma tinqalax biex tieħu r-ritratti, ikkunsidra li tqabbad fotografu professjonali għall-bidu."

    3. Oħloq sħubiji kreattivi

    "Mod ieħor kif tiġġenera kontenut sabiħ għall-feed tiegħek huwa li tikkollabora ma' influencers (eż. fotografi, bloggers u vidjografi) u toffrilhom żjarat bi prezz irħas talli jagħtuk kontenut. Nirrakkomandaw li tirriċerka u tikkuntattja fotografi, bloggers, vidjografi lokali u kreaturi tal-kontenut fiż-żona tiegħek.

    "Din l-istrateġija hija waħda mill-kawżi ewlenin għat-traffiku fuq il-paġna tagħna. Meta l-influencers jaqsmu l-posts tagħhom dwar l-ispazju tiegħek mal-oħrajn, se jsibuh utenti ġodda u jiskopru d-dar tiegħek.

    "Meta tikkuntattja lil influencers biex tistaqsi xi ħaġa, importanti li:

    • Kun professjonali. Mur ippreparat u infurmat. Staqsi l-mistoqsijiet it-tajbin li se jgħinu s-sħubija timxi 'l quddiem.
    • Kun ċar. Din tista' tkun xi ħaġa verament sempliċi bħal: "Hello, kemm jogħġobni xogħlok. Għadni kif bdejt ma' Airbnb. Jinteressak skambju kreattiv: intuk żjara mingħajr ħlas talli tagħtina ritratti jew xi kitba li nħallsuk għalihom?"
    • Iddeskrivi l-aspettattivi tiegħek. Oħloq ftehim reċiproku għaż-żewġ partijiet biex b'mod ċar tkun taf dak li qed jistenna kull wieħed minnkom u x'se tirċievu. Dan għandu jinkludi dettalji bħad-dati tal-konsenja, id-drittijiet tar-ritratti, it-tagging, in-numru ta' ritratti/vidjows, u t-tipi ta' fajls, eċċ.
    • Ara li kulħadd imur tajjeb. Ħares lejha bħala kollaborazzjoni u stinka biex tiżgura li s-sħubija tkun ta' benefiċċju għaż-żewġ partijiet.

    Parir ieħor relatat huwa li qatt m'għandu jkollok inventarju vojt. Jekk jiġu disponibbli xi dati fl-aħħar minuta, approfitta mill-ħin ta' waqfien u użah għall-isforzi tal-marketing tiegħek. Stieden influencer lokali joqgħod għandek biex tkun tista' tuża l-ħin biex tiġġenera kontenut addizzjonali għall-feed tiegħek.

    4. Attira iktar segwaċi

    Ladarba tkun stabbilixxejt preżenza onlajn u tkun ksibt feed mimli ritratti mill-isbaħ, ikun wasal iż-żmien li tgħid lin-nies min int. Dan jista' jsir b'ħafna modi differenti:

    • Sir ambaxxatur lokali onlajn fiż-żona tiegħek. Sib l-aktar kuntatti relevanti onlajn u ara li tagħmel parti minnhom. Għalhekk għal Tye Haus, inħobbu nżommu ruħna aġġornati mal-midja soċjali tan-negozji lokali u t-tags tal-postijiet tal-madwar. Aħna nsegwu resort tal-iskijjar fil-qrib, pereżempju, u kapaċi nwieġbu mistoqsijiet li jħallu nies oħra, jew nikkummentaw billi ngħidulhom “Hello, meta terġa' tiġi f'dil-belt, ejja oqgħod għandna."
    • Issieħeb ma' ditti biex toħloq kompetizzjonijiet u għoti ta' rigali. Se norganizzaw ukoll kompetizzjonijiet u promozzjonijiet biex inżidu l-ammont ta' segwaċi tagħna. Aħseb b'mod differenti biex issib sħubiji li jixirqu mal-"marka" tiegħek. Isseħibna ma' kumpaniji ta' kutri, bjankerija tas-sodod u tal-pożati biex nippromwovu l-udjenzi ta' xulxin. Ikkuntattjajnihom u għednilhom, "Hello, se ninvolvu xi influencers biex jitkellmu dwar il-prodott tagħkom, tixtiequ li nissieħbu? Nista' ninkludi żjara mingħajr ħlas." Dawn huma wkoll opportunitajiet eċċellenti biex toħloq database ta' emails.

    5. Kun ġenwin/a

    Bħala regola ġenerali, in-nies ġeneralment iddejjaqhom l-promozzjoni tagħhom infushom, kemm jekk onlajn kif ukoll wiċċ imb wiċċ—għalhekk importanti li tkun awtentiku/a fl-interazzjonijiet kollha tiegħek. Tikkummentax fuq il-posts ta' kull influencer bl-istess messaġġ biex tidher biss—jew tibda tispamja kull kont li ssib. Hemm differenzi żgħar, u n-nies iħossuha meta tkun qed tipprova tbiegħ b'mod dirett għall-aħħar. Kun ġenwin/a f'dak li tgħid u għandek tattira n-nies tajbin għalik.

    Bhala regola personali, nipprova ma nagħmilx wisq hashtags. Aħna nittagjaw ftit feeds relattivi fir-ritratt u ninkludu biss 5-10 hashtags għal kull post. Xi nies jużaw firxa sħiħa ta' tags ta' ritratti u hashtags biex jiġu skoperti, imma jien nippreferi approċċ aktar sottili u organiku.

    Ftakar li biex tattira segwaċi trid il-ħin u dan żgur li mhux se jseħħ mil-lejl għan-nhar. Inħeġġiġkom tużaw dawn il-pariri, tkunu kreattivi u żgur li taraw li l-komunità tal-midja soċjali tagħkom tikber—u se tiġu ppremjati bir-rati ta' okkupanza tiegħek.

    Il-Hosting it-tajjeb!
    Tom

    Punti ewlenin

    • Agħżel isem memorabbli u intelliġenti biex timmarka l-ispazju tiegħek

    • Ippubblika ritratti sbieħ u ta' kwalità għolja biex tispira lin-nies u tbigħ il-listing tiegħek

    • Oħloq sħubijiet ma' influencers lokali billi toffrilhom żjarat bi prezz irħas talli jagħtuk kontenut

    • Attira iktar segwaċi billi ssir ambaxxatur onlajn fiż-żona tiegħek

    • Skopri iktar fil-gwida kompluta tagħna dwar kif ittejjeb il-livell tan-negozju tal-ospitalità tiegħek
    Airbnb
    22 ta’ Mej 2019
    Dan kien ta' għajnuna għalik?