Mur 'il quddiem biex taċċessa r-riżultati suġġeriti
    Dal-kontenut mhux disponibbli bil-lingwa magħżula minnek, għalhekk għamilnieh disponibbli bl-eqreb lingwa disponibbli għalissa.

    Kif issib l-aħjar modi kif tilqa' n-nies

    Fuq xiex għandek tiffoka—minn li twieġeb fil-pront sa li tevita l-kanċellazzjonijiet.
    Minn Airbnb f'did-data: 16 ta’ Diċ, 2019
    Qari ta' 3 minuti
    Aġġornat f'did-data: 14 ta’ Mej, 2021

    Punti ewlenin

    • Wieġeb għall-messaġġi tal-klijenti u kull mistoqsija li għandha x'taqsam mal-bookings fi żmien 24 siegħa

    • Agħżel ir-rekwiżiti tal-bookings tiegħek biex dejjem tkun komdu/a taċċetta iktar klijenti

    • Evita l-kanċellazzjonijiet billi żżomm il-kalendarju tiegħek dejjem aġġornat

    • Ikseb reviews mill-aqwa billi timxi mal-istandards tal-ospitalità ta' Airbnb

    • Skopri iktar ideat fil-gwida kompluta tagħna li tgħinek tiskopri d-dinja tal-ospitalità

    Bħala Host ta' Airbnb, mhux biss se ddaħħal il-flus mill-propjetà tiegħek imma se tiltaqa' wkoll ma' nies interessanti minn madwar id-dinja kollha. "Ilqajna persuna li tibni d-drones, kantawtur professjonali u artista taċ-ċirklu," jgħidu Beverlee u Suzie, Hosts minn Oakland, California. "Ħajjitna marret għall-aħjar." Kull min għandu spazju x'jaqsam jista' jsir Host ta' Airbnb. L-importanti hu li tkun lest/a toffri l-istandards bażiċi ta' Airbnb, standards maħsuba biex kull klijent ikollu żjara komda mingħajr inkwiet. Dawn huma l-affarijiet li kull Host għandu jagħmel biex ikun Host tajjeb:

    Wieġeb kull mistoqsija jew talba għall-booking fi żmien 24 siegħa

    It-tweġibiet ta' malajr għall-messaġġi tal-klijenti juru li int Host attent għall-ħtiġijiet tal-klijenti. Importanti li twieġeb għal kull messaġġ marbut mal-bookings fi żmien 24 siegħa. Rata ta' rispons għolja mhux biss sinjal ta' ospitalità mill-aqwa imma hija wkoll waħda mill-kriterji biex issir Superhost.

    Nissuġġerulek tniżżel l-app ta' Airbnb biex tkun tista' twieġeb għall-messaġġi tkun fejn tkun. U biex nagħmluha ċara, għalkemm hija xi ħaġa sabiħa li twieġeb għal kull messaġġ tal-klijenti tiegħek, ir-rata ta' rispons tinħadem biss fuq it-tweġibiet għall-messaġġi li għandhom x'jaqsmu mal-bookings.

    Aċċetta talbiet għal bookings

    Id-dejta ta' Airbnb turi li l-Hosts għandhom it-tendenza jaċċettaw il-biċċa l-kbira tat-talbiet għall-bookings li jirċievi għad-dati li jkunu disponibbli. Tista' tuża s-settings tad-disponibbiltà tal-kalendarju tiegħek biex timblokka d-dati fejn mhux ċert/a jekk tistax tilqa' nies.

    Jekk naraw li qed tirrifjuta ħafna talbiet għall-bookings, Airbnb jaf taħseb li ma tistax tilqa' n-nies u għalhekk tista' taħbi l-listing tiegħek sakemm ikollok iktar ħin. Biex tiżgura li tkun tista' taċċetta kemm jista' jkun talbiet għall-bookings u tkun komdu/a b'kull booking, nissuġġerixxu dawn li ġejjin:

    • Żid il-verifika tal-ID mar-rekwiżiti tiegħek għall-bookings
    • Żid ir-Regoli tad-Dar biex il-klijenti jkunu jafu x'inhu mistenni minnhom
    • Jekk qed tuża l-Booking Immedjat, tista' titlob ukoll li l-klijenti jkollhom reviews pożittivi mingħand Hosts oħra qabel ikunu jistgħu jibbukkjaw

    Evita l-kanċellazzjonijiet

    Airbnb tieħu l-kanċellazzjonijiet bis-serjetà ħafna. Mhux biss għax ifixklu bil-kbir il-pjanijiet tal-klijenti—il-pjanijiet tal-vjaġġ tagħhom jiddependu minnek!—imma wkoll għax itellfu mill-fiduċja li tgawdi l-komunità tagħna. Huwa għalhekk li, ħlief f'każijiet ta' ċirkostanzi attenwanti, il-kanċellazzjonijiet għandhom jiġu evitati. Biex tnaqqas ir-riskju tiegħek li tikkanċella:

    • Ara li d-disponibbiltà u l-prezzijiet tiegħek ikunu dejjem aġġornati
    • Aħseb minn qabel dwar l-avvenimenti speċjali u l-vaganzi—f'dawk iż-żminijiet jaf tkun trid tuża l-listing tiegħek inti stess jew tista' tgħolli r-rata ta' kull lejl tiegħek
    • Jekk għal xi raġuni l-kalendarju tiegħek mhux aġġornat jew tippreferi tapprova int stess kull talba li tintbagħat, nissuġġerulek titfi l-Booking Immedjat
    • Jekk toffri l-ispazju tiegħek fuq pjattaformi oħra, ixgħel il-faċilità tas-sinkronizzazzjoni tal-kalendarju biex tevita li jkollok iktar minn klijent wieħed ibbukkjat għall-istess dati

    Żomm rating ġenerali għoli

    Wara kull żjara, il-klijenti se jiktbu review dwar l-esperjenza tagħhom miegħek. Ir-reviews pożittivi jgħinuk tħajjar iktar nies jibbukkjaw miegħek kif ukoll jistgħu jgħinuk tikseb l-istatus ta' Superhost. Il-Hosts li jiksbu reviews mill-aqwa normalment jiffukaw fuq dawn l-affarijiet li ġejjin:

    • L-Indafa: Il-klijenti jistennew li jsibu l-istess spazju nadif u organizzat li qed turi fir-ritratti tal-listing tiegħek. Ara li jkollok biżżejjed żmien biex tnaddaf bejn klijent u ieħor, speċjalment jekk ikollok klijent li se jasal eżatt wara li jitlaq klijent ieħor.
    • Il-Kumditajiet essenzjali: Il-klijenti japprezzaw meta jsibu xi ftit affarijiet bażiċi. Airbnb tissuġġerixxi li jkollok biżżejjed toilet paper, sapun tal-idejn u sapun biex tinħasel bih, lożor/bjankerija u mill-inqas xugaman u mħadda għal kull persuna.
    • Dettalji tal-listing eżatti: Għin lill-vjaġġaturi jifhmu jekk l-ispazju tiegħek jgħoddx għalihom billi tagħtihom informazzjoni ċara u tgħarrafhom b'kull ħaġa li għandhom ikunu jafu.
    • Checkin bla xkiel: Proċess taċ-checkin ċar u ħafif jgħin lill-klijenti jserrħu moħħhom wara jum jivvjaġġaw.
    • Komunikazzjoni proattiva: Il-klijenti jieħdu gost ikunu jafu li bħala Host dejjem lest biex tgħinhom matul iż-żjara tagħhom. Ikkuntattjahom int biex tiftiehmu l-pjanijiet għall-wasla tagħhom.

    Għal iktar pariri fuq kif iżżomm rating ġenerali għoli, agħti titwila lejn il-Paġna tal-ospitalità tagħna.

    Ħares fil-bogħod

    Airbnb ma tistenniex li l-ebda booking ma jkollu intoppi—iktar ma tikseb esperjenza iktar se titgħallem u ttejjeb il-mod ta' kif tilqa' n-nies. Jekk timxi ma' dal-linji gwida għandhom ikunulek l-ewwel pass biex ikollok klijenti kuntenti, reviews tajba u avventura ta' sodisfazzjon int u tilqa' n-nies.

    Punti ewlenin

    • Wieġeb għall-messaġġi tal-klijenti u kull mistoqsija li għandha x'taqsam mal-bookings fi żmien 24 siegħa

    • Agħżel ir-rekwiżiti tal-bookings tiegħek biex dejjem tkun komdu/a taċċetta iktar klijenti

    • Evita l-kanċellazzjonijiet billi żżomm il-kalendarju tiegħek dejjem aġġornat

    • Ikseb reviews mill-aqwa billi timxi mal-istandards tal-ospitalità ta' Airbnb

    • Skopri iktar ideat fil-gwida kompluta tagħna li tgħinek tiskopri d-dinja tal-ospitalità

    Airbnb
    16 ta’ Diċ, 2019
    Dan kien ta' għajnuna għalik?