X'inhuma l-Kmamar ta' Airbnb?
L-ispazju li mhux tuża jista' jkunlek mod kif iddaħħal il-flus u tiltaqa' man-nies. Jekk għandek xi kamra tas-sodda żejda tista' toħloq listing biex tilqa' n-nies ġewwa darek.
"Hija xi ħaġa li tagħtini ħafna, u mhux biss flus," jgħid Eric, Superhost ġewwa Los Angeles. "Il-klijenti jżuru California biex jgħixu avventura u għalina din tkun avventura wkoll. Ma nkunux nafu lil persuna l-oħra li tibbukkja magħna u sakemm tkun qed toqgħod għandna nsiru nafu iktar dwar ħafna postijiet madwar id-dinja."
Kmamar huma għażla popolari madwar id-dinja kollha u huma t-tielet l-iktar xorta ta' listings ta' postijiet fejn toqgħod li jiġu bbukkjati fuq Airbnb.* Il-klijenti jistgħu jsibu u jibbukkjaw il-Kmamar billi jfittxu f'dik il-Kategorija ta' Airbnb jew billi jagħżlu kmamar mill-filtru tat-tiftix.
Dan huwa dak li għandek tkun taf biex tibda tilqa' n-nies f'Kamra.
X'jitqies bħala Kamra?
Meta klijent jikri Kamra, dan se jkollu kamra tal-banju privata fid-dar tal-Host u aċċess għal żoni komuni li jistgħu jkunu maqsuma ma' ħaddieħor.
Biex ikun jista' jitqies bħala Kamra, listing għandu jkollu dawn ir-rekwiżiti kollha:
Il-klijent ikollu l-kamra tas-sodda privata tiegħu li tissakkar b'bieb.
Il-klijent ikollu aċċess għal kamra tal-banju privata jew maqsuma mal-oħrajn.
Il-klijent ikollu aċċess għal mill-inqas spazju komuni wieħed bħal kċina, salott jew bitħa.
Il-Hosts jużaw isimhom fuq il-listing u mhux isem ta' negozju jew isem ieħor.
"Kamra" tkun magħżula bħala x-xorta ta' kamra jew ix-xorta ta' listing fis-settings tal-listing ta' Host.
Il-kamra privata ma tkunx kamra maqsuma mal-oħrajn, lukanda, resort, tinda, kamper, unità indipendeti (bħal pereżempj bungalow f'bitħa) jew xi xorta oħra ta' propjetà minn dil-lista.
Jekk il-listing tiegħek ma jkollux dar-rekwiżiti jeħtieġlek tagħżel xorta oħra ta' post int u toħloq il-listing tiegħek.
Għaliex għandek tilqa' n-nies f'Kamra?
Il-kmamar iż-żejda jista' jkollhom siwi ikbar minn dak ta' maħżen jew post fejn jinġema' t-trab. Fost il-vantaġġi li tikri l-kmamar tas-sodda żejda bħala Kamra hemm li:
Iddaħħal il-flus. Fl-2022, il-Hosts ta' Kmamar madwar id-dinja kollha daħħlu iktar minn $2.9 biljun USD u d-dħul medjan żdied b'iktar minn 20% meta mqabbel mal-2021.**
Tiltaqa' man-nies. Tista' tibni rabta sabiħa mal-vjaġġaturi meta taqsam darek, l-interessi tiegħek, il-kultura tiegħek u l-għarfien li għandek dwar il-post.
Tuża spazju li diġà huwa tiegħek. Tista' tuża l-kamra għall-mistednin biex tilqa' klijenti li jħallsuk tagħha mingħajr ma teħel xi spejjeż kbar bħalma kont teħel kieku pereżempju kellek tikri d-dar kollha.
"Għandi dar kbira u noqgħod waħdi u għandi l-post u l-istil ta' ħajja ideali biex nilqa' n-nies," tgħid Ruth, Host ġewwa Perth, l-Awstralja. "Ma kellix għalfejn nonfoq flus biex nixtri s-sodod, nirranġa l-kmamar, inċaqlaq l-għamara jew taħbit bħal dan."
Agħfas il-buttuna t'hawn taħt biex toħloq listing ta' Kamra ġdid jew biex tlesti listing li diġà bdejt taħdem fuqu.
*Skont dejta miġbura minn Airbnb minn madwar id-dinja kollha bejn Mejju 2022 u Marzu 2023
**Id-dħul medjan għall-Hosts ta' Kmamar madwar id-dinja kollha
L-informazzjoni f'dal-artiklu jaf laħqet inbidlet minn meta ġie ppubblikat.