X'jitqies bħala kamra?

Il-kmamar huma għall-klijenti li għalkemm jixtiequ ftit privatezza, xorta jixtiequ jiltaqgħu ma' nies ġodda u jgħixu ż-żjara tagħhom bħan-nies tal-post. Meta jibubkkjaw kamra, il-klijenti se jkollhom il-kamra tagħhom f'dar flimkien ma' aċċess għall-ispazji li jistgħu jkunu maqsuma mal-oħrajn. Il-klijenti jistgħu pereżempju jkollhom għalfejn jgħaddu minn spazju fuq ġewwa maqsum ma' xi ħadd ieħor biex jaslu għall-kamra tagħhom.

X'inhu meħtieġ biex il-listing jintwera lill-klijenti bħala Kamra?

Biex ikun jista' jintwera lill-klijenti bħala kamra fuq Airbnb – pereżempju fir-riżultati tat-tiftix, fil-kategorija Kmamar, fuq il-paġna tal-listing jew fi mkejjen oħra – listing għandu jkollu dawn ir-rekwiżiti li ġejjin:

• L-ispazju mtella' għandu jkun kamra tas-sodda b'bieb u matul iż-żjara tal-klijent għandha tintuża minnu biss
• Il-klijent jaqsam ma' ħaddieħor mill-inqas wieħed minn dawn l-ispazji: il-kamra tal-banju, il-kċina jew is-salott
• Billi l-klijent se jkunu qed jaqsmu darek miegħek, importanti li jkunu jafu l-Host tagħhom min hu. Għalhekk il-Host għandu jkun xi ħadd li juża ismu. Ma tistax tuża ismijiet tan-negozju, laqmijiet jew ismijiet oħra
• Il-kmamar privati f'binjiet b'għadd ta' unitajiet, blokok ta' appartamenti, townhouses u appartamenti jistgħu jitqiesu bħala kmamar privati biss jekk ikollhom ir-rekwiżiti msemmija hawn fuq

Liema listings ma jitqisux bħala Kamra?

• Loft, kamra jew spazju ieħor mingħajr bieb li jifirdu mill-bqija tal-ispazji fid-dar
• Kamra maqsuma mal-oħrajn fejn il-klijent jaf ikollu jaqsam il-kamra tas-sodda tiegħu ma' ħaddieħor
• Tinda, kamper, airstream, karozza tal-linja, karozza jew RV
• Lukanda, boutique hotel, aparthotel, pensjoni, hostel, appartament maqsum ma' persuni oħra, appartament bis-servizzi, guesthouse, lodge qalb in-natura, sanatorju jew resort
• Bed & Breakfast kultant jista' jitqies bħala kamra privata; l-importanti li ma jkunx jixbah boutique hotel jew hostel u li jkollu r-rekwiżiti msemmija hawn fuq.
• Kmamar li jinsabu barra mid-dar ewlenija iżda jagħmlu parti mill-istess propjetà jew guesthouses li għandhom bitħa maqsuma mal-oħrajn imma huma maqtugħa għalihom

Jekk il-listing tiegħek mhux jintwera bħala Kamra

Jekk timmarka t-tip ta' listing tiegħek bħala kamra imma ma jkollux ir-rekwiżiti t'hawn fuq, il-listing tiegħek jaf ma jintweriex mal-klijenti bħala kamra – la fir-riżultati tat-tiftix, la fil-kategorija Kmamar u lanqas fil-bqija tal-pjattaforma. F'dak il-każ il-listing tiegħek jista' jintwera lill-klijenti bħala Post fejn toqgħod u jintwera fir-riżultati tat-tiftix għal kull xorta ta' post.

Jekk tibdel il-listing tiegħek b'mod li jkollu r-rekwiżiti msemmija hawn fuq, nistgħu nirrevedu dawk il-bidliet biex nifhmu għandniex nuru lill-klijenti li jkunu qed ifittxu post fejn joqogħdu l-listing tiegħek bħala kamra.

Jekk il-listing tiegħek ma jkollux ir-rekwiżiti msemmija hawn fuq, tista' tibdel it-tip ta' listing u/jew it-tip ta' propjetà tiegħek u ssib deskrizzjoni li toqgħod aħjar għall-post li qed tilqa' n-nies fih. Jekk tilqa' n-nies fi spazju marbut mad-dar tiegħek imma m'għandekx ir-rekwiżiti msemmija hawn fuq, nissuġġerulek tagħmel xi bidliet fil-listing tiegħek fit-taqsima Tip ta' Propjetà minn fuq kompjuter jew fit-taqsima Propjetà u klijenti minn fuq mowbajl. Tista' pereżempju tagħżel li tiddeskrivi l-post bħala Unità sekondarja u x-xorta ta' propjetà bħala Suite privata.