X'inhu mistenni mill-hosts tal-postijiet fejn toqgħod u l-listings tagħhom

Kull host għandu jilħaq dawn l-istandards bażiċi biex il-klijenti tiegħu jkollhom esperjenza komda u mingħajr inkwiet.

• Li jikkomunika b'mod ta' min joqgħod fuqu: Il-hosts għandhom iwieġbu fil-pront u għandhom ikunu kapaċi jwieġbu l-mistoqsijiet tal-klijenti u ta' Airbnb mingħajr dewmien żejjed u li jieħdu l-passi mitluba minn Airbnb biex isewwu l-problemi.
• Li jkun hemm listings preċiżi: Il-propjetà, il-post fejn tinsab, it-tip ta' listing, il-livelli ta' privatezza u l-kumditajiet li jagħti l-host għandhom ikunu l-istess bħal dak li kien miktub fid-deskrizzjoni tal-listing meta sar il-booking. Il-hosts ma jistgħux jibdlu d-dettalji għal booking aċċettat sakemm il-klijenti ma jkunux qablu mal-bidliet.
• Li jkollu post fejn toqgħod sigur: Il-hosts mistennija li jżommu l-listings siguri. Għandhom jagħtu ċ-ċwievet u l-kodiċi għal kull daħla ewlenija għall-post.
• Li l-proċess taċ-checkin ikun ta' min joqgħod fuqu: Il-hosts għandhom jagħtu lill-klijenti l-informazzjoni li jeħtieġu biex jaċċessaw il-post ibbukkjat fil-mument taċ-checkin (eż.: il-kodiċi tal-aċċess, direzzjonijiet ċari xierqa). Il-hosts li jixtiequ jiltaqgħu mal-klijenti waqt iċ-checkin għandhom jiżguraw li jkunu hemm fil-ħin miftiehem. Il-lockboxes jew kodiċi tad-dħul għandhom jinżammu siguri (eż.: ibdel il-kodiċi bejn booking u ieħor).
• Li l-postijiet fejn toqgħod ikunu nodfa: Il-propjetà tal-host m'għandhiex ikollha perikli għas-saħħa magħrufin (eż.: moffa, ħlejjaq qerrieda, ħlejjaq mhux mixtieqa), għandha jkollha standard ta' ndafa għoli u għandha titnaddaf bejn żjara u oħra.
• Li jkollu postijiet fejn toqgħod siguri: Il-hosts mistennija jżommu l-listing ħieles mill-perikli tas-sigurtà (eż.: ħruġ tas-sigurtà imblukkat, riskji ta' xokk tal-elettriku, valenu kontra l-ġrieden). Il-perikli li ma jistgħux jitneħħew mil-listing (eż.: post fil-għoli, uċuħ tal-ilma) għandhom jissemmew fid-deskrizzjoni tal-listing. Il-hosts mistennija wkoll jimxu mal-liġijiet u r-regolamenti kollha li obbligati jimxu magħhom (eż.: il-listing għandu jkollu dak mistenni minnu mil-liġijiet tal-bini għall-ħarsien min-nirien). Sir af iktar dwar l-informazzjoni tas-sigurtà tal-listings.
• Li jilqgħu n-nies bil-permessi u/jew il-liċenzji meħtieġa: Airbnb teħtieġ li l-hosts kollha jkunu awtorizzati biex jilqgħu n-nies u li l-hosts jimxu mal-liġijiet kollha li obbligati jimxu magħhom. Ma tistax tibbukkja akkomodazzjoni terza jew lukanda mingħand xi ħadd ieħor biex imbagħad itellagħha fuq Airbnb b'rata ogħla. Il-Hosts għandhom jimxu mar-regoli imposti fuq it-timeshares jew postijiet fejn toqgħod bħalhom huma u jqisu jekk itellgħux dax-xorta ta' postijiet fuq Airbnb.
• Il-benesseri tal-annimali: Fil-komunità tagħna ma naċċettaw xejn li jisfrutta lill-annimali (eż.: zoos fit-triq, kaċċa ta' annimali slavaġ bħala trofej). Il-hosts meħtieġa jimxu mal-linji gwida għall-benesseri tal-annimali ta' Airbnb. Sir af iktar dwar ir-regoli bażi għall-hosts tal-postijiet fejn toqgħod.

Qegħdin hawn biex ngħinuk

Jekk tiltaqa' ma', jew tisfa vittma ta' mġiba li tikser il-politiki tagħna, jekk jogħġbok għarrafna dwarha.