Rekwiżiti tas-sigurtà għall-postijiet fejn toqgħod

Mill-vilel sal-treehouses, tkun xi tkun il-forma tagħhom, id-djar ippubblikati fuq Airbnb għandhom ikunu postijiet fejn toqgħod siguri. Il-Hosts għandhom joffru spazju sigur u huma meħtieġa jgħarrfu lill-klijenti dwar ċerti perikli tas-sigurtà u jieħdu ħsiebhom.

<br}Sir af iktar dwar il-linji gwida tas-sigurtà għas-servizz u għall-esperjenzi tagħna.

Aspettattivi bażiċi tas-sigurtà

Il-Hosts għandhom id-dmir li jżommu d-dar sigura, fosthom kwalunkwe żona li l-klijent ikollu aċċess għaliha matul iż-żjara tiegħu (eż.: kumditajiet fil-post, bħal gyms jew bitħa għat-tfal, u żoni komuni, bħat-taraġ u d-daħliet). B'mod partikolari, il-Hosts għandhom:

• Ifissru x'għandhom jistennew. Il-Hosts għandhom jgħarrfu lill-klijenti b'mod ċar dwar il-karatteristiċi partikolari ta' kull listing, fosthom billi jimlew it-taqsima tas-sigurtà tad-deskrizzjoni tal-listing tagħhom. Il-Hosts għandhom jagħtu wkoll struzzjonijiet għal kull faċilità tad-dar li tista' twassal għal korriment jekk tintuża ħażin (eż.: hot tubs).
  • Pereżempju, il-Hosts għandhom jgħarrfu lill-klijenti dwar u jieħdu l-miżuri tas-sigurtà meħtieġa biex iżommu siguri l-armi u ċerti tipi ta' annimali li jinsabu fil-listing.

• Joffru spazju sigur għall-klijenti. Għandhom jingħataw iċ-ċwievet jew il-kodiċi tal-aċċess għall-punt tad-dħul ewlieni. Il-lockboxes u l-kodiċi tad-dħul għandhom jinżammu siguri u l-Hosts għandhom ibiddlu l-kodiċi wara kull booking.
• Żomm detetturi tad-duħħan u tal-monossidu tal-karbonju (CO) f'kundizzjoni tajba. Il-Hosts għandhom jgħidu b'mod ċar jekk dawn l-apparati jinsabux fil-listing. Jekk ikun hemm, id-detetturi jridu jkunu jaħdmu kif suppost u l-Hosts għandhom jippruvaw l-allarmi ta' sikwit. Aħna nħeġġu bil-qawwa l-installazzjoni ta' dawn l-apparati u nagħtu detettur tad-duħħan u tal-monossidu tal-karbonju lill-hosts eliġibbli mingħajr ħlas, meta jitolbuh.
• Imxu mal-liġijiet li obbligati jimxu magħhom. Il-hosts għandhom jimxu mal-liġijiet u r-regolamenti tas-sigurtà rilevanti, bħar-rekwiżiti tal-kodiċi tan-nar applikabbli u l-limiti ta' okkupanza sigura.

Kif tieħu ħsieb il-perikli tas-sigurtà li jistgħu jseħħu

Biex joffru post fejn toqgħod sigur, il-Hosts għandhom jieħdu ħsieb il-perikli magħrufa li jistgħu jwasslu għal korriment qabel jaċċettaw il-bookings. Fost il-perikli għas-sigurtà li jistgħu jseħħu hemm, fost oħrajn:

• Perikli tan-nar jew tal-elettriku (eż.: listings b'ħruġ imblukkat, detetturi tad-duħħan li ma jaħdmux jew wajers mikxufin)
• Tagħmir li ma jkunx miżmum kif suppost (eż.: hot tubs, tagħmir tal-kċina li jaħdem bil-gass, fran)
• Perikli għas-saħħa (eż.: ilma kkontaminat, moffa jew pesti)
• Riskji għas-sigurtà fiżika (eż.: ħitan, soqfa jew twieqi mhux siguri)

Barra minn hekk, il-Hosts għandhom jgħarrfu lill-klijenti dwar kwalunkwe periklu għas-sigurtà li jinsab fil-listing billi jsemmuh fid-deskrizzjoni tal-listing (eż.: aċċess għal postijiet għoljin, pixxina jew korp tal-ilma).

Kif ninfurzaw dawn il-politiki

Jekk insiru nafu li l-Hosts ma jgħarrfux lill-klijenti dwar il-perikli li jafu bihom jew ma jnaqqsux ir-riskju ta' dawn il-perikli, jew jekk ikun hemm aċċidenti serji jew ripetuti marbuta mas-sigurtà fil-listings tagħhom, aħna nieħdu l-azzjoni xierqa. Dan jista' jfisser li nitolbu lill-Hosts isolvu l-problemi, li nedukaw lill-Hosts u lill-klijenti dwar il-politiki tagħna, li nagħtu twissijiet jew li nissospendu jew inneħħu l-listings jew il-kontijiet li jkunu qed jiksru l-politiki tagħna. Nistgħu wkoll nikkanċellaw bookings li għadhom ġejjin jew bookings attivi, jew inkunu neħtieġu prova li l-Hosts għarrfu l-problemi qabel ma jkunu jistgħu jaċċettaw bookings oħra. Il-Hosts huma responsabbli għall-ksur li jwettqu l-co-Hosts, il-ħaddiema u persuni oħra li jħalluhom jgħinuhom fil-ħidma tagħhom bħala Hosts.

Aħna qegħdin hawn biex ngħinuk

Fil-każ rari li tiltaqa’ ma’ problema tas-sigurtà matul il-booking tiegħek, aħna qegħdin hawn biex ngħinuk:

• Jekk ikun hemm emerġenza għaddejja, jekk jogħġbok ikkuntattja lis-servizzi tal-emerġenza lokali jew lill-awtoritajiet tal-infurzar tal-liġi biex tikseb l-għajnuna. Jekk ma tafx in-numri tat-telefown tas-servizzi tal-emerġenza tal-post, tista’ tuża Airbnb biex ċċempel lis-servizzi tal-emerġenza issa.
• Inkella tista’ tikkuntattja lil Airbnb permezz tal-linja tas-sigurtà 24 siegħa kuljum apposta tagħna.
• Jekk m’għandekx kont ta’ Airbnb imma tixtieq tirrapporta xi ħaġa li qed tiġri f’listing ta’ Airbnb fil-komunità tiegħek, tista’ tikkuntattja lit-tim tal-Għajnuna lill-Viċinat tagħna.

Riżorsi addizzjonali

Għal aktar pariri dwar is-sigurtà u l-aħjar prattiki, il-hosts jistgħu jirrevedu r-riżorsi hawn taħt:

• Linji gwida addizzjonali dwar is-sigurtà għall-hosts
• Lista ta' kontroll tas-sigurtà tad-djar
• Tħejjija għal emerġenza
• Pariri dwar l-ewwel għajnuna
• Riżorsi tas-sigurtà fl-Istati Uniti