Kif tgħinna nwaqqfu t-traffikar tal-bnedmin
Bħala Host jew klijent tista' titgħallem kif tagħraf u ġġib ruħek meta tħabbat wiċċek ma' każ ta' traffikar tal-bnedmin fil-listing tiegħek. Għalhekk inħeġġuk biex, jekk ikun hemm sitwazzjonijiet fejn tissuspetta traffikar tal-bnedmin, tirrappurtahom minnufih lin-National Human Trafficking Hotline tal-Istati Uniti tal-Amerka. Jekk m'intix ġewwa l-Istati Uniti tal-Amerka, tista' tuża l-Global Modern Slavery Directory (GMSD) biex issib għaqdiet oħra minn madwar id-dinja li jaħdmu biex iwaqqfu t-traffikar tal-bnedmin.
X'inhu t-traffikar tal-bnedmin
Għalkemm it-tifsira ta' traffikar tal-bniedem tista' tvarja skont f'liema pajjiż tinsab, fil-biċċa l-kbira tal-pajjiżi t-tifsira tiddependi minn tliet elementi ewlenin mogħtija mill-Ġnus Magħquda. Is-sitwazzjonijiet ta' traffikar għandu jkollhom:
- Att: it-tiftix, it-trasport, il-bejgħ, il-ħabi u x-xiri tal-persuni.
- Mezz: bit-theddid jew l-użu tal-forza, bil-ħtif, bil-frodi, bir-rikatti u bl-abbuż ta' poter.
- Għan: Għall-isfruttament (fost oħrajn, l-isfruttament tal-ħidma sesswali ta' nies oħra jew xorta oħra ta' sfruttament sesswali), għall-ħidma jew għas-servizzi sfurzati, għall-iskjavitù jew għal kundizzjonijiet li jixbhu l-iskjavitù, għall-qadi sfurzat jew għat-tneħħija tal-organi tal-ġisem.
Min hu vulnerabbli
Filwaqt li kulħadd jista' jisfa vittma, xi nies huma iktar vulnerabbli minn oħrajn minħabba li m'għandhomx xi ħtiġijiet bażiċi. Fosthom hemm dawk li jgħixu fil-faqar jew li m'għandhomx post fiss fejn joqogħdu u nies li għaddew minn trawma jew li huma maħkuma minn xi vizzju. Minħabba d-diskriminazzjoni storika u dik li sal-lum għadhom iħabbtu wiċċhom magħha, in-nies b'lewn tal-ġilda skur, l-immigranti u l-membri tal-komunità LGBTQ+ huma iktar f'riskju li jiġu sfruttati u traffikati.
Biex sitwazzjoni tista' titqies traffikar tal-bnedmin għandu jkun hemm sinjali ta' qerq jew ġegħil. Dawn jistgħu jkunu:
- Persuna li ma tkunx ħielsa tmur fejn trid jew b'mod sigur u li ma jkollha ebda kontroll fuq il-flus u l-propjetà tagħha
- Persuna li tiġi mġiegħla taċċetta xogħol b'kundizzjonijiet differenti minn dawk li qablet għalihom waqt il-proċess tal-għażla
- Persuna li tiġi mġiegħla tieħu d-drogi jew tixrob l-alkoħol minn persuna oħra
- Theddid tal-użu tal-forza jew tal-vjolenza
- Persuni fiżikament imrażżna
- Korrimenti
Ħjiel li fil-listing tiegħek qed iseħħ xi sfruttament:
- Ħidma sfurzata:
- Il-ħaddiem huwa taħt l-età
- Ħjiel ta' nuqqas ta' ndafa personali, nuqqas ta' ikel u għeja kbira
- Ħaddiem li ngħata spazju mhux addattat fejn joqgħod minn min iħaddmu (l-ebda privatezza/post fejn jorqod mhux maħsub għall-irqad)
- Imdejna ma' min iħaddimhom jew ma' min isibilhom impjieg u/jew mhux jitħallsu dak li kienu mwiegħda jew li għandhom jitħallsu
- Ħaddiem li ma jistax jistrieħ kif suppost mix-xogħol
- Ħaddiem li jaħdem f'kundizzjonijiet perikolużi jew ta' periklu għas-saħħa u m'għandux l-ilbies jew taħriġ apposta
- Bniedem li jagħti ħjiel li qed isus bniedem ieħor warajh meta jkun qed jitħaddet jew iqatta' l-ħin ma' ħaddieħor
- Traffikar għal skopijiet sesswali:
- Issib l-indirizz tal-listing f'riklami fuq l-internet għas-sess bi ħlas
- Rapporti ta' persuni mhux awtorizzati deħlin u ħerġin mil-listing tiegħek il-ħin kollu.
- Kwantità mhux tas-soltu ta' oġġetti marbutin mas-sess fil-listing
- Tagħmir professjonali għall-ġbid tal-vidjows u tar-ritratti fil-listing
X'għandek tagħmel f'każ li tissuspetta sitwazzjoni ta' traffikar tal-bnedmin
Bħala Host jew klijent, tista' tagħti sehmek biex twaqqaf it-traffikar tal-bnedmin. Jekk tissuspetta li xi ħaġa li tkun qed isseħħ fil-listing tiegħek tista' tkun marbuta mat-traffikar tal-bnedmin, tista' tikseb l-għajnuna billi tikkuntattja lin-National Human Trafficking Hotline billi ċċempel fuq +1-888-373-7888, tibgħat SMS lil 233733 bil-kliem "BeFree" jew billi titħaddet direttament ma' aġent fuq humantraffickinghotline.org/chat. In-numru jitwieġeb 24 siegħa kuljum, huwa bla ħlas, kunfidenzjali u tista' tikkomunika b'iktar minn 200 lingwa.
Għandek ukoll tirrapporta sitwazzjonijiet li jafu jkunu marbuta ma' traffikar tal-bnedmin lil Airbnb. Iċ-Ċentru tas-Sigurtà ta' Airbnb huwa l-post fejn tista' ssib l-iktar materjal importanti direttament mill-app tiegħek. Miċ-Ċentru tas-Sigurtà tista' tikkuntattja kemm lin-Numru għall-Għajnuna Urġenti ta' Airbnb kif ukoll lis-servizzi tal-emerġenza tal-post, tkun fejn tkun madwar id-dinja.
Artikli relatati
Politika tal-Kontenut u l-Coronavirus
Sir af iktar dwar il-Politika tal-Kontenut ta' Airbnb għal dak li għandu x'jaqsam mal-COVID-19.- Klijent jew Parteċipant
Attivitajiet illegali u pprojbiti
Airbnb ma taċċettax attivitajiet illegali jew imġibiet oħra li jistgħu jagħmlu ħsara lill-komunità tagħna. - Klijent jew Parteċipant
Nagħmlu l-almu tagħna biex il-komunità tagħna tibqa' b'saħħitha
Minħabba li l-komunità tagħna tivvjaġġa madwar id-dinja u tilqa' lil persuni minn madwar id-dinja kollha fl-ispazji tagħha, importanti li ni…