Kif tħejji l-listing tiegħek bl-għarfien meħtieġ

Ara li l-listing tiegħek jgħarraf lill-klijenti jekk għandek xi kameras fuq barra, tagħmir tar-reġistrazzjoni, tagħmir intelliġenti, kejjiela f'deċibel għall-ħsejjes jew armi.

Kameras, tagħmir tar-reġistrazzjoni u tagħmir intelliġenti

• Kameras u tagħmir tar-reġistrazzjoni fuq ġewwa: Ħlief f'xi sitwazzjonijiet rari, bħal meta l-kameras tal-listings meħtieġa bil-liġi, il-Hosts ma jistgħux ikollhom kameras jew tagħmir tar-reġistrazzjoni li jgħasses fuq l-ispazji fuq ġewwa, anki jekk dat-tagħmir ikun mitfi jew mhux imqabbad. Qatt ma jista' jkollok kameras moħbija. Dan jgħodd ukoll għaż-żoni komuni u l-ispazji maqsuma ta' listings ta' kamra privata (bħal, ngħidu aħna, salott).

• Kameras u tagħmir tar-reġistrazzjoni fuq barra: Il-Hosts jista' jkollhom kameras tas-sigurtà u tagħmir tar-reġistrazzjoni li jgħassu fuq barra sakemm il-klijenti jkunu mgħarrfa bil-post li qed jgħassu (eż.: "Għandi kamera li tagħti fuq il-parapett", "Għandi kamera li tagħti fuq it-terrazzin", "Għandi kamera li tagħti fuq il-pixxina" jew "Għandi kamera mal-qanpiena tal-bieb li qed tgħasses il-bieb ta' barra u l-kuritur tad-daħla tal-blokka fejn noqgħod"). Il-Hosts ma jistgħux iqiegħdu kameras u tagħmir tar-reġistrazzjoni li jgħassu fuq żoni barra l-listing bħal, ngħidu aħna, doċċa fuq barra magħluqa jew f'sawna, fejn il-klijenti jistennew privatezza ikbar.

• Tagħmir intelliġenti: Il-Hosts jista' jkollhom tagħmir tad-dar intelliġenti bħal settijiet tat-televiżjoni u assistenti bil-leħen f'darhom u għalkemm mhux meħtieġa jagħmlu hekk, inħeġġuhom jgħarrfu lill-klijenti bihom. Aħna nħeġġu wkoll lill-Hosts jgħarrfu lill-klijenti kif jistgħu jitfu dat-tagħmir.

Kejjiela f'deċibel għall-ħsejjes

• Kejjiela f'deċibel għall-ħsejjes: Sakemm il-Hosts jgħarrfu lill-klijenti bihom u ma jkunux f'kamra tal-banju, kamra tas-sodda jew post fejn jorqdu n-nies, il-Hosts jistgħu jkollhom kejjiela f'deċibel tal-ħsejjes fuq ġewwa tal-listing.

Sir af iktar dwar ir-regoli marbuta mal-kameras, it-tagħmir għar-reġistrazzjoni, il-kejjiela f'deċibel għall-ħsejjes u t-tagħmir intelliġenti.

Armi

• Kull arma f'listing għandha tinħażen u titħares kif suppost.

• Kull mekkaniżmu li jista' jintuża għall-isparar jitqies bħala arma. Fosthom hemm: armi tan-nar komuni, xkubetti tal-arja, tagħmir għall-ħarsien personali jew deterrent bħal tasers jew sprej tal-bżar, kull xorta ta' munizzjon u imitazzjonijiet tal-armi tan-nar.

• Jekk arma tkun tidher sew jew faċli biex tinstab mill-klijenti, il-Hosts għandhom jgħarrfu lill-klijenti biha fid-dettalji tas-sigurtà u l-propjetà u fir-regoli tad-dar tal-listing.

• Il-klijenti meħtieġa wkoll javżawk u jiksbu l-permess tiegħek qabel jibbukkjaw jekk ikunu se jġibu xi armi mħarsa magħhom, u għandhom jużaw il-faċilità tal-messaġġi ta' Airbnb biex jagħmlu hekk.

Sir af iktar dwar ir-regoli marbuta mal-armi.