Kif tkun ġar tajjeb

Għandna nuru rispett mhux biss lill-komunità ta' Airbnb imma lil dawk kollha li jgħixu madwarna. Tali rispett ifisser, fost l-oħrajn, li ma jingħatax fastidju lill-ġirien minħabba laqgħat, storbju jew imġiba u azzjonijiet disturbanti oħra.

X'naċċettaw

• Regoli mfassla mill-Hosts: Inħeġġu lill-Hosts jispjegaw ċar fir-regoli tad-dar, fid-deskrizzjonijiet tal-listings u permezz tal-konverżazzjonijiet ta' Airbnb tagħhom dak li qed jistennew mill-klijenti. Airbnb għandha standards bażiċi imma nissuġġerixxu li l-Hosts jagħtu iktar informazzjoni jew joħolqu linji gwida addattati għall-viċinat tagħhom.
• Avvenimenti ta' ospitalità professjonali: Negozji ta' ospitalità professjonali bħal lukandi jew bed and breakfasts biss jistgħu joffru avvenimenti fuq skala kbira, sakemm ma jkunux qed jagħtu fastidju lill-komunità tal-madwar jew joħolqu fastidju lill-komunità b'xi mod ieħor.

X'ma naċċettawx

• Laqgħat li jagħtu fastidju: Ma jistgħux isiru parties jew laqgħat li jheddu s-sigurtà jew jagħtu fastidju lill-komunità tal-madwar, ikun x'ikun id-daqs tagħhom. Sir af iktar dwar ir-regoli dwar il-fastidji lill-komunità tagħna, fosthom ir-regoli kontra l-parties u l-avvenimenti li jagħtu fastidju.
• Listings ta' "djar għall-parties": Sakemm ma jilqgħux in-nies bħala parti minn negozju tal-ospitalità professjonali, il-Hosts m'għandhomx iħeġġu jew jaċċettaw li jsiru laqgħat li jagħtu fastidju, parties jew avvenimenti, la fid-deskrizzjonijiet tal-listing tagħhom u lanqas xi mkien ieħor.
• Fastidji lill-komunità: Ma naċċettawx imġiba u azzjonijiet li jirritaw lil persuni oħra, inkluż tipjip eċċessiv viċin il-ġirien jew tipjip f'żoni fejn it-tipjip huwa pprojbit, ir-rimi taż-żibel bl-addoċċ, l-istorbju eċċessiv jew it-tfixkil tal-aċċess ta' ġar għad-djar tiegħu.

Qegħdin hawn biex ngħinuk

Jekk inti jew xi ħadd ieħor tħossukhom mhedda jew mhux siguri, jekk jogħġbok l-ewwel ikkuntattja lill-forzi tal-ordni tal-post biex jgħinukhom. Barra minn hekk, jekk tara jew tisfa vittma ta' mġiba li tmur kontra l-politiki tagħna, jekk jogħġbok avżana dwarha.