Ħu ħsieb il-profil tiegħek

Aqsam iktar dettalji dwarek biex tgħin lill-komunità ta' Airbnb ssir tafek aħjar. Meta żżid l-informazzjoni mal-profil tiegħek tkun qed tgħin trawwem ir-rabta bejn il-Hosts u l-klijenti u l-fiduċja fil-pjattaforma tagħna. Id-dettalji li tagħżel li taqsam dwarek jistgħu jintwerew lill-Hosts u l-klijenti madwar il-pjattaforma ta' Airbnb.

X'informazzjoni se tintwera fuq il-profil tiegħek

Bħala regola standard, il-profil tal-utent tiegħek se juri informazzjoni li tista' tvarja skont jekk intix Host, klijent jew it-tnejn li huma.

Bħala Host, fost l-informazzjoni se tintwera hemm:

• L-isem
• Is-sena li ngħaqadt ma' Airbnb
• In-numru ta' snin li ilek tilqa' n-nies fuq Airbnb
• Il-medja tar-rating bl-istilel
• Jekk il-kont tiegħek għandu xi informazzjoni li ġiet ivverifikata bħal pereżempju l-identità jew l-indirizz tal-email tiegħek
• Ir-reviews li kitbulek il-klijenti
• Ir-reviews li ktibt lil ħaddieħor
• Jekk intix membru tal-Bord Konsultattiv tal-Hosts
• Jekk tgħinx lil Airbnb.org
• Jekk intix Superhost

Bħala klijent, fost l-informazzjoni li tintwera hemm:

• L-isem
• Is-sena li ngħaqadt ma' Airbnb
• Jekk il-kont tiegħek għandu xi informazzjoni li ġiet ivverifikata bħal pereżempju l-identità jew l-indirizz tal-email tiegħek
• Ir-reviews li kitbulek il-Hosts
• Ir-reviews li ktibt dwar il-postijiet fejn toqgħod

X'informazzjoni mhix obbligatorja fil-profil tiegħek

L-informazzjoni kollha l-oħra li żżid barra dik imsemmija hawn fuq mhix obbligatorja. Dan ifisser li int biss tagħżel kemm u x'informazzjoni tagħti—bħal pereżempju x'ilsna titkellem, l-isport li tħobb jew l-interessi l-oħra tiegħek. Żomm f'moħħok li għalkemm ma tistax tibdel is-snin li twelidt fihom u l-lista tal-vjaġġi tal-imgħoddi, xorta tista' tagħżel li taħbihom biex ma jintwerewx fuq il-profil tiegħek. Żomm f'moħħok ukoll li l-informazzjoni kollha li tagħti fuq il-profil tiegħek għandu jimxi mal-istandards tal-politika tal-kontenut tagħna.

Jekk int Host, tinsiex li l-informazzjoni li tagħti se twassal biex il-klijenti jistennew xi affarijiet mingħandek. Jekk pereżempju tikteb xi ħaġa fit-taqsima "Xi nħejji għall-kolazzjon", il-klijenti jistgħu jistennew li tħejjilhom dik il-kolazzjon. F'ċerti postijiet dawn jitqiesu servizzi oħra u jaf ikollok ikun hemm xi liġijiet u taxxi marbutin magħhom.

U għalkemm inħeġġu lill-utenti kollha biex itellgħu ritratt tal-profil u neħtieġu li l-Hosts kollha jagħmlu hekk, ir-ritratti tal-profil tal-klijenti mhux se jintwerew qabel booking jiġi kkonfermat.

Kif tibdel ir-ritratt tal-profil tiegħek

Kif tibdel is-settings tal-Profil tiegħek biex ma jinstabx mill-magni tat-tiftix (eż. Google)

Aqleb bejn mixgħul/mitfi biex tagħżel jekk il-Profil u l-Listings tiegħek jistgħux jintwerew fil-magni tat-tiftix.

Fejn iktar tista' tintwera l-informazzjoni tal-profil tiegħek

Kull informazzjoni li tintwera fuq il-profil tiegħek bħala utent tista' tinstab minn utenti oħra li jagħmlu parti mill-komunità ta' Airbnb. L-informazzjoni tiegħek tista' wkoll tintwera barra l-profil tiegħek lil utenti oħra huma u jużaw Airbnb.

Għall-Hosts ta' kmamar, din l-informazzjoni tista' tintwera:

• Fil-ħarsa lejn il-profil fir-riżultati tat-tiftix: Meta l-klijenti jkunu qed ifittxu Kamra fuq Airbnb, fir-riżultati tat-tiftix nistgħu nuru ħarsa ħafifa lejn il-profil tiegħek bħala Host.
• Fil-ħarsa lejn xogħlok: Ix-xogħol li ssemmi fuq il-profil tiegħek jista' jintwera fir-riżultati tat-tiftix ħdejn il-listing tiegħek. Sir af kif tibdel din it-taqsima.
• Fil-paġna tal-listing: Nistgħu wkoll nuru xi dettalji tal-profil fuq il-paġna tal-listing tiegħek.

Għall-Hosts kollha, din l-informazzjoni tista' tintwera:

• Fil-paġna tal-listing: In-nies se jkunu jistgħu jiftħu l-profil tiegħek billi jagħfsu fuq ir-ritratt tal-profil fuq il-paġna tal-listing.

Għall-klijenti kollha, din l-informazzjoni tista' tintwera:

• Meta titlob biex tibbukkja: Meta titlob biex tibbukkja żjara, parti mill-profil tiegħek se jintwera lill-Host. Għalkemm naħbu r-ritratt tal-profil tiegħek sakemm il-Host jaċċetta l-booking, xorta se nuru ismek u r-reviews tiegħek. Nistgħu wkoll nuru xi dettalji oħra mill-profil tiegħek bħal pereżempju l-vjaġġi li għamilt fl-imgħoddi, il-post fejn toqgħod, l-ilsna li titkellem u l-interessi tiegħek.
• Fir-reviews fuq il-paġni tal-listings: Jekk xi ħadd ikun qed jaqra listing, din il-persuna tista' taqra r-reviews li nkitbu dwar il-listing - fosthom ir-reviews li tkun ktibt int. Dawn in-nies jistgħu jaslu għall-profil kollu tiegħek minn xi waħda minn dawn ir-reviews miktuba minnek.

Kif tintuża l-informazzjoni personali tiegħek?

Aħna nużaw l-informazzjoni tal-profil tiegħek l-istess bħalma nużaw informazzjoni personali oħra—skont il-Politika tal-Privatezza tagħna. Agħfas hawn biex issir taf iktar.