Għaliex għandek tippubblika l-post tiegħek fuq Airbnb?

Tista' tibdel l-ispazju ż-żejjed tiegħek fi dħul, jinsab fejn jinsab.
Minn Airbnb f'did-data: 3 ta’ Jan 2020
Vidjow ta' 5 minuti
Aġġornat f'did-data: 16 ta’ Nov 2022

Punti ewlenin

  • Daħħal iktar flus mingħajr irbit

      • Ibni rabta mal-klijenti u agħti xi ħaġa lura lill-komunità lokali tiegħek

          • Ikseb l-għajnuna u l-ħarsien matul il-proċess kollu

          Huma x'inhuma l-għanijiet tiegħek, Airbnb toffrilek mod divertenti u flessibbli biex tiltaqa' man-nies. Tista' tilqa' lin-nies f'kull xorta ta' spazju, madwar id-dinja kollha u meta trid.

          Il-flus li ddaħħal jistgħu jgħinuk tagħmel affarijiet bħal tħallas il-kontijiet, tfaddal għal avveniment importanti f'ħajtek jew tħallas għall-ispejjeż tal-vaganza li jmiss tiegħek. Minbarra li ddaħħal xi flus żejda, meta tiftaħ darek għall-oħrajn tkun qed tikseb opportunitajiet biex issir taf vjaġġaturi minn madwar id-dinja kollha u tkun ta' għajnuna għall-komunità lokali tiegħek.

          Tella' fuq Airbnb mingħajr irbit

          Meta tilqa' n-nies fuq Airbnb, tista' tagħżel kif u meta tilqa' l-klijenti. Tista' toffri spazju maqsum mal-oħrajn jew privat, kemm jekk tinsab id-dar kif ukoll jekk qed tivvjaġġa.

          Filwaqt li xi Hosts jilqgħu n-nies bħala negozju, oħrajn jilqgħu n-nies biss meta jkunu komdi jagħmlu hekk. Tista' tipprova tilqa' n-nies meta jkun hemm xi avveniment speċjali fil-qrib jew taħtaf l-opportuntità u tilqa' n-nies meta tkun qed tivvjaġġa biex tiżgura li l-post tiegħek ma jitħalliex battal.

          "Inħobb ikolli r-riedni f'idejja," tgħid Magaly, Superhost ġewwa East Wenatchee, Washington. "Dan stil ta' ħajja flessibbli—joffrili l-bilanċ ideali biex mhux biss inkun nista' nieħu ħsieb lil uliedi, imma fl-istess waqt inkun nista' wkoll nagħmel ix-xogħlijiet kollha l-oħra li nagħmel."

          Daħħal iktar flus

          Fi stħarriġ riċenti, ħafna Hosts qalu li tellgħu l-ispazju tagħhom fuq Airbnb biex jaqilgħu l-flus. Huma jużaw il-flus żejda biex ilaħħqu mal-għoli tal-ħajja, biex iħallsu l-kontijiet jew biex ikollhom iktar flus x'jonfqu.

          "Bdejt nilqa' n-nies meta dħalt fil-post," jgħid Yuan, Superhost ġewwa Singapore. "Id-dħul stabbli li qed naqla' wara li tellajt il-kamra tas-sodda żejda li għandi fuq Airbnb jgħini nħallas l-ispejjeż ta' kuljum, peress li komplejt bl-istudju u m'għadx għandi xogħol full-time."

          Fl-2021, Hosts ġodda minn madwar id-dinja kollha daħħlu bejniethom iktar minn $1.8 biljun USD, żieda ta' iktar minn 30% meta mqabbla mal-2019. Id-dħul medjan tal-2021 għall-Hosts ġewwa l-Istati Uniti kien ta' $13,800 USD, żieda ta' 85% meta mqabbel mal-2019. U l-opportunitajiet biex tilqa' n-nies—minn weekends 'l hemm u 'l hawn għal matul is-sena kollha—komplew jikbru fl-2022.

          "Minn meta tellajna l-listing fuq Airbnb, qatt ma rġajna biddilna l-ħsieb," jgħid Robin, Superhost ġewwa Mount Barker, l-Awstralja. "Xahar wara xahar, dejjem mimlijin bin-nies. Grazzi għad-dħul tagħna bħala Hosts u għall-pensjoni u investimenti oħrajn, nistgħu ngħixu ħajja komda."

          Agħti xi ħaġa lura lill-komunità tiegħek

          Dak li tikseb meta taqsam l-ispazju tiegħek ma' ħaddieħor ma tistax tgħoddu biss fi flus. Uħud mill-vantaġġi l-oħra li l-Hosts qalulna li jiksbu huma li jitgħallmu japprezzaw iktar il-komunitajiet tagħhom u li jiltaqgħu ma' nies interessanti li probabbilment qatt ma setgħu jiltaqgħu magħhom.

          James u Roxanne, Superhosts ġewwa Holetown, Barbados, joffru lill-klijenti li joqogħdu għandhom xi oġġetti magħmula lokalment (u li jbiegħu ukoll f'ħanut żgħir fil-propjetà tagħhom)—pereżempju jħallulhom fuq il-komodina ftit gallettini li jkunu għadhom kemm ħmew. "Il-klijenti kemm-il darba jixtru iktar Cane Dog Coffee, il-kafè tal-post, wara li jkunu daquh f'kamarthom," jgħid James.

          Brian, Superhost li jaħdem ma' Hello House Hostel ġewwa Las Palmas de Gran Canaria, Spanja jgħid li beda jilqa' n-nies biex iħossu qed jivvjaġġa anke meta jkun qiegħed f'daru stess. "Il-klijenti li lqajna kienu tal-ġenn," jgħid, "u vera nieħdu gost bl-istejjer li jirrakkuntaw u meta jerġgħu jiġu jżuruna."

          Ibda ilqa' n-nies malajr

          Tista' tibdel kważi kull xorta ta' spazju f'post fejn tilqa' l-klijenti ta' Airbnb. Hi x'inhi r-raġuni għaliex tixtieq tilqa' n-nies, hija verament faċli biex tibda.

          • Skopri kemm tista' taqla' fil-post fejn jinsab il-listing jew irreġistra biex toffri post fejn joqogħdu dawk li jkunu milquta minn xi kriżi
          • Ikseb għajnuna personalizzata mingħand Superhost, l-għażla li tilqa' klijent b'esperjenza għall-ewwel booking tiegħek u aċċess ta' malajr għal tim ta' aġenti tal-Għajnuna lill-Komunità imħarreġ apposta—dan kollu grazzi għal Airbnb Setup
          • Skopri kif iħarsek AirCover għall-Hosts

          Meta ttella' l-post tiegħek fuq Airbnb, jaf tkun tista' tista' tilħaq l-għanijiet finanzjarji tiegħek, tiltaqa' ma' nies minn madwar id-dinja kollha u tmexxi n-negozju tiegħek mingħajr irbit. Malli tkun lest/a toffri post fejn toqgħod għall-klijenti, lilna se ssibna lesti biex ngħinuk matul il-proċess kollu.

          Skopri iktar dwar id-dinja tal-ospitalità fil-gwida tagħna

          L-informazzjoni li tinsab f'dal-artiklu jaf laħqet inbidlet minn meta ġie ppubblikat.

          Punti ewlenin

          • Daħħal iktar flus mingħajr irbit

              • Ibni rabta mal-klijenti u agħti xi ħaġa lura lill-komunità lokali tiegħek

                  • Ikseb l-għajnuna u l-ħarsien matul il-proċess kollu

                  Airbnb
                  3 ta’ Jan 2020
                  Dan kien ta' għajnuna għalik?