Mur 'il quddiem biex taċċessa r-riżultati suġġeriti
    Dal-kontenut mhux disponibbli bil-lingwa magħżula minnek, għalhekk għamilnieh disponibbli bl-eqreb lingwa disponibbli għalissa.

    Tweġibiet għall-vjaġġaturi dwar il-COVID-19

    Sir af kif qed ngħinuk permezz ta' għażliet għal vjaġġi flessibbli, postijiet iktar nodfa u ħafna iktar.
    Minn Airbnb f'did-data: 10 ta’ Mar, 2020
    Qari ta' 6 minuti
    Aġġornat f'did-data: 25 ta’ Ġun, 2021

    Nifhmu li għalkemm il-vjaġġi mistennija jerġgħu jaqbdu fix-xhur li ġejjin, għad hemm ħafna inċertezza marbuta mal-COVID-19 u dwar jekk il-pjanijiet tal-btala tiegħek hux se jintlaqtu jew le. Biex ngħinu lill-vjaġġaturi, qed inżommu kont tal-mistoqsijiet tagħkom u qed inwieġbu wħud minnhom hawnhekk. Hekk kif is-sitwazzjoni tkompli tinbidel u jkollna iktar tweġibiet, se nkunu qed naġġornaw dil-paġna.

    Jeħtieġli nikkanċella l-vjaġġ tiegħi. X'inhuma l-għażliet li għandi?
    Il-politiki ta' kanċellazzjoni huma magħżula mill-Host u għalhekk m'hemmx regola fissa. Tista' ssib id-dettalji dwar il-politika ta' kanċellazzjoni ta' kull post fejn toqgħod mill-paġna ewlenija tal-listing jew, għall-bookings li diġà bbukkjajt, fit-taqsima Vjaġġi tal-websajt jew l-app ta' Airbnb.

    Sakemm ma jkunux morda bil-COVID-19, il-klijenti li jibubkkjaw booking ġdid wara l-14 ta' Marzu 2020 mhu se jkunu jistgħu jiksbu ebda ħlas lura taħt il-politika taċ-ċirkostanzi attenwanti jekk jikkanċellaw minħabba l-COVID-19. Sir af iktar dwar il-politika taċ-ċirkostanzi attenwanti tagħna.

      Nixtieq nibbukkja vjaġġ imma għandi tħassib dwar il-bidliet marbuta malCOVID-19 jew mar-restrizzjonijiet fuq il-vjaġġi internazzjonali. X'għandi nagħmel?
      Nifhmu li tista' ma tħossokx komdu/a tibbukkja l-vjaġġi bħalissa. Aħna nħeġġu bil-kbir lil kull klijent biex iqis bir-reqqa l-politika ta' kanċellazzjoni ta' kull booking li beħsiebu jagħmel u biex jagħżel dawk il-listings li joffru l-flessibbiltà. Żidna filtru biex nagħmluhielek eħfef li tfittex postijiet li joffru politiki ta' kanċellazzjoni flessibbli. Ħloqna wkoll dil-paġna biex ngħinu lill-vjaġġaturi jifhmu aħjar x'għażliet tal-assigurazzjoni jistgħu jsibu mingħand entitajiet terzi. Sakemm ma jkunux morda bil-COVID-19, il-klijenti li jibubkkjaw booking ġdid wara l-14 ta' Marzu 2020 mhu se jkunu jistgħu jiksbu ebda ħlas lura taħt il-politika taċ-ċirkostanzi attenwanti jekk jikkanċellaw minħabba l-COVID-19.

      Kif nista' nsib postijiet fejn toqgħod li joffru politiki ta' kanċellazzjoni flessibbli?
      Żidna filtru biex nagħmluhielek eħfef li tfittex għal postijiet li joffru politiki ta' kanċellazzjoni flessibbli. Sir af iktar dwar il-filtru. Żomm f'moħħok li l-politiki ta' kanċellazzjoni jiġu magħżula mill-Hosts u li m'hemmx politika ta' kanċellazzjoni fissa. Tista' ssib id-dettalji tal-politika ta' kanċellazzjoni ta' kull post fejn toqgħod fuq il-paġna ewlenija ta' kull listing.

      Fejn nista' nsib iktar informazzjoni dwar ir-restrizzjonijiet u l-avviżi dwar il-vjaġġi lokali?
      Ħafna komunitajiet għandhom avviżi dwar l-ivvjaġġar jew restrizzjonijiet temporanji marbuta mal-akkomodazzjoni (inklużi l-kirjiet temporanji) fis-seħħ. Biex tifhem jekk il-vjaġġ tiegħek hux se jiġi affettwat, nissuġġerulek tiċċekkja r-restrizzjonijiet u l-avviżi dwar l-ivvjaġġar tal-post fejn jinsab il-listing.

      Skont il-politika ta' kanċellazzjoni tal-Host tiegħek ma nistax nitħallas lura. Għaliex?
      Airbnb hija komunità magħmula minn klijenti u Hosts li jsibu lil xulxin grazzi għall-pjattaforma. Il-Hosts jiddeċiedu kemm iridu jitolbu flus, ir-regoli tal-ispazju u l-politika ta' kanċellazzjoni tagħhom. Tista' ssib id-dettalji dwar il-politika ta' kanċellazzjoni ta' kull post fejn toqgħod mill-paġna ewlenija tal-listing jew, għall-bookings li diġà bbukkjajt, fit-taqsima Vjaġġi tal-websajt jew l-app ta' Airbnb. Fil-biċċa l-kbira tal-każijiet, il-Hosts jiddependu mid-dħul ta' Airbnb biex ilaħħqu mal-ispejjeż u għalhekk jaf ikun diffiċli għalihom jagħmlu eċċezzjoni għall-politiki tagħhom.

      Host għadu kemm ikkanċellali l-booking. Issa x'se jiġri?
      Nifhmu li l-kanċellazzjonijiet qatt mhuma aħbar sabiħa, anke meta jiġru għal raġuni tajba. Żomm f'moħħok li ħafna mill-Hosts li jikkanċellaw booking jafu jkunu ġew milquta mill-COVID-19 jew qed jagħmlu hekk biex iħarsu l-benesseri tal-komunità tagħna kollha.

      Jaf ikollok dritt għall-ħlas kollu lura jekk il-Host tiegħek jikkanċella. Żur it-taqsima Vjaġġi fl-app jew fil-websajt ta' Airbnb għal iktar dettalji dwar il-ħlas lura tiegħek.

      Jekk għadek teħtieġ tivvjaġġa, nisperaw li tagħżel li terġa' tibbukkja fuq Airbnb.

      Waqt żjara, x'tip ta' protokolli għas-saħħa, għas-sigurtà u għat-tindif se jkunu fis-seħħ għall-klijenti u għall-Hosts?
      Is-sigurtà tal-komunità tagħna hija importanti ħafna għalina, għalhekk ħloqna sett ta' regoli għas-sigurtà għall-COVID-19 obbligatorji kemm għall-Hosts kif ukoll għall-klijenti tal-listings ta' Airbnb. Dawn ir-regoli nħolqu bl-għajnuna ta' esperti bħall-Għaqda Dinjija tas-Saħħa u ċ-Ċentri għall-Kontroll u l-Prevenzjoni tal-Mard tal-Istati Uniti. Madwar id-dinja kollha, il-Hosts qed jimpenjaw ruħhom li jimxu skont ir-regoli tas-sigurtà u t-tindif għall-COVID-19 biex b'hekk int tkun moħħok mistrieħ. Sir af iktar minn hawn.

      Dan l-aħħar ma bqajniex nimponu l-maskri u t-tbegħid soċjali fuq kulħadd. Minflok, minħabba li Airbnb għandha listings f'postijiet u fost komunitajiet differenti madwar id-dinja li jinsabu fi stadji differenti fil-ġlieda tagħhom kontra t-tixrid tal-COVID-19, qed nitolbu lill-Hosts u lill-klijenti biex jimxu mal-liġijiet u l-linji gwida tal-post fejn jinsab il-listing. Nissuġġerulek taqra l-linji gwida ġenerali għas-saħħa u s-sigurtà fi żmien il-pandemija tal-COVID-19, li żżomm ruħek aġġornat/a dwar ir-restrizzjonijiet u l-avviżi dwar l-ivvjaġġar maħruġa mill-gvernijiet li jgħoddu għalik u li timxi mal-linji gwida nazzjonali u lokali kollha meta tivvjaġġa.

      Nixtieq nibbukkja Esperjenza ta' Airbnb tradizzjonali. X'għandi nkun naf?
      L-esperjenzi wiċċ imb wiċċ reġgħu bdew jiġu organizzati fejn jista' jsir hekk u nedejna linji gwida għas-saħħa u s-sigurtà fejn nitolbu lill-Organizzaturi u lill-parteċipanti, meta l-liġijiet jew il-linji gwida tal-post jitolbu hekk, biex jilbsu għata tal-wiċċ u jżommu t-tbegħid soċjali. Se navżawk jekk ikollna nissospendu l-esperjenzi minħabba li r-restrizzjonijiet imposti mill-gvernijiet jinbidlu wara li l-esperjenzi jkunu reġgħu bdew jiġu organizzati f'dik iż-żona partikolari. Jekk tkun ibbukkjajt esperjenza tradizzjonali f'post fejn l-esperjenzi ġew sospiżi, se tirċievi kupun ta' $25 USD biex tingħaqad ma' esperjenza oħra fil-ġejjieni. Aqra d-dettalji dwar il-ftuħ mill-ġdid

      Jekk tippreferi tieħu sehem f'esperjenza tradizzjonali mal-grupp tiegħek biss, nissuġġerulek tibbukkja grupp privat. Jekk l-esperjenzi tradizzjonali għadhom ma reġgħux fetħu fil-komunità tiegħek, agħti titwila lejn l-esperjenzi onaljn tagħna. Kemm jekk tixtieq titgħallem xi ħiliet ġodda, tqatta' ftit ħin mal-ħbieb waqt li tagħmlu attività divertenti jew tieħu sehem f'esperjenza mat-tim tal-kollegi tax-xogħol, issa tista' tagħmel hekk mis-sigurtà ta' darek. Minn esperjenzi dwar is-sigrieti tal-maġija sa oħrajn dwar it-tisjir ma' familja Marokkina jew il-meditazzjoni ma' patri Buddist, għandna ħafna esperjenzi onlajn li tista' tipprova.

      Il-klijenti obbligati jimxu mar-regoli tas-sigurtà għall-COVID-19 ta' Airbnb?
      Minħabba li l-pandemija għadha għaddejja, importanti li lkoll kemm aħna nagħmlu l-parti tagħna biex inħarsu lil xulxin mill-COVID-19. Għalhekk nedenja regoli tas-sigurtà obbligatorji, ibbażati fuq il-pariri tal-esperti bħaċ-Ċentri għall-Kontroll u l-Prevenzjoni tal-Mard tal-Istati Uniti, li kull membru tal-komunità ta' Airbnb meħtieġ li jimxi magħhom. Bħala parti mir-regoli tas-sigurtà, kemm il-klijenti kif ukoll il-Hosts meħtieġa jaqblu li—meta jkun meħtieġ hekk mil-liġijiet jew mil-linji gwida tal-post fejn jinsab il-listing—jilbsu maskra jew għata tal-wiċċ u jżommu t-tbegħid soċjali meta jiltaqgħu wiċċ imb wiċċ ma' xulxin.

      Ibbukkjajt post fejn noqgħod fuq Airbnb għal avveniment li ġie kkanċellat. Nista' nikkanċella l-booking tiegħi?
      Nifhmu li ħafna mill-vjaġġaturi tagħna jibbukkjaw post fejn toqgħod fuq Airbnb għall-avvenimenti. Jekk l-avveniment li kont beħsiebek tieħu sehem fih safa kkanċellat u l-booking tiegħek ma jaqax taħt il-politika taċ-ċirkostanzi attenwanti tagħna, jekk jogħġbok aqra l-politika ta' kanċellazzjoni tal-booking tiegħek. Jew inkella tista' tikkuntattja lill-Host tiegħek direttament.

      X'inhi l-politika taċ-ċirkostanzi attenwanti?
      Il-politika taċ-ċirkostanzi attenwanti ta' Airbnb toffri lill-Hosts u lill-klijenti l-għażla li jikkanċellaw mingħajr ma jeħlu ebda penali jekk jintlaqtu minn affarijiet serji bħal korriment jew mard, diżastri naturali, restrizzjonijiet fuq il-vjaġġi jew avvenimenti mhux mistennija oħra. Sakemm ma jkunux morda bil-COVID-19, il-klijenti li jibbukkjaw booking ġdid wara l-14 ta' Marzu 2020 mhu se jkunu jistgħu jiksbu ebda ħlas lura taħt il-politika taċ-ċirkostanzi attenwanti jekk jikkanċellaw minħabba l-COVID-19. Biex tifhem x'għażliet ta' kanċellazzjoni għandek għall-booking tiegħek, jekk jogħġbok żur it-taqsima Vjaġġi fl-app jew fil-websajt ta' Airbnb.

      Ibbukkjajt propjetà ma' Airbnb Luxe. Naqa' taħt il-politika taċ-ċirkostanzi attenwanti?
      Il-politika taċ-ċirkostanzi attenwanti tagħna ma tgħoddx għall-bookings ta' Airbnb Luxe għax dawn għandhom politika għall-ħlas lura lill-klijenti Luxe differenti.

      Hemm xi materjal ieħor li nista' nuża biex inkun naf x'qed jiġri jien u nivvjaġġa?
      Għall-aħħar informazzjoni dwar il-linji gwida u r-restrizzjonijiet fuq il-vjaġġi, agħti ħarsa lejn dil-websajt.

      Tista' tniżżel l-apps fuq il-mowbajl tiegħek li javżawk jekk ġejt f'kuntatt mal-virus jekk tixtieq tagħti sehemek għat-tnaqqis fit-tixrid tal-COVID-19. Dawn l-apps terzi, mibnija mill-awtoritajiet tas-saħħa pubblika madwar id-dinja, huma mibnija fuq teknoloġiji ta' Google u Apple u se javżawk jekk tkun ġejt f'kuntatt fil-qrib ma' xi ħadd li jinstab li għandu l-COVID-19. Sir af iktar dwar dawn l-apps, ir-regoli tal-privatezza tagħhom u kif tikseb l-avviżi.

      Għad għandi xi mistoqsijiet. Lil min għandi nikkuntattja?
      Minħabba l-impatt kbir madwar id-dinja kollha li l-COVID-19 kellu fuq il-vjaġġi, it-tim tal-għajnuna lill-komunità tagħna għadu jirċievi numru kbir ħafna ta' emails u telefonati. Jekk is-sitwazzjoni tkun teħtieġ għajnuna fil-pront minn wieħed mill-membri tat-tim tal-għajnuna tal-komunità tagħna, dejjem tista' tikkuntattjana direttament mill-app.

      Tista' wkoll issib it-tweġibiet għal ħafna mill-mistoqsijiet li jista' jkollok f'uħud mill-għodod ta' għajnuna awtomatika li ħloqna bl-iskop li nagħmluhielek eħfef li ssolvi l-problemi mingħajr ma jkollok għalfejn titlob l-għajnuna tagħna. Jekk jogħġbok żur dal-artiklu għall-aħħar informazzjoni dwar ir-restrizzjonijiet fuq il-vjaġġi jew iċ-Ċentru tal-Għajnuna għal iktar materjal u informazzjoni.

      Nifhmu kemm il-COVID-19 ħoloq xkiel għall-vjaġġaturi u għalhekk qegħdin hawn biex ngħinuk. Grazzi talli taħdem magħna biex tgħinna nħarsu s-sigurtà u l-benesseri tal-komunità tagħna.

      L-informazzjoni li tinsab f'dal-artiklu jaf laħqet inbidlet minn meta ġie ppubblikat.

      Airbnb
      10 ta’ Mar, 2020
      Dan kien ta' għajnuna għalik?