Aġġornament għall-Hosts li jużaw il-faċilità tal-indirizz tal-email anonimu

Qed naħdmu bla qatigħ biex inħaffu l-mod ta' kif twassal u taqsam l-informazzjoni. Nafu kemm huwa importanti li tikkomunika bla xkiel mal-klijenti tiegħek.

Biex tħares il-privatezza tal-komunità, Airbnb qatt ma qasmet l-indirizzi tal-email tal-klijenti u tal-Hosts ma' klijenti jew Hosts oħra. Wieħed mill-modi ta' kif il-Hosts setgħu jikkuntattjaw lill-klijenti kien bil-faċilità ta' indirizz tal-email uniku u anonimu li konna noħolqu għall-klijenti—bħal pereżempju marija-dfsnsns@guest.airbnb.com

Il-messaġġi ta' Airbnb huma l-qalba tal-komunikazzjoni bejn il-Hosts u l-klijenti kollha u għalhekk nhar it-30 ta' Settembru 2023 se nkunu qed nagħlqu l-faċilità tal-indirizz tal-email anonimu.

Jekk kont qed tuża l-indirizz tal-email anonimu biex tibgħat dokumenti importanti, xorta għandek għadd ta' modi oħra kif tista' taqsam dil-informazzjoni mal-klijenti:

• Uża l-messaġġi ta' Airbnb, ċempel jew ibgħat SMS. Dal-faċilitajiet mhux se jinbidlu.
• Agħti d-dettalji kollha direttament fil-listing tiegħek. Il-klijenti jkunu jistgħu jsibu dad-dettalji kull meta jeħtiġuhom.
• Ibgħat link għad-dokumenti. Fil-messaġġi ta' Airbnb tista' tibgħat il-links.

Aħna dejjem naħdmu biex intejbu l-għodod tagħna ħalli ngħinuk tikkomunika aħjar mal-klijenti u nixtiequ l-kummenti u l-ħsibijiet tiegħek dwarhom.